ମୁଖ୍ୟମନ୍ତ୍ରୀ ସାର୍…! ମତେ ସରକାରୀ ସ୍କୁଲ ବଦଳରେ ଘରୋଇ ସ୍କୁଲରେ ପଢାନ୍ତୁ… ନୀତିଶ କୁମାରଙ୍କୁ ଗୁହାରୀ କଲା କୁନିପୁଅ ।
କନକ ବ୍ୟୁରୋ: ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କୁ ଅଟକାଇଲେ ଷଷ୍ଠ ଶ୍ରେଣୀର ଛାତ୍ର । ଆଉ ହାତଯୋଡ଼ି ସରକାରୀ ସ୍କୁଲ ବଦଳରେ ଘରୋଇ ସ୍କୁଲରେ ନାମ ଲେଖାଇବାକୁ କଲେ ଗୁହାରୀ । ପିଲାର କଥା ଶୁଣି ମୁଖ୍ୟମନ୍ତ୍ରୀ ତୁରନ୍ତ ଅଧିକାରୀଙ୍କୁ ଆବଶ୍ୟକ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ ନୀତିଶ କୁମାର ତାଙ୍କ ପତ୍ନୀଙ୍କ ୧୬ତମ ପୁଣ୍ୟତିଥି ଅବସରରେ କଲ୍ୟାଣବିଘା ଯାଇଥିଲେ । ଯେଉଁଠାରେ ନୀତିଶ କୁମାର ଜନ ସମ୍ବାଦ କାର୍ଯ୍ୟକ୍ରମରେ ଲୋକଙ୍କ ସମସ୍ୟା ଶୁଣୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହାରି ଭିତରେ ସୋନୁ କୁମାର ନାମକ ଜଣେ ଷଷ୍ଠ ଶ୍ରେଣୀର ଶିଶୁ ଜନ ସମ୍ବାଦରେ ନିଜ ସମସ୍ୟା ନେଇ ପହଞ୍ଚିଥିଲେ । ପିଲାଟି ମୁଖ୍ୟମନ୍ତ୍ରୀଙ୍କ ଆଗରେ ଅଭିଯୋଗ କରିଥିଲା ଯେ ତାଙ୍କ ପିତା ଜଣେ ଦହି ବିକ୍ରି କରିବା କାମ କରନ୍ତି । ପିତା ଯାହା କିଛି ରୋଜଗାର କରନ୍ତି, ସବୁ ମଦ ପିଇବାରେ ସାରି ଦିଅନ୍ତି । ଗରିବ ପରିବାରର ହୋଇଥିବାରୁ ସେ ନିମାକୌଲର ଏକ ସରକାରୀ ସ୍କୁଲରେ ପାଠ ପଢ଼ନ୍ତି, ଯେଉଁଠାରେ ଶିକ୍ଷକ ତାଙ୍କୁ ଭଲ ଶିକ୍ଷା ଦେଉନଥିବା ପିଲାଟି ଅଭିଯୋଗ କରିଥିଲା । ସରକାରୀ ସହାୟତା ମିଳିଲେ ସେ ଆଇଏଏସ୍ କିମ୍ବା ଆଇପିଏସ୍ ହୋଇପାରିବ ବୋଲି ପିଲାଟି କହିଥିଲା । ସେପଟେ ଛୋଟ ପିଲାର ଏଭଳି ସାହସକୁ ଦେଖି ମୁଖ୍ୟମନ୍ତ୍ରୀ ସମେତ ଉପସ୍ଥିତ ସମସ୍ତ ଅଧିକାରୀ ଆଶ୍ଚର୍ଯ୍ୟ ହୋଇଯାଇଥିଲେ ।