କନକ ବ୍ୟୁରୋ : ଚାଟାର୍ଡ ଆକାଉନଟିଙ୍ଗ, କଷ୍ଟ ଆକାଉନଟିଙ୍ଗ ବା କଷ୍ଟ ମ୍ୟାନେଜମେଂଟ ଆକାଉନଟିଙ୍ଗର ପାଠର ନା ଶୁଣିଲାବେଳୁ ପରୀକ୍ଷାର୍ଥୀଙ୍କ ନିଦ ହଜିଯାଏ । ବର୍ଷ ବର୍ଷ ଧରି ପାଠ ପଢି ପରିକ୍ଷାର୍ଥୀ ଏହି ପରିକ୍ଷାରେ ଉତିନ୍ନ ହେବା କଷ୍ଟକର ହୋଇପଡେ । କିନ୍ତୁ ଏହି ପାଠ୍ୟକ୍ରମର ଆକାଉଂଟାସି ବିଷୟର ସମସ୍ତ ଗଣିତକୁ ଅତି ସହଜରେ ସମାଧାନ କରିପାରୁଛି ଏହି ୧୦ବର୍ଷର ଝିଅ । ବିସ୍ମୟ ବାଳିକା ସିମ୍ରନ । ଚତୁର୍ଥ ଷ୍ଟାଣ୍ଡାର୍ଡରେ ପଢୁଥିବା ସିମ୍ରନ ଆକାଉଂଟାସିର ଆମାଲାଗାମେସନ, ଫାଇନାଲ ରିପୋର୍ଟ, କମ୍ପାନୀ ଭେଲୋସିଟ, ନନ୍ ପ୍ରଫିଟ ଅରଗାନାଇଜେସନ, ରିସିଭଡ ଆଣ୍ଡ ପେମେଂଟ ଆକାଉଂଟର ଯେକୌଣସି ପ୍ରଶ୍ନର ଉତର ଅତି ସହଜରେ ମାତ୍ର କିଛି ସମୟ ମଧ୍ୟରେ ସମାଧାନ କରିପାରୁଛି ସିମ୍ରନ ।
Kanak News is now on WhatsApp
Join and get latest news updates delivered to you via WhatsApp
ସିମ୍ରନ ସମାଧାନ କରିପାରୁଥିବା ଆକାଉଂଟାସିର ସମସ୍ତ ବିଷୟଗୁଡିକୁ ସୋସିଆଲ ମିଡିଆରେ ଅପଲୋଡ କରିବା ପାଇଁ ଏକ କମ୍ପାନୀ ତିଆରି କରିଛନ୍ତି । ମାଇଣ୍ଡ ପ୍ରୋଗ୍ରାମ୍ ଡେଭଲପମେଂଟ ପ୍ରାଇଭେଟ ଲିମିଟେଡ ନାମକ ଏକ କମ୍ପାନୀ ତିଆରି କରିଛନ୍ତି । ଖୁବଶୀଘ୍ର ଏହା କାର୍ଯ୍ୟକ୍ଷମ ହେବାକୁ ଯାଉଥିବାବେଳେ ଏଥିପାଇଁ ଦୁଇଜଣ ଚାଟାର୍ଡ ଆକାଉଟାଂଟଙ୍କ ଇଂଟରଭ୍ୟିୁ ନେଇ ନିଯୁକ୍ତି ମଧ୍ୟ ଦେଇଛନ୍ତି ସିମ୍ରନ ।
ଏହା ଚମକ୍ରାର ନୁହେଁ କେବଳ ସର୍ମପଣ , ନିଷ୍ଠା, ଶୃଙ୍ଖଳା ଦ୍ୱାରା ସମ୍ଭବ ବୋଲି ସିମ୍ରନକୁ ଶିକ୍ଷା ଦେଇଥିବା ତାଙ୍କ ବାପା କୁହନ୍ତି । ଭେଦିକ ବିକାଶ ଅନୁଯାୟୀ ନିଜେ ଗବେଷଣା କରି ଏକ ଟେକନିକ ପ୍ରସ୍ତୁତ କରିଛନ୍ତି, ଯାହା ଦ୍ୱାରା ଆକାଉଂଟାସିର ଅତି କଷ୍ଟସାଧ୍ୟ ପ୍ରଶ୍ନର ଉତର ଦିଆଯାଇପାରିବ ।
ସିମ୍ରନଙ୍କ ଏହି ଭଳି ଜ୍ଞାନ ଲାଗି ତାକୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, କେନ୍ଦ୍ର ମନ୍ତ୍ରୀ ପ୍ରତାପ ଷଡଙ୍ଗୀଙ୍କ ଭଳି ବ୍ୟକ୍ତିତ୍ୱ ଉତ୍ସାହିତ କରିଛନ୍ତି । ଆସନ୍ତା ୨୮ ତାରିଖରେ ଏକ ସମ୍ମିଳନୀରେ ଚାଟାର୍ଡ ଆକାଉଂଟାଟଙ୍କ ପ୍ରଶ୍ନର ଉତର ଦେବାସହ ସିମ୍ରନ ମଧ୍ୟ ଚାଟାର୍ଡ ଆକାଉଂଟାଟକୁ ପ୍ରଶ୍ନ ପଚାରିବେ ।