ମୋଦି ଗସ୍ତ ପରେ ନୀରବ ରହିଲେ ମୁଖ୍ୟମନ୍ତ୍ରୀ ! ଜବାବ ଦେଲେ ସାଂସଦ ତଥାଗତ
କନକ ବ୍ୟୁରୋ : ଭୁବନେଶ୍ୱରରେ ବିଜେପିର ରାଷ୍ଟ୍ରିୟ କାର୍ଯ୍ୟକାରିଣୀକୁ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନୀରବ ରହିଥିବା ବେଳେ ଜବାବ ରଖିଛନ୍ତି ବିଜେଡି ସାଂସଦ ତଥାଗତ ଶତପଥୀ । କହିଛନ୍ତି ଭାରତ ଏକ ସ୍ୱାଧୀନ ଦେଶ, ଏଠି ଯିଏ ଯାହା ଚାହିଁବ କହିପାରିବ ।
Kanak News is now on WhatsApp
Join and get latest news updates delivered to you via WhatsApp
ମୋଦି ଆସିବା ବେଳେ ବିଜେପି ନିଜ ଲୋକଙ୍କୁ ନେଇ ରୋଡ ଶୋ କରିଥିବା ବେଳେ ଗଲା ବେଳେ ନୋ ଶୋ । ରାସ୍ତା କଡରେ ତ କେହି ନଥିଲେ ବିମାନବନ୍ଦରରେ ଦଳରେ ହାତ ଗଣତି କେତେ ଜଣ ନେତାଙ୍କୁ ଛାଡିଦେଲେ ଆଉ କେହି ନଥିଲେ । ତଥାଗତଙ୍କ ପ୍ରତିକ୍ରିୟାରେ ସେ ଗୁଜୁରାଟ କଥା ମଧ୍ୟ କହିଛନ୍ତି ।
ଗୁଜୁରାଟରେ ମଧ୍ୟ ବହୁତ ଗରିବ ରହିଛନ୍ତି, ସେଠାରେ ମଧ୍ୟ ପାଣି ମିଳୁନି ବୋଲି କହିଛନ୍ତି ବିଜେଡି ସାଂସଦ । ଗୁଜୁରାଟ ପଂଚାୟତ ନିର୍ବାଚନ ଫଳାଫଳ ପ୍ରମାଣ କରୁଛି ବିଜେପି ସେଠାରେ ଶାସନକୁ ଆସିନପାରେ । ଏଠି ମଧ୍ୟ ବିଜେପି ଶାସନକୁ ଆସିବ ନାହିଁ ବୋଲି ତଥାଗତ କହିଛନ୍ତି । ସେ କହିଛନ୍ତି ବିଜେପି ମହାନଦୀ ପଣି ସୁଖେଇଛି ତେଣୁ ଓଡିଶାରେ ପଦ୍ମ ଫୁଟିବ ନାହିଁ ।