କନକ ବ୍ୟୁରୋ: ମହାରାଷ୍ଟ୍ରର ଭଣ୍ଡାରା ଜିଲ୍ଲାର ଏକ ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଘଟି ୧୦ ଶିଶୁଙ୍କ ମୃତ୍ୟୁ ହେବା ସହ ଏକାଧିକ ଶିଶୁ ଗୁରୁତର ଆହତ ହୋଇଛନ୍ତି । ଶୁକ୍ରବାର ମଧ୍ୟରାତ୍ରୀରେ ପାଖାପାଖି ୨ଟା ସମୟରେ ହସ୍ପିଟାଲର ଆଇସିୟୁରେ ନିଆଁ ଲାଗିବାରୁ ଏଭଳି ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରାତି ପାଖାପାଖି ୨ଟା ସମୟରେ ହସ୍ପିଟାଲର ସିକ୍ ନ୍ୟୁବର୍ଣ୍ଣ କେୟାର ୟୁନିଟରେ ନିଆଁ ଲାଗିବା ପରେ ଏହା ଅନ୍ୟା ୱାର୍ଡ ଗୁଡିକୁ ବ୍ୟାପୀ ଯାଇଥିଲା । ଫଳରେ ୧୦ ନବଜାତକଙ୍କ ମୃତ୍ୟୁ ହୋଇଛି । ଗୁରୁତର ଅବସ୍ଥାରେ ୭ ନବଜାତଙ୍କୁ ଅନ୍ୟତ୍ର ସ୍ଥାନାନ୍ତର କରାଯାଇ ଚିକିତ୍ସା କରାଯାଉଛି । ଦାୟୀତ୍ୱରେ ଥିବା ଡାକ୍ତରଙ୍କ କହିବା ଅନୁଯାୟୀ, ନର୍ସ ଆଇସିୟୁର ଡୋର ଖୋଲିବା ବେଳକୁ ତାହା ଧୂଆଁରେ ଭରିଯାଇଥିଲା । ଉଦ୍ଧାର ପାଇଁ ଡାକିଥିଲେ ବି ପରିସ୍ଥିତିକୁ ଶିଘ୍ର ନିୟନ୍ତ୍ରଣ କରାଯାଇପାରିନଥିଲା । ଫଳରେ ଚାଲିଗଲା ୧୦ଟି କଅଁଳା ଜୀବନ ।
ସର୍ଟ ସର୍କିଟ ଯୋଗୁଁ ଏପରି ଘଟିଥାଇପାରେ ବୋଲି କୁହାଯାଉଥିବାବେଳେ ଯାଞ୍ଚ ଆରମ୍ଭ କାରିଛି ପୋଲିସ । ଏହି ଘଟଣାରେ ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ ଶୋକ ପ୍ରକାଶ କରିଛନ୍ତି ।ଏହି ଘଟଣାର ଯାଂଚ କରାଯାଇ କର୍ତ୍ତବ୍ୟରେ ଅବହେଳା କରିଥିବା କର୍ମଚାରୀଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ କରାଯିବ ବୋଲି କହିଛନ୍ତି ମହାରାଷ୍ଟ୍ର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀଶ ।