ସିବିଏସଇ କାଉନସିଲିଂରେ ହେଲା ବଡ ଖୁଲାସା ! ବୋର୍ଡ ପରୀକ୍ଷାରେ ଛାତ୍ରଙ୍କୁ ଲାଗେ ଅଧିକ ଡର ।
ଦଶମ ଏବଂ ଦ୍ୱାଦଶ ପରୀକ୍ଷାରେ ଫେଲ୍ ହୋଇଯିବା ଆଶଙ୍କାରେ ଅଧିକାଂଶ ଛାତ୍ର ଭୟଭୀତ ହୋଇଯାଆନ୍ତି । ସିବିଏସଇ ବୋର୍ଡ ପରୀକ୍ଷା ହେଲ୍ପଲାଇନ୍ ଜରିଆରେ ଏହି ଖବର ସାମ୍ମାକୁ ଆସିଛି । ସିବିଏସଇର କାଉନସିଲରଙ୍କ କହିବାନୁସାରେ ଛାତ୍ରୀମାନେ ଏହି ପ୍ରକ୍ରିୟାରେ କମ୍ ଭୟଭୀତ ଥାଆନ୍ତି କାରଣ ସେମାନେ ପାଠପଢା ପ୍ରତି ଅଧିକ ଏକାଗ୍ରତା ଦେଇଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ସିବିଏସଇ କାଉନସିଲର ଡ.ସୋନା ଗୁପ୍ତାଙ୍କ କହିବାନୁସାର ତାଙ୍କ ପାଖକୁ ଅଭିଭାବକ,ଛାତ୍ରୀଙ୍କ କଲ୍ ଆସିଛି ସତ କିନ୍ତୁ ଅଧିକ କଲ୍ ତାଙ୍କ ପାଖକୁ ଛାତ୍ରମାନଙ୍କର ଆସିଛି । ତାଙ୍କ ମତରେ ଛାତ୍ରୀମାନେ ପଢାପ୍ରତି ଅଧିକ ଆଗ୍ରହ ଦେଖାଇଥାନ୍ତି । କିନ୍ତୁ ଛାତ୍ରମାନେ ପଢାପ୍ରତି ଖାମଖିଆଲ ଭାବ ରଖିଥାନ୍ତି ତେଣୁ ଏଭଳି ସମସ୍ୟାର ସମ୍ମୁଖିନ ହୋଇଥାନ୍ତି ।
ଡ.ସୋନାଙ୍କ କହିବାନୁସାରେ ଛାତ୍ରୀମାନେ ଯେଉଁଠି ବର୍ଷତମାମ ଅଳ୍ପ ଅଳ୍ପ କରି ପାଠକୁ ସମ୍ପୁର୍ଣ୍ଣ କରନ୍ତି ଛାତ୍ରମାନେ କେବଳ ପରୀକ୍ଷା ପାଖବେଳକୁ ପାସ୍ ହେବା ପାଇଁ ପଢିଥାନ୍ତି । ଯାହାଦ୍ୱାରର ତାଙ୍କ ମନରେ ଫେଲ୍ ହେବାର ଭୟ ଅଧିକ ଦେଖାଯାଏ ।
ତେବେ ସିବିଏସଇ ହେଲ୍ପଲାଇନ୍ ଏବେବି କାର୍ଯ୍ୟ କରୁଛି ଦେଶରେ ପ୍ରାୟ ୯୧ ଟି ସେଣ୍ଟରରେ ଏହାର କାଉନ୍ସିଲର ସେବା ଯୋଗାଇ ଦେଉଛନ୍ତି ।
କଲ୍ କରିବା ନମ୍ବର : ୧୮୦୦୧୧୮୦୦୪
ଇମେଲ୍ : counselling.cecbse@gmail.com, sugandh.cbse@gmail.com