ଗୁରୁଡ଼ିଝାଟିଆ ସମବାୟ ସମିତି ଋଣ ଜାଲିଆତି ଘଟଣା : ୬ଜଣଙ୍କୁ ଗିରଫ କଲା ପୋଲିସ
ଶହ ଶହ ଚାଷୀଙ୍କ ନାଁରେ କୋଟିଏରୁ ଅଧିକ ଟଙ୍କାର ଋଣ ହଡ଼ପ ନେଇ ହୋଇଥିଲା ଅଭିଯୋଗ
କନକ ବ୍ୟୁରୋ : କଟକ ଆଠଗଡ଼ ଗୁରୁଡ଼ିଘାଟିଆ ସମବାୟ ସମିତିରେ ଋଣ ଜାଲିଆତି ଘଟଣା । ଘଟଣାରେ ସଂପୃକ୍ତ ଥିବା ୬ଜଣଙ୍କୁ ଗିରଫ କଲା ପୋଲିସ । ଏନେଇ ସୂଚନା ଦେଲେ ଚୌଦ୍ୱାର ଏସଡିପିଓ । ଗିରଫଙ୍କ ମଧ୍ୟରେ ଅଛନ୍ତି ସୋସାଇଟି ପିଅନ, ସେକ୍ରେଟେରୀ, ଆସିଷ୍ଟାଣ୍ଡ ସେକ୍ରେଟେରୀଙ୍କ ସହ ଆଠଗଡ଼ କେନ୍ଦ୍ର ସମବାୟ ବ୍ୟାଙ୍କର କ୍ୟାସିୟର, ସୁପରଭାଇଜର, କ୍ଲର୍କ ।
Kanak News is now on WhatsApp
Join and get latest news updates delivered to you via WhatsApp
ଶହ ଶହ ଚାଷୀଙ୍କ ନାଁରେ ସମବାୟ ସମିତିରୁ କୋଟିଏରୁ ଅଧିକ ଟଙ୍କାର ଋଣ ହଡପ କରିଥିବା ନେଇ ଗୁରୁଡ଼ିଝାଟିଆ ଥାନାରେ ହୋଇଥିଲା ଅଭିଯୋଗ । ଦୀର୍ଘ ଦିନ ଧରି ଏମାନଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କରି ଚାଷୀ ଆନ୍ଦୋଳନରେ ବସିବା ସହ ଭୁବନେଶ୍ୱର ବିଧାନସଭା ଆଗରେ ଆତ୍ମହୁତି ଉଦ୍ୟମ କରିଥିଲେ । ଏମାନଙ୍କ ବିରୁଦ୍ଧରେ ଅପରାଧିକ ଷଡ଼ଯନ୍ତ୍ର ସହ ଠକେଇ ଓ ସରକାରୀ କାଗଜପତ୍ର ଜାଲିଆତି କରିବା ଭଳି ଦଫା ଲାଗିଛି ବୋଲି କହିଛନ୍ତି ଚୌଦ୍ୱାର ଏସଡିପିଓ ।