କୁମ୍ଭ ମେଳାରେ ୧୦ହଜାର ସଫେଇକର୍ମୀ ଏକା ସାଙ୍ଗରେ ଝାଡୁ ଲଗାଇ ସୃଷ୍ଟି କଲେ ବିଶ୍ୱ ରେକର୍ଡ
ପ୍ରୟାଗରାଜରେ ଚାଲୁଥିବା କୁମ୍ଭ ମେଳାରେ ଶନିବାର ଦିନ ୧୦,୦୦୦ ସଫେଇକର୍ମୀ ଏକା ସହିତ ସଫେଇ କରି ବିଶ୍ୱ ରେକର୍ଡ ସୃଷ୍ଟି କରିଛନ୍ତି । ପ୍ରଥମ ଥର ଏମିତି ହୋଇଛି କି, ଯେବେ ୫ ଭିନ୍ନ ଭିନ୍ନ ସ୍ଥାନରେ ଏତେ ସଂଖ୍ୟାରେ କର୍ମଚାରୀମାନେ ଏକାସାଙ୍ଗରେ ମିଶି ଝାଡୁ କରିଛନ୍ତି । ପ୍ରଦେଶର ସ୍ୱାସ୍ଥ୍ୟ ମନ୍ତ୍ରୀ ସିଦ୍ଧାର୍ଥ ନାଥ ସିଂହଙ୍କ ନେତୃତ୍ୱରେ ସଫେଇକର୍ମୀ କୁମ୍ଭ କ୍ଷେତ୍ରର ନାଲି ସଡକ ପ୍ୟାରେଡ୍ ପଡିଆ, ସଙ୍ଗମ ଲୋଅର ମାର୍ଗ ଝୁଂସି, କୈଳାଶପୁରୀ ମାର୍ଗ ଦାରାଗଂଜ ଓ ସଂକଟ ମୋଚନ ମାର୍ଗ ନୈନୀରେ ସଫେଇ ଅଭିଯାନ କରାଗଲା । ପ୍ରଥମ ଥର ଏତେ ଅଧିକ ସଂଖ୍ୟାରେ ସଫେଇ କର୍ମୀ ଏକା ସାଙ୍ଗରେ ଝାଡୁ କରିବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗିନିଜ ବୁକ୍ ଅଫ୍ ୱାଲର୍ଡ ରେକର୍ଡର ଋଷିରାଜ କହିଛନ୍ତି କି, ତାଙ୍କ ମାନକ ଅନୁସାରେ, ୭୦୨୧ ସଫେଇକର୍ମୀ ଯଦି ଗୋଟିଏ ସ୍ଥାନରେ ସଫେଇ କରିଦେଉଛନ୍ତି, ତେବେ ତାହା ରେକର୍ଡ ହେବ । ଏହାପୂର୍ବରୁ ଏହି ରେକର୍ଡ ବାଙ୍ଗଲାଦେଶ ନାଁରେ ଥିଲା । ଢ଼ାକାରେ ଗୋଟିଏ ସ୍ଥାନରେ ୭୦୦୦ ଲୋକ ସଫେଇ କାମ କରିଥିଲେ । କିନ୍ତୁ କୁମ୍ଭରେ ୫ଟି ସ୍ଥାନରେ ୧୦ହଜାର ସଫେଇ କର୍ମଚାରୀ ଏକା ସାଙ୍ଗରେ ସଫେଇ କରି ବିଶ୍ୱ ରେକର୍ଡ ସୃଷ୍ଟି କରିଛନ୍ତି ।