ପକ୍ଷାଘାତରେ ପୀଡ଼ିତ ଥାଇ ହାରମାନି ନାହାନ୍ତି ଶିକ୍ଷୟତ୍ରୀ ଉମା ଶର୍ମା ! ୧୦ବର୍ଷ ଧରି ବିଛଣାରେ ପଡ଼ିରହି କରୁଛନ୍ତି ଶିକ୍ଷାଦାନ
ଶିକ୍ଷା ମାନବ ସମାଜ ତଥା ଦେଶର ବିକାଶର ପ୍ରଥମ ସୋପନା ଓ ମୂଳଦୁଆ । ଆଉ ଏସବୁରେ ପାଇଁ ସବୁଠାରୁ ଗରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି ଶିକ୍ଷକ । ଶିକ୍ଷକ ଯଦି ଉଚ୍ଚ ଶିକ୍ଷିତ, ଜ୍ଞାନୀ ତଥା ପରିଶ୍ରମୀ ହୋଇଥିବେ, ତେବେ ଯାଇ ବିଦ୍ୟାର୍ଥୀଙ୍କୁ ପରିମାର୍ଜିତ କରି ଶିକ୍ଷିତ କରିପାରିବେ । ଅର୍ଥ ଶିକ୍ଷକତା କରୁଥିବା ବ୍ୟକ୍ତି ଉଚ୍ଚ ଜ୍ଞାନ ସମ୍ମନ୍ନ ହେବା ସହ ଶିକ୍ଷକତା ପ୍ରତି ଉତ୍ସର୍ଗୀକୃତ ହେବା ଆବଶ୍ୟକ । ବର୍ତ୍ତମାନ କିନ୍ତୁ ଏପରି ଶିକ୍ଷକ ଖୁବ୍ କମ୍ ଦେଖିବା ପାଇଁ ମିଳେ । ତେବେ ଏପରି ଜଣେ ଶିକ୍ଷକ ଅଛନ୍ତି, ଯିଏ ଛାତ୍ରଛାତ୍ରୀଙ୍କ ଶିକ୍ଷା ପାଇଁ ସବୁ କିଛି ତ୍ୟାଗ କରିବା ପାଇଁ ପ୍ରସ୍ତୁତ ।
Kanak News is now on WhatsApp
Join and get latest news updates delivered to you via WhatsApp
ଉତ୍ତରପ୍ରଦେଶର ଶହାରନପୁରର ଏକ ବେସରକାରୀ ସ୍କୁଲର ପ୍ରିନସିପାଲ ବିଗତ ୧୦ ବର୍ଷ ଧରି ବିଛଣାରେ ପଡ଼ି ପଡ଼ି ଶିକ୍ଷାଦାନ କରୁଛନ୍ତି । ତାଙ୍କ ଦୃଢ଼ ମନୋବଳକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହେବେ । ବିଛଣାରେ ପଡ଼ି ପଡ଼ି ଟାବଲେଟ୍ ସାହାଯ୍ୟରେ ସେ ଶିକ୍ଷାଦାନ କରୁଛନ୍ତି । ଛାତ୍ରଛାତ୍ରୀଙ୍କ ବ୍ୟତୀତ ସେ ବେଳେବଳେ ଶିକ୍ଷକଙ୍କୁ ମଧ୍ୟ ଗାଇଡ଼୍ କରନ୍ତି । ତାଙ୍କ ଶରୀରର ତଳ ଭାଗ ପକ୍ଷାଘାତ ରୋଗ ଯୋଗୁଁ ଅଚଳ ହୋଇପଡ଼ିଛି । କିନ୍ତୁ ସେ ନିଜର ଦୁର୍ବଳତା ପାଇଁ ହାରି ଯାଇନାହାନ୍ତି । ରୋଗକୁ ଦୁର୍ବଳତା ନଭାବି ବିଗତ ୧୦ ବର୍ଷ ଧରି ସେ ଲଗାତାର ନିଜ କର୍ତ୍ତବ୍ୟ ପାଳନ କରୁଛନ୍ତି ।
୬୪ ବର୍ଷୀୟ ଉମା ଶର୍ମା ୧୯୮୯ରେ ନ୍ୟାସନାଲ ପବ୍ଲିକ ସ୍କୁଲରେ ପ୍ରିନସିପାଲ ରୂପେ ନିଯୁକ୍ତି ପାଇଥିଲେ । ଆଉ ସେବେଠାରୁ ସେ ନିରନ୍ତର ଶିକ୍ଷାଦାନ କରୁଛନ୍ତି । ୨୦୦୭ରୁ ସେ ପକ୍ଷାଘାତ ରୋଗରେ ପୀଡ଼ିତ । ପକ୍ଷାଘାତ ଯୋଗୁଁ ତାଙ୍କର ତଳ ଭାଗ ଅଚଳ ହୋଇଯାଇଥିଲା । କିନ୍ତୁ ଉପରି ଭାଗ ଠିକ ଥିବାରୁ ପାଠ ପଢ଼ାଇବା ପାଇଁ କୌଣସି ଅସୁବିଧା ହେଉନାହିଁ । ଉମା ଶର୍ମା କହିଛନ୍ତି ୧୯୯୨ରେ ତାଙ୍କର ସ୍ୱାମୀଙ୍କ ମୃତ୍ୟୁ ପରେ ଏକ ମାତ୍ର ପୁଆ ହିଁ ତାଙ୍କର ସାହାରା ଥିଲା । କିନ୍ତୁ ୨୦୦୨ରେ ମଧ୍ୟ ପୁଅର ମୃତ୍ୟୁ ହୋଇଗଲା । ତା’ପରେ ତାଙ୍କର ୩ ଝିଅଙ୍କ ମଧ୍ୟରୁ ଜଣେ ଶ୍ୱଶରୁ ଘରେ ମୃତ୍ୟୁବରଣ କରିଥିଲେ । ଆଉ ୨୦୦୭ରେ ସେ ପକ୍ଷାଘାତ ରୋଗରେ ଶିକାର ହେଲେ । ଗୋଟିଏ ପରେ ଗୋଟିଏ ଦୁଃଖର ପାହାଡ଼ ମୁଣ୍ଡରେ ପଡ଼ିଥିଲା । ଜୀବନରେ ଏତେ କଷ୍ଟ ପାଇଥିଲେ ମଧ୍ୟ ସେ ତାଙ୍କର କର୍ତ୍ତବ୍ୟକୁ ଭୁଲିନଥିଲେ ।
ଉମା ଶର୍ମା ଥିଲେ ଜଣେ ଆଦର୍ଶ ଶିକ୍ଷକ । ଏବଂ ସମସ୍ତେଙ୍କ ଭାରି ପ୍ରିୟ । ତେବେ ସେ ପକ୍ଷାଘାତ ରୋଗରେ ପୀଡ଼ିତ ହେବାପରେ ସମସ୍ୟା ହେଲା ସ୍କୁଉ ସମ୍ଭାଳିବ କିଏ । ଆଉ ତାଙ୍କ ପରି ଜଣେ ଶିକ୍ଷକକୁ ହରାଇବା ପାଇଁ ଚାହୁଁନଥିଲା ସ୍କୁଲ୍ । ଉମାଙ୍କ କର୍ତ୍ତ୍ୟନିଷ୍ଠାକୁ ଧ୍ୟାନରେ ରଖି ସ୍କୁଲ ସଂସ୍ଥାପକ ତାଙ୍କୁ ସାହାଯ୍ୟ କରିଥିଲେ । ଏଥିପାଇଁ ଦୁଇଟି କମ୍ପ୍ୟୁଟର କିଣି ଗୋଟିଏ ସ୍କଲରେ ଆଉ ଗୋଟିଏ ଉମଙ୍କେ ଘରେ ରଖାଗଲା ଯଦ୍ୱାରା ନେଟୱ୍ୱର୍କିଂ ଜରିଆରେ ଭିଡ଼ିଓ କନଫରେନ୍ସିଂ ଜରିଆରେ ଉମା ସ୍କୁଲର ଧ୍ୟାନ ରଖିପାରିବେ । ଏବଂ ଛାତ୍ରଛାତ୍ରୀଙ୍କ ଉପରେ ମଧ୍ୟ ନଜର ରଖିପାରିବେ । ଏହାବ୍ୟତୀତ ଉମା ଶର୍ମା ଅନ୍ୟ ସହକାରୀ ଶିକ୍ଷଙ୍କ ଠାରୁ ସ୍କୁଲ ବିଷୟରେ ସମସ୍ତ ସୂଚନା ରଖୁଥିଲେ । ଆଉ ପାଠରେ ଦୁର୍ବଳ ଛାତ୍ରଛାତ୍ରୀଙ୍କୁ ଘରକୁ ଡ଼ାକି ପାଠ ପଢ଼ାଉଥିଲେ । ଏପରି ଜଣେ ଶିକ୍ଷକ ବର୍ତ୍ତମାନ ସମୟରେ ଦେଖିବା ଖୁବ୍ ବିରଳ । ତାଙ୍କ କର୍ତ୍ତବ୍ୟନିଷ୍ଠାକ ପାଇଁ ଯେ କେହି ତାଙ୍କୁ ପ୍ରଶଂସା କରିବେ ।