ନାସା ଯିବେ ଓଡିଶାର ୧୦ଜଣ ଛାତ୍ର : ହ୍ୟୁମାନ୍ ରୋଭର ପ୍ରସ୍ତୁତ କରିବେ ସ୍କୁଲ ଛାତ୍ର; ୨୦୨୧ ଏପ୍ରିଲରେ ନାସାରେ ହେବ ହ୍ୟୁମାନ ରୋଭର ଚ୍ୟାଲେଞ୍ଜ
କନକ ବ୍ୟୁରୋ : ନାସା ହ୍ୟୁମାନ ରୋଭର ଚ୍ୟାଲେଂଜରେ ଭାରତ ପାଇଁ ପ୍ରତିନିଧିତ୍ୱ କରିବେ ଓଡ଼ିଶାର ଏକ ଟିମ୍ । ଭାରତରେ ପ୍ରଥମ ଥର ପାଇଁ ସ୍କୁଲ୍ ପିଲାଙ୍କୁ ନେଇ ଏକ ଟିମ୍ ଏଥିପାଇଁ ବଛା ଯାଇଛି । ଆବେଦନ କରିଥିବା ୮ଶହ ଛାତ୍ରଛାତ୍ରୀଙ୍କ ମଧ୍ୟରୁ ଓଡ଼ିଶାର ବଛାବଛା ୧୦ଜଣ ପିଲାଙ୍କୁ ନେଇ ଏହି ଟିମ୍ ଗଠିତ ହୋଇଛି । ଆସନ୍ତା ବର୍ଷ ଏପ୍ରିଲ ମାସରେ ଏହି ପ୍ରତିଯୋଗିତା ଆୟୋଜିତ ହେବ । ଛାତ୍ରଛାତ୍ରୀମାନେ ଏଭଳି ଏକ ହ୍ୟୁମାନ ରୋଭର ପ୍ରସ୍ତୁତ କରିବେ ଯାହା ମଙ୍ଗଳ ପୃଷ୍ଠରେ ଚାଲି ପାରିବ । ୪ରୁ ୫ ମାସ ଭିତରେ ଏହି ରୋଭର ପ୍ରସ୍ତୁତ କରିବା ପାଇଁ ଲକ୍ଷ୍ୟ ରଖିଛନ୍ତି ଛାତ୍ରଛାତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ନବନ୍ୱେଷ ପ୍ରସାର ଫାଉଣ୍ଡେସନ ପକ୍ଷରୁ ଗଠିତ ଟିମରେ ସ୍କୁଲ ପିଲାଙ୍କ ସହ ଆଇଟିଆଇ ଛାତ୍ରଛାତ୍ରୀ ମଧ୍ୟ ସାମିଲ ହୋଇଛନ୍ତି । ବିଶ୍ୱର ବିଭିନ୍ନ ଦେଶରୁ ଆସିଥିବା ଅନେକ ଟିମ୍ ସହ ଏହି ଟିମ୍ ପ୍ରତିଯୋଗିତା କରିବ । ଏଥିପାଇଁ ଛାତ୍ରଛାତ୍ରୀମାନେ ବେଶ ଉତ୍ସାହିତ ଅଛନ୍ତି । ଏନେଇ ସଂସ୍ଥାର ମୁଖ୍ୟ ଅନିଲ ପ୍ରଧାନ କହିଛନ୍ତି ପ୍ରଥମ ଥର ପାଇଁ ଭାରତରେ ସ୍କୁଲ ଛାତ୍ରଙ୍କ ଏକ ଟିମକୁ ଏଥିପାଇଁ ବଛା ଯାଇଛି ।