ମନ ଛୁଇଁଲେ ମୋହନ, ପୂର୍ବ ବର୍ଷ ତୁଳନାରେ ବଜେଟ ବଢ଼ିଲା ୧୫ ପ୍ରତିଶତ । ସୁଭଦ୍ରା ଯୋଜନାରେ ୧୦ ହଜାର କୋଟିର ବ୍ୟୟ ବରାଦ

କନକବ୍ୟୁରୋ: ମୁଖ୍ୟମନ୍ତ୍ରୀଙ୍କ ନୂଆ ରେକର୍ଡ। ବିଧାନସଭାରେ ମୁଖ୍ୟମନ୍ତ୍ରୀ ମୋହନ ମାଝୀ ଗୁରୁବାର ଏକ ବିରଳ ରେକର୍ଡ଼ ସୃଷ୍ଟି କରିଛନ୍ତି। ସେ ଆର୍ଥିକ ବର୍ଷ ୨୦୨୪-୨୫ ପାଇଁ ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବା ପାଇଁ ଦୀର୍ଘ ୨ ଘଣ୍ଟା ୮ ମିନିଟ୍  ‌ଗୋଟିଏ ସ୍ଥାନରେ ଛିଡ଼ା ହୋଇ ନିରବଚ୍ଛିନ୍ନ ଭାବେ ପଢ଼ିଛନ୍ତି। ବିଧାନସଭାରେ ଏହା ହେଉଛି ସର୍ବକାଳୀନ ରେକର୍ଡ ।  ପୂର୍ବରୁ  କେହି ଏତେ ସମୟ ବଜେଟ ପଢିନଥିଲେ ।  ନିଜ ପାଖରେ ଅର୍ଥବିଭାଗ ରଖିଥିବା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗୁରୁବାର ସନ୍ଧ୍ୟା ୫ଟାରୁ ୭ଟା ୮ମିନିଟ୍‌ ଯାଏଁ ଗୃହରେ ରାଜ୍ୟ ବଜେଟ୍ ଉପସ୍ଥାପନ କରିଥିଲେ।

ମୋଟ ୨ଲକ୍ଷ ୬୫ ହଜାର କୋଟି ଟଙ୍କାର ବଜେଟ୍ ଉପସ୍ଥାପନ ହୋଇଛି, ଯାହା ପୂର୍ବ ବର୍ଷ ତୁଳନାରେ ୧୫ ପ୍ରତିଶତ ଅଧିକ। ବଜେଟରେ ପ୍ରାୟ ସବୁ ବର୍ଗଙ୍କୁ ଗୁରୁତ୍ବ ଦେଇଛନ୍ତି ମୋହନ ସରକାର। ବିଶେଷକରି ଗରିବ, କୃଷକ, ମହିଳା ଓ ଯୁବବର୍ଗଙ୍କ ଉପରେ ଅଧିକ ଫୋକସ ଦିଆଯାଇଛି। ବଡ଼ କଥା ହେଉଛି, ପୂର୍ବ ସରକାର ଯେଉଁସବୁ ଯୋଜନା ଆରମ୍ଭ କରିଥିଲେ, ସେସବୁର ନାମ ପରିବର୍ତ୍ତନ କରିଛନ୍ତି ମୋହନ ସରକାର। ଏହାସହ କିଛି ନୂଆ ଯୋଜନା ପାଇଁ ବଜେଟରେ ବ୍ୟୟବରାଦ ହୋଇଛି।  ସେପଟେ ମହିଳାଙ୍କ ପାଇଁ ବିଶେଷ ଘୋଷାଣା

ସୁଭଦ୍ରା ଯୋଜନା ପାଇଁ ୧୦ହଜାର କୋଟି
୫୦ହଜାର ଟଙ୍କାର ଭାଉଚର
୨ବର୍ଷରେ ଖର୍ଚ୍ଚ କରିପାରିବେ
ମହିଳାଙ୍କୁ ଆର୍ଥିକ ସହାୟତା ଯୋଗାଇବ ଯୋଜନା
ନିର୍ବାଚନ ସଂକଳ୍ପପତ୍ରରେ ପ୍ରତିଶ୍ରୁତି ଦେଇଥିଲା ଦଳ
ଲକ୍ଷପତି ଦିଦି ପାଇଁ ୧୧୬୨କୋଟି
୨୦୨୭ସୁଦ୍ଧା ରାଜ୍ୟରେ ୨୫ଲକ୍ଷ ଲକ୍ଷପତି ଦିଦି
ଏସଏଚଜି ପାଇଁ ଶିଳ୍ପ ପୁଞ୍ଜି ପ୍ରତିଷ୍ଠା ସହ ଉପଯୁକ୍ତ ବଜାର ପ୍ରତିଷ୍ଠା