ରାଜ୍ୟ ବାହାରେ ଫସି ରହିଛନ୍ତି ଦେଢ଼ ଲକ୍ଷ ଓଡିଆ: ଲକଡାଉନ ପରେ ଘରକୁ ଫେରି ପାରୁନାହାଁନ୍ତି ପ୍ରବାସୀ ଶ୍ରମିକ
ଓଡିଆଙ୍କ ସ୍ଥିତି ନେଇ ଚାଲିଛି ସମୀକ୍ଷା: ଲୋକସେବା ଭବନରେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବୈଠକ
କନକ ବ୍ୟୁରୋ: ତାଲା ବନ୍ଦ ପରେ ରାଜ୍ୟ ବାହାରେ ଫସିରହିଛନ୍ତି ଦେଢଲକ୍ଷ ଓଡିଆ । ପ୍ରବାସୀ ଓଡିଆଙ୍କ ଶ୍ରମିକଙ୍କ ସ୍ଥିତି ନେଇ ଲୋକସବା ଭବନରେ ସମୀକ୍ଷା ପରେ ଏହି ତଥ୍ୟ ସାମ୍ନାକୁ ଆସିଛି । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏହି ବୈଠକ ହୋଇଛି । ଏହା ପରେ ଗୃହ ସଚିବ କହିଛନ୍ତି, ୫ ହଜାର ୨ ଶହ କଲ୍ କଟ୍ରୋଲ ରୁମକୁ ଆସିଛି । ଅନେକ ଲୋକଙ୍କ ପାଖରେ ପଂହଚିଛି ପ୍ରଶାସନ । ବିଭିନ୍ନ ରାଜ୍ୟ ପାଇଁ ଥିବା ନୋଡାଲ ଅଫିସର ରାଜ୍ୟ ସରକାରଙ୍କୁ ରିପୋର୍ଟ ଦେଉଛନ୍ତି । ସମାଧାନ ନ ହେଲା ଯାଏଁ ପ୍ରଶାସନ କାମ ଜାରି ରଖିଛି । ଏନସିଆର, ଦିଲ୍ଲୀ, ଗୁଜରାଟ ଓ ମୁମ୍ବାଇରେ ଅଧିକ ଓଡିଆ ଅଛନ୍ତି । ଶହେରୁ ଅଧିକ ଏକତ୍ରିତ ଥିବା ୨୩୦ଟି ଓଡିଆ ଗ୍ରୁପ ଚିହ୍ନଟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ଲକଡାଉନ ଘୋଷଣା ହେବା ପରେ ଘରକୁ ଫେରିନପାରି ବାହାର ରାଜ୍ୟରେ ଫସିରହିଛନ୍ତି ପ୍ରାୟ ଦେଢ ଲକ୍ଷ ଓଡିଆ । ତେବେ ରାଜ୍ୟରେ ଫସି ରହିଥିବା ପ୍ରବାସୀ ଓଡିଆଙ୍କ ସ୍ଥିତି ନେଇ ସମୀକ୍ଷା ବୈଠକ ପରେ ଗୃହ ସଚିବ ସଂଜୀବ ଚୋପ୍ରାଙ୍କ ସୂଚନା ଗୃହ ସଚିବଙ୍କ କହିବାନୁସାରେ, ବର୍ତ୍ତମାନ ସୁଦ୍ଧା ଦେଢ ଲକ୍ଷ ଲୋକ ରାଜ୍ୟ ବାହାରେ ଫଶି ରହିଛନ୍ତି । ସେଥିମଧ୍ୟରୁ ୪୦ ହଜାର ଲୋକଙ୍କ ସହ ଯୋଗାଯୋଗ ହୋଇପାରିଛି ।
ସେହିପରି ସରକାରଙ୍କ ଦ୍ୱାରା ଜାରି ହୋଇଥିବା କଂଟ୍ରୋଲ ରୁମ ତଥା ହେଲ୍ଫ ଲାଇନ ନମ୍ବରକୁ ପାଖାପାଖି ୫ ହଜାର ୨ ଶହ କଲ୍ ଆସିଛି । ବିଭିନ୍ନ ରାଜ୍ୟ ପାଇଁ ଥିବା ନୋଡାଲ ଅଫିସର ଏନେଇ ରାଜ୍ୟ ସରକାରଙ୍କୁ ରିପୋର୍ଟ ଦେଉଛନ୍ତି । ତେବେ ଫଶି ରହିଥିବା ଲୋକଙ୍କ ନିକଟରେ ଯେଭଳି ଖାଦ୍ୟ ଏବଂ ମେଡିସିନ ପହଂଚାଯିବ ତା ଉପରେ ଗୁରୁତ୍ୱ ଦିଆଯାଉଛି । ସେହିପରି ଶହେରୁ ଅଧିକ ଲୋକ ଯେଉଁଠି ଅଛନ୍ତି ତା ଉପରେ ଅଧିକ ଗୁରୁତ୍ୱ ଦିଆଯାଉଛି ଏବଂ ସ୍ଥାନୀୟ ପ୍ରଶାସନ ସହ ଯୋଗାଯୋଗ ଜାରି ରହିଛି । ଲୋକଙ୍କ ପାଖରେ କିଭଳି ଖାଦ୍ୟ, ମେଡିସିନ ପହଂଚିବ ସେନେଇ ଗୁରୁତ୍ୱ ଦିଆଯିବା ସହ ବିଭିନ୍ନ ରାଜ୍ୟ ପାଇଁ ଥିବା ନୋଡାଲ ଅଫିସର ରିପୋର୍ଟ ଦେଉଛନ୍ତି ବୋଲି ଗୃହ ସଚିବ ସଂଜୀବ ଚୋପ୍ରା କହିଛନ୍ତି ।