ଖତ ଖାଇଲା ଭକ୍ତ ଦାନ କରିଥିବା ୧୦ ହଜାର କ୍ୱିଣ୍ଟାଲ ‘ଅର୍ପଣ ଚାଉଳ’ ; ଚାଉଳ ନଷ୍ଟ ପାଇଁ ଦାୟୀ କିଏ?

କନକ ବ୍ୟୁରୋ: ଖତ ଖାଇଗଲା ଭକ୍ତଙ୍କ ଦାନ ଚାଉଳ। ‘ଅର୍ପଣ ଚାଉଳ’ରେ ଲାଗି ପାରିବନି ଭୋଗ। ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପୂର୍ବରୁ ସାରା ଓଡିଶାରୁ ସଂଗ୍ରହ ହୋଇଥିଲା ‘ଅର୍ପଣ ଚାଉଳ’। ୧୪ ହଜାର କୁଇଣ୍ଟାଲ ଅର୍ପଣ ଚାଉଳ ସଂଗ୍ରହ ହୋଇଥିଲା। ସେଥିରୁ ୪ ହଜାର କୁଇଣ୍ଟାଲ ଚାଉଳ ବ୍ୟବହାର ହୋଇଛି। ବଳକା ୧୦ ହଜାର କୁଇଣ୍ଟାଲ ଚାଉଳ ନଷ୍ଟ ହୋଇଯାଇଛି। ସେହି ଚାଉଳରେ ଆଉ ଭୋଗ ଲାଗି ହୋଇପାରବ ନାହିଁ। ସୁଆର ମହାସୁଆର ନିଯୋଗ ଏଭଳି କହିବା ପରେ ଭକ୍ତଙ୍କ ଭାବାବେଗକୁ ଶକ୍ତ ଆଘାତ ଲାଗିଛି। ଚାଉଳ ଆଉ ଭୋଗ ଉପଯୋଗୀ ନଥିବାରୁ କୌଣସି ଏନଜିଓ ସଂସ୍ଥାକୁ ଦେବାପାଇଁ ପ୍ରସ୍ତାବ ଦେଇଛି ସୁଆର ମହାସୁଆର ନିଯୋଗ।