ଇସ୍ରାଏଲ ଉପରେ ଆକ୍ରମଣ ପାଇଁ ୨୦୨୧ରୁ ତିଆରି ହୋଇଥିଲା ବ୍ଲୁପ୍ରିଣ୍ଟ୍ । ୬ଟି ଟିମରେ ବିଭକ୍ତ ହୋଇଥିଲେ ଆତଙ୍କବାଦୀ, ଜାଣନ୍ତୁ ପୂରା ଘଟଣା
କନକ ବ୍ୟୁରୋ : ଇସ୍ରାଏଲ ସେନା ଓ ହମାସ ମଧ୍ୟରେ ଚାଲିଥିବା ରକ୍ତାକ୍ତ ସଂଘର୍ଷ ୪ ଦିନ ହେଲା ଜାରି ରହିଥିବାବେଳେ ୧୨ଶହରୁ ଅଧିକ ଲୋକଙ୍କ ମୃତ୍ୟୁ ହେଲାଣି । ଗାଜାରେ ୧ ଲକ୍ଷରୁ ଅଧିକ ଲୋକଙ୍କୁ ସ୍ଥାନାନ୍ତର କରାଗଲାଣି । ହେଲେ ହମାସ ଦାବି କରିଛି ଯେ, ଶତାଧିକ ଇସ୍ରାଏଲ ନାଗରିକଙ୍କୁ ପଣବନ୍ଦୀ ରଖାଯାଇଛି । ତେଣୁ ହମାସ ବିଦ୍ରୋହୀ ସେନା ଚେତାବନୀ ଦେଇଛି ଯେ, ଇସ୍ରାଏଲ ଗୋଟିଏ ରକେଟ୍ ମାଡ କଲେ ଜଣେ ପଣବନ୍ଦୀଙ୍କୁ ହତ୍ୟା କରାଯିବ । ଆଉ ଏହାରି ଭିତରେ ଏଭଳି ଏକ ଖବର ସାମ୍ନାକୁ ଆସିଛି ଯାହା ଶୁଣିଲେ ଆଶ୍ଚର୍ଯ୍ୟ ଲାଗିବ ।
Kanak News is now on WhatsApp
Join and get latest news updates delivered to you via WhatsApp
ବିନା କୌଣସି ଚେତାବନୀରେ ଇସ୍ରାଏଲ ଉପରେ ଆକ୍ରମଣ କରିବା ପାଇଁ ହମାସ ୨ବର୍ଷ ତଳୁ ଯୋଜନା ପ୍ରସ୍ତୁତ କରିଥିଲା । ତେଣୁ ଇସ୍ରାଏଲର ସୁରକ୍ଷା କବଚ ଭାଙ୍ଗି ଭିତରକୁ ପ୍ରଭେଶ କରିବା ପାଇଁ ହମାସ ଇସ୍ରାଏଲ ଉପରେ ଅଚାନକ ଆକ୍ରମଣ କରିଥିଲା । ଆକ୍ରମଣ ପାଇଁ ୬ଟି ଟିମ୍ ଗଠନ କରାଯାଇଥିଲା । ୬ଟି ମୋର୍ଚ୍ଚାରେ ୧ହଜାର ଲେଖାଅ ପ୍ରଶିକ୍ଷଣ ପ୍ରାପ୍ତ ଲୋକଙ୍କୁ ନିଆଯାଇଥିଲା । ଡ୍ରୋନ୍ ୟୁନିଟକୁ ଆକ୍ଟିଭ୍ କରାଯାଇଥିଲା । ଏହି ୬ଟି ଟିମରେ ବଣ୍ଟାଯାଇଥିବା ସମସ୍ତ ଆତଙ୍କବାଦୀଙ୍କୁ ଗୁପ୍ତ ଟ୍ରେନିଂ ଦିଆଯାଇଥିଲା ।
ଯେତେବେଳେ ଇସ୍ରାଏଲ ଉପରେ ଆକ୍ରମଣ ପାଇଁ ଅପରେଶନ୍ କରାଯାଇଥିଲା ଏବଂ ୬ହଜାର ଆତଙ୍କୀଙ୍କୁ ନେଇ ୬ଟି ମୋର୍ଚ୍ଚାରେ ବଣ୍ଟାଯାଇଥିଲା । ସେତେବେଳେ ପ୍ରଥମ ମୋର୍ଚ୍ଚା ଇସ୍ରାଏଲ ଉପରେ ଲଗାତାର ୩ହଜାର ରକେଟ୍ ମାଡ କରିଥିଲା । ଆଉ ଅନ୍ୟପଟେ ହ୍ୟାଙ୍ଗ୍ ଗ୍ଲଇଡର ଉଡାଉଥିବା ଦ୍ୱିତୀୟ ମୋର୍ଚ୍ଚା ଇସ୍ରାଏଲ ମଧ୍ୟରେ ପ୍ରବେଶ କଲେ । ସବୁଠୁ ଅସୁରକ୍ଷିତ ଥିବା ସ୍ଥାନକୁ ସୁରକ୍ଷିତ କରିଥିଲା । ତୃତୀୟ ମୋର୍ଚ୍ଚା ମଜବୁତ ଭାବେ ତିଆରି ହୋଇଥିବା ଇଲୋକଟ୍ରୋନିକ୍ ଏବଂ ସିମେଣ୍ଟରେ ତିଆରି ଅଭେଦ୍ୟ ଦୁର୍ଗକୁ ଭେଦ କରିଥିଲା । ଆଉ ଯେତେବେଳେ ଇସ୍ରାଏଲ ସୁରକ୍ଷା ପାଇଁ ପଦକ୍ଷେପ ନେବା ପାଇଁ ପ୍ରସ୍ତୁତ ହେଲା ସେତେବେଳେ ଆଉ ତିନୋଟି ମୋର୍ଚ୍ଚା ଇସ୍ରାଏଲ ଭିତରକୁ ପଶି ମୃତ୍ୟୁର ତାଣ୍ଡବ ରଚିଥିଲେ । ଆଉ ଏହି ଆକ୍ରମଣ ପାଇଁ ୨୦୨୧ରୁ ଯୋଜନା କରିଆସୁଥିଲା ପାଲେଷ୍ଟାଇନ୍ ।