ଭୋଟରଙ୍କୁ ଆକର୍ଷିତ କରିବା ପାଇଁ ନେତାଙ୍କ ଅଜବ ରଣନୀତି : କହିଲେ, ପ୍ରତିଶ୍ରୁତି ପୂରଣ ନକଲେ ମୋତେ ଜୋତାରେ ମାର

ସ୍ପେଶାଲ୍ ରିପୋର୍ଟ
By Pranjna Parimita Behera
TELENGANA
153

ନିର୍ବାଚନୀ ଋତୁରେ ନେତାଙ୍କ ଚାଲିଚଲଣ ତଥା ରଙ୍ଗଢ଼ଙ୍ଗ ସବୁ ବଦଳିଯାଏ । ଆଉ ନିର୍ବାଚନ ଶେଷ ହେଲେ ସବୁ ଶେଷ । ଲୋକଙ୍କୁ ହଜାର ହଜାର ପ୍ରତିଶ୍ରୁତି ଦେଇଥିବା କଥା ଜିତିବାର କ୍ଷଣିକ ମୁହୂର୍ତ୍ତ ପରେ ଭୁଲିଯାଆନ୍ତି ନେତା । କିନ୍ତୁ ପୂର୍ବରୁ ତାଙ୍କ ବ୍ୟବହାର ଦେଖିଲେ ଯେକେହି ଆଶ୍ଚର୍ଯ୍ୟ ହେବ । ଗାଦି ଲୋଭରେ କିଛି ବି କରିବା ପାଇଁ ପ୍ରସ୍ତୁତ ହୋଇଯାଆନ୍ତି ରାଜନେତା । ଲୋକଙ୍କ ଘରେ ଖାଇବା, ତାଙ୍କ ସହ ଗପସପ କରିବା ଠାରୁ ଆରମ୍ଭ କରି ମତଦାତାଙ୍କ ବାସନ ମାଜିବା ପରି ଘଟଣା ସାମ୍ନାକୁ ଆସିସାରିଛି । ଆଜିକାଲି ନେତାଙ୍କ ନିର୍ବାଚନ ପ୍ରଚାର ସମୟରେ ଲୋକଙ୍କ ଗୋଡ଼ ଧରିବା ପାଇଁ ପ୍ରସ୍ତୁତ ହୋଇଯାଉଛନ୍ତି । ତେବେ କେବଳ ଗାଦି ପାଇଁ ତଥା ନିର୍ବାଚନ ଜିତିବା ପାଇଁ ଜୋତା ମାଡ଼ ଖାଇବା ପାଇଁ ପ୍ରସ୍ତୁତ ହୋଇଯିବା କଥା ଶୁଣି କେହି ବି ଆଶ୍ଚର୍ଯ୍ୟ ହୋଇଯିବ । ତେଲେଙ୍ଗାନାରେ ହୋଇଛି ଏପରି ଘଟଣା ।

ତେଲେଙ୍ଗାନା ବିଧାନସଭା ନିର୍ବାଚନରେ କୋରାତଲାରୁ ପ୍ରତିଦ୍ୱନ୍ଦ୍ୱିତା କରୁଥିବା ଜଣେ ସ୍ୱାଧୀନ ପ୍ରାର୍ଥୀ ନିର୍ବାଚନ ଜୋତା ମାଡ଼ ଖାଇବା ପାଇଁ ପ୍ରସ୍ତୁତ ହୋଇଯାଇଛନ୍ତି । ପ୍ରଚାର ଅଭିଯାନରେ ଭୋଟରମାନଙ୍କୁ ସାଙ୍ଗରେ ନେଇଯାଇଥିବା ଚପଲ ବାଣ୍ଟୁଛନ୍ତି । ଏବଂ କହୁଛନ୍ତି ବିଜୟୀ ହୋଇ ଯଦି ସେ ଦେଇଥିବା ପ୍ରତିଶ୍ରୁତ ଭୁଲିଯାଆନ୍ତି, ତେବେ ତାଙ୍କୁ ଜୋତାରେ ପିଟିବେ । ସ୍ୱାଧୀନ ପ୍ରାର୍ଥୀଙ୍କ ନାମ ହେଲା ଆକୁଳ ହନୁମନ୍ତ । ପ୍ରଚାର ଅଭିଯାନରେ ଚପଲ ଧରି ଆକୁଳ ହନୁମନ୍ତ କହୁଛନ୍ତି ଜିତିବା ପରେ ପ୍ରତିଶ୍ରୁତି ମୁତାବକ କାମ ନକଲେ ମୋତେ ଜୋତା ମାଡ଼ରେ ପିଟିବ।

ତେଲେଙ୍ଗାନାର ଜଗତିଆଲ ଜିଲ୍ଲାରେ ଥିବା ୧୩ଟି ନିର୍ବାଚନ ମଣ୍ଡଳୀରୁ କୋରାତଲା ଅନ୍ୟତମ । ହନୁମନ୍ତଙ୍କ ପ୍ରଚାର ଅଭିଯାନର ଭିଡିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ୍ ହୋଇଛି । ପ୍ରଚାର ଅଭିଯାନରେ ଆସୁଥିବା ଅନ୍ୟ ନେତାମାନଙ୍କୁ କେତେକ ଲୋକ ହନୁମନ୍ତଙ୍କୁ ଅନୁସରଣ କରିବାକୁ କହୁଛନ୍ତି । ହନୁମନ୍ତ ମେଟ୍ଟୁପ୍ପଲ୍ଲୀ ସହରରେ ଦୁଆର ଦୁଆର ବୁଲି ପ୍ରଚାର କରୁଥିବା ବେଳେ ଏହି ଭିଡିଓ ସୁଟିଙ୍ଗ୍ କରାଯାଇଥିଲା । ସେଥିରେ ସେ ଭୋଟର୍ମାନଙ୍କୁ କହିଛନ୍ତି ଯେ ଯଦି ବିକାଶ ନ କରାଇ ପାରନ୍ତି ସେ ଇସ୍ତଫା ଦେବେ । ଭଭୋଟରଙ୍କୁ ଆକର୍ଷିତ କିରବା ପାଇଁ କହିଛନ୍ତି ଠିକ୍ ଭାବେ କାର୍ଯ୍ୟ ନକରନ୍ତି ତେବେ ତାଙ୍କୁ ସର୍ବସାଧାରଣରେ ଚପଲରେ ପିଟିବାର ଅଧିକାର ଅଛି ।

ସମ୍ବନ୍ଧିତ ଖବର More from author