ତୃତୀୟ ବିଶ୍ୱଯୁଦ୍ଧ ପାଇଁ ବାଜିଲା ଘଣ୍ଟି ? ଆମେରିକା କରିପାରେ ରୁଷ ଉପରେ ଆକ୍ରମଣ ।
ରୁଷର ପ୍ରତିରକ୍ଷା ମନ୍ତ୍ରଣାଳୟ ଦାବି କରିଛି ଯେ ଆମେରିକା ଏହାର ସହଯୋଗୀମାନଙ୍କ ସହିତ ମିଶି ରୁଷ ଉପରେ ଆକ୍ରମଣ କରିବାକୁ ଯୋଜନା କରୁଛି । ନିକଟରେ ୟୁକ୍ରେନ ଯୁଦ୍ଧକୁ ନେଇ ଫ୍ରାନ୍ସରେ ଅନୁଷ୍ଠିତ ପାଶ୍ଚାତ୍ୟ ଦେଶଗୁଡିକର ବୈଠକରେ ରୁଷ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ପ୍ରସଙ୍ଗ ଉଠିଥିଲା ଯେଉଁଥିରେ ପାଶ୍ଚାତ୍ୟ ଦେଶମାନେ ରୁଷ ବିରୁଦ୍ଧରେ ୟୁକ୍ରେନକୁ ସେମାନଙ୍କ ସୈନ୍ୟ ପଠାଇବା ବିଷୟରେ ଆଲୋଚନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ୟୁକ୍ରେନ-ରୁଷ ଯୁଦ୍ଧ ମଧ୍ୟରେ ରୁଷର ପ୍ରତିରକ୍ଷା ମନ୍ତ୍ରଣାଳୟ ଏକ ବଡ଼ ଦାବି କରିଛି । ରୁଷର ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ଆମେରିକା ଏବଂ ପାଶ୍ଚାତ୍ୟ ଦେଶ ମିଳିତ ଭାବେ ରୁଷ ଉପରେ ଆକ୍ରମଣ କରିବାକୁ ଯୋଜନା କରୁଛନ୍ତି ।
ଖବର ଅନୁଯାୟୀ, ଆମେରିକା ତାର ସହଯୋଗୀମାନଙ୍କ ସହ ସାମରିକ ମିଳିତ ମଞ୍ଚ ଗଠନ କରିବାକୁ ଚିନ୍ତା କରୁଛି । ଏହି ଖବର ବାହାରିବା ପରେ ସାରା ବିଶ୍ୱରେ ତୃତୀୟ ବିଶ୍ୱଯୁଦ୍ଧର ଘଣ୍ଟି ବାଜିବାକୁ ଲାଗିଲାଣି । ନିକଟରେ ୟୁକ୍ରେନ ଯୁଦ୍ଧକୁ ନେଇ ଫ୍ରାନ୍ସରେ ଅନୁଷ୍ଠିତ ପାଶ୍ଚାତ୍ୟ ଦେଶଗୁଡିକର ବୈଠକରେ ରୁଷ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ପ୍ରସଙ୍ଗ ଉଠିଥିଲା ଯେଉଁଥିରେ ପାଶ୍ଚାତ୍ୟ ଦେଶମାନେ ରୁଷ ବିରୁଦ୍ଧରେ ୟୁକ୍ରେନକୁ ସେମାନଙ୍କ ସୈନ୍ୟ ପଠାଇବା ବିଷୟରେ ଆଲୋଚନା କରିଥିଲେ।ରୁଷର ବୈଦେଶିକ ମନ୍ତ୍ରଣାଳୟ ଅନୁଯାୟୀ ଆମେରିକା ଏବଂ ଏହାର ସହଯୋଗୀମାନେ ମିଳିତ ଅପରେସନ ଫୋର୍ସ ଗଠନ କରିପାରନ୍ତି ଏବଂ ଯୁଦ୍ଧ ବିମାନ ଏବଂ କ୍ଷେପଣାସ୍ତ୍ର ଦ୍ଵାରା ରୁଷର ସାମରିକ ବେସ ଉପରେ ବ୍ୟାପକ ଆକ୍ରମଣ କରିବାର ସମ୍ଭାବନା ରହିଛି । ବିଶେଷଜ୍ଞମାନେ ବିଶ୍ଵାସ କରନ୍ତି ଯେ ଯଦି ଏହା ଘଟେ ତେବେ ଏହାର ପ୍ରଭାବ ସମଗ୍ର ବିଶ୍ୱରେ ଦେଖାଯିବ ।
ହମାସ-ଇସ୍ରାଏଲ୍ ଯୁଦ୍ଧ ଏବଂ ଲୋହିତ ସାଗରରେ ହୁତି ଆକ୍ରମଣ ଯୋଗୁଁ ସମଗ୍ର ବିଶ୍ୱରେ ଉତ୍ପାଦ ଯୋଗାଣ ପ୍ରଭାବିତ ହେତୁ ଅନେକ ଉତ୍ପାଦର ମୂଲ୍ୟ ବୃଦ୍ଧି ପାଇଛି। ଏଭଳି ପରିସ୍ଥିତିରେ ମାନ୍ଦାବସ୍ତା ଦେଇ ଗତି କରୁଥିବା ବିଶ୍ବ ପାଇଁ ଯୁଦ୍ଧର ବିସ୍ତାର କୌଣସି ଛୋଟ ବିପଦ ନୁହେଁ ।
ଆକାଶଛୁଆଁ ହେବ ତେଲ ଦର
ବିଶ୍ୱର ବୃହତ୍ତମ ତୈଳ ଉତ୍ପାଦନକାରୀ ଦେଶ ମଧ୍ୟରୁ ରୁଷ ଅନ୍ୟତମ । ତୈଳ ଉତ୍ପାଦନକାରୀ ଦେଶଗୁଡିକର ସଂଗଠନ OPEC + ରେ ରୁଷ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ୟୁକ୍ରେନ-ରୁଷ ଯୁଦ୍ଧ ପରେ ଲାଗୁ ହୋଇଥିବା ପ୍ରତିବନ୍ଧକ ପରେ ଭାରତ ଶସ୍ତା ମୂଲ୍ୟରେ ରୁଷରୁ ତୈଳ ଆମଦାନୀ କରୁଛି । ଯଦି ରୁଷ-ୟୁକ୍ରେନ ଯୁଦ୍ଧ ଭୟଙ୍କର ରୂପ ନିଏ ତେବେ ଏହାର ପ୍ରଭାବ ସମଗ୍ର ବିଶ୍ୱ ଉପରେ ପଡିବାର ଯଥେଷ୍ଟ ସମ୍ଭାବନା ରହିଛି । ବିଶେଷ କରି ଭାରତରେ ତୈଳ ମୂଲ୍ୟ ବୃଦ୍ଧି ପାଇବ ବୋଲି ଆକଳନ କରାଯାଉଛି ।
ୟୁକ୍ରେନ ଦ୍ଵାରା ରୁଷ ଉପରେ ସାଇବର ଆକ୍ରମଣ
ନିକଟରେ ୟୁକ୍ରେନର ଗୁପ୍ତଚର ଏଜେନ୍ସି (GUR) ଦାବି କରିଛି ଯେ ସେମାନେ ରୁଷ ପ୍ରତିରକ୍ଷା ମନ୍ତ୍ରଣାଳୟ ଉପରେ ସାଇବର ଆକ୍ରମଣ କରିଛନ୍ତି । ଏଜେନ୍ସି କହିଛି ଯେ ସାଇବର ବିଶେଷଜ୍ଞମାନେ ରୁଷର ଅନେକ ଡକ୍ୟୁମେଣ୍ଟ ହ୍ୟାକ୍ କରିଛନ୍ତି । ଯେଉଁଥିରେ ଅର୍ଡର ରିପୋର୍ଟ ଏବଂ ରୁଷ ସେନାର ନିର୍ଦ୍ଦେଶନାମା ଅନ୍ତର୍ଭୁକ୍ତ । ଗୁପ୍ତଚର ଏଜେନ୍ସି ଦାବି କରିଛି ଯେ ଗ୍ରହଣ କରାଯାଇଥିବା ସୂଚନା ସାହାଯ୍ୟରେ ଆମେ ରୁଷର ପ୍ରତିରକ୍ଷା ମନ୍ତ୍ରଣାଳୟର ସିଷ୍ଟମ ଏବଂ ଏହାର ୟୁନିଟ୍ ଗୁଡ଼ିକର ସମ୍ପୂର୍ଣ୍ଣ ଗଠନ ବିଷୟରେ ଜାଣିପାରିଛୁ ।