ଆସିଲା ସୁନ୍ଦରଗଡର ୩ ନୂଆ ଆକ୍ରାନ୍ତଙ୍କ ତଥ୍ୟ: ଚିହ୍ନଟଙ୍କ ମଧ୍ୟରେ ୨ ପୁରୁଷ ଓ ଜଣେ ମହିଳା; ପୂର୍ବ ସଂକ୍ରମିତଙ୍କ ସଂସ୍ପର୍ଶରେ ଆସିଛନ୍ତି ୨ ନୂଆ ଆକ୍ରାନ୍ତ
ଦୁଇ ପୁରୁଷଙ୍କ ବୟସ ଯଥାକ୍ରମେ ୨୩ ଓ ୬୦ ବର୍ଷ: ଆକ୍ରାନ୍ତଙ୍କ ମଧ୍ୟରେ ଅଛନ୍ତି ଜଣେ ୫୭ ବର୍ଷୀୟ ମହିଳା
କନକ ବ୍ୟୁରୋ: ଆସିଲା ସୁନ୍ଦରଗଡ ଜିଲ୍ଲାରୁ ଚିହ୍ନଟ ହୋଇଥିବା ୩ ନୂଆ ଆକ୍ରାନ୍ତଙ୍କ ତଥ୍ୟ । ଆଜି ରାଜ୍ୟରେ ଚିହ୍ନଟ ହୋଇଥିବା ୩ ନୂଆ ଆକ୍ରାନ୍ତଙ୍କ ତଥ୍ୟ ଦେଲେ ରାଜ୍ୟ ସରକାର । ତେବେ ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରେ ୨ ପୁରୁଷ ରହିଥିବା ବେଳେ ଜଣେ ମହିଳା ଅଛନ୍ତି । ସେହିଭଳି ଏମାନଙ୍କ ବୟସ ୨୩ରୁ ୬୦ ବର୍ଷ ମଧ୍ୟରେ ରହିଛି । ତେବେ ଦୁଇ ପୁରୁଷଙ୍କ ବୟସ ଯଥାକ୍ରମେ ୨୩ ଓ ୬୦ ବର୍ଷ ହୋଇଥିବା ବେଳେ ଆକ୍ରାନ୍ତଙ୍କ ମଧ୍ୟରେ ଜଣେ ୫୭ ବର୍ଷୀୟ ମହିଳା ଅଛନ୍ତି । ଅନ୍ୟପଟେ ଆଜି ଚିହ୍ନଟ ହୋଇଥିବା ୩ ନୂଆ ପଜିଟିଭଙ୍କ ମଧ୍ୟରୁ ୨ ଜଣ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ନେଇ ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ଜାରି ହୋଇଥିବା ତଥ୍ୟରେ ଜଣାପଡିଛି । ତେବେ ଏମାନଙ୍କ ସଂସ୍ପର୍ଶରେ କେଉଁମାନେ ଆସିଛନ୍ତି ସେନେଇ ବର୍ତ୍ତମାନ ଛାନଭିନ୍ ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
Health Update, 26th April
03 New Positive Cases in Sundargarh (Rourkela)
23 Yr Male, 60 Yr Male & 57 Yr Female
(Two are confirmed close contacts of earlier positive case. One is a suspected contact)
Total Positive Case: 103
Contact tracing and followup action is being done.
— I & PR Department, Odisha (@IPR_Odisha) April 26, 2020
ନୂଆ ୩ ଆକ୍ରାନ୍ତଙ୍କୁ ମିଶାଇ ସୁନ୍ଦରଗଡ ଜିଲ୍ଲାରେ ମୋଟ୍ ଆକ୍ରାନ୍ତ ସଂଖ୍ୟା ୬କୁ ବୃଦ୍ଧି ହୋଇଛି । ଏହି ୬ ଆକ୍ରାନ୍ତଙ୍କ ମଧ୍ୟରୁ ୩ ଜଣ ସୁସ୍ଥ ହୋଇ ସାରିଛନ୍ତି । ଏହି ଏହି ୩ ଆକ୍ରାନ୍ତଙ୍କ ଗସ୍ତ ଇତିହାସ ନେଇ ଅଧିନ୍ତ ତଥ୍ୟକୁ ଅପେକ୍ଷା ରହିଛି । ସେପଟେ ଚିହ୍ନଟ ହୋଇଥିବା ୩ ନୂଆ ଆକ୍ରାନ୍ତ ସୁନ୍ଦରଗଡ ବିଶ୍ରା ଅଂଚଳରୁ ବୋଲି କନକନ୍ୟୁଜକୁ ଫୋନ୍ ଯୋଗେ ସୂଚନା ଦେଇଛନ୍ତି ସୁନ୍ଦରଗଡ ସିଡିଏମଓ ସରୋଜ ମିଶ୍ର । ଅନ୍ୟପଟେ, ରାଜ୍ୟରେ କୋଭିଡ୍ ୧୯ ଭୂତାଣୁ ମୁକାବିଲା ନେଇ ମୋଟ୍ ନମୂନା ପରୀକ୍ଷା ସଂଖ୍ୟା ୨୨ ହଜାର ୮୧୬କୁ ବୃଦ୍ଧି ହୋଇଛି । ଗତକାଲି ଗୋଟିଏ ଦିନରେ ୨୨୧୭ଟି ନମୂନା ପରୀକ୍ଷା ହୋଇଥିବା ଜଣାପଡିଛି । ଏହା ସହ ୪୯୭୫ ଟି ରାପିଡ୍ ଟେଷ୍ଟ ହୋଇଛି । ମୋଟ୍ ୨୨ ହଜାର ୮୧୬ ନମୂନାରୁ ୧୦୩ଟି ପଜିଟିଭ୍ ଆସିଛି । ଯାହା ମଧ୍ୟରୁ ୬୮ଟି ଆକ୍ଟିଭ୍ କେସ୍ ରହିଛି । ୩୪ ଜଣ ସୁସ୍ଥ ହୋଇ ଡାକ୍ତରଖାନାରୁ ଡିସଚାର୍ଜ ହୋଇ ଫେରିଛନ୍ତି ।
ଏବେ ନଜର ପକାନ୍ତୁ ରାଜ୍ୟର କେଉଁ ଜିଲ୍ଲାରେ କେତେ ରହିଛି କରୋନା ଆକ୍ରାନ୍ତ ସଂଖ୍ୟା
ରାଜ୍ୟରେ ଏବେ କରୋନା ଆକ୍ରାନ୍ତ ସଂଖ୍ୟା ୧୦୩ ଛୁଇଁଛି । ଏହା ମଧ୍ୟରୁ ୬୮ଟି ଆକ୍ଟିଭ୍ କେସ୍ ରହିଛି । ସବୁଠାରୁ ଅଧିକ ୪୬ ଆକ୍ରାନ୍ତ ରହିଛନ୍ତି ଖୋର୍ଧା ଜିଲ୍ଲାରେ । ଯାଜପୁରରେ ୧୮, ଭଦ୍ରକ ୧୬, ସୁନ୍ଦରଗଡରେ ୬ , କେନ୍ଦ୍ରାପଡା ୨, କଳାହାଣ୍ଡି ୨, ଢେଙ୍କାନାଳ, ପୁରୀ, କଟକରେ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟ ୧୦ଟି କରୋନା ଆକ୍ରାନ୍ତ ଜିଲ୍ଲା ମଧ୍ୟରୁ ୪ ଟି ଜିଲ୍ଲା ବର୍ତମାନ କରୋନା ମୁକ୍ତ ହୋଇଛି । କଳାହାଣ୍ଡି, କଟକ, ପୁରୀ ଓ ଢେଙ୍କାନାଳ ଜିଲ୍ଲାରେ ସମସ୍ତ ରୋଗୀ ସୁସ୍ଥ ହୋଇଛନ୍ତି ।