କନକ ବ୍ୟୁରୋ : ତାମିଲନାଡୁ କୋଏମ୍ବାଟୁରକୁ ପଶିଆସିଛନ୍ତି ୬ ସନ୍ଦିଗ୍ଧ ଆତଙ୍କବାଦୀ । ଶ୍ରୀଲଙ୍କା ରାସ୍ତା ଦେଇ ୬ ଲସ୍କର ଆତଙ୍କବାଦୀ ତାମିଲନାଡୁ କୋଏମ୍ବାଟୁରରେ ଅନୁପ୍ରବେଶ କରିଛନ୍ତି । ଏନେଇ ଗୁଇନ୍ଦା ସୂଚନା ମିଳିବା ପରେ ରାଜ୍ୟରେ ହାଇଆଲର୍ଟ ଜାରି କରାଯାଇଛି । ତା ସହ ପୁଲିସ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ସମ୍ବେଦନଶୀଳ ଅଂଚଳ ତଥା ସପିଙ୍ଗ ମଲ, ବସଷ୍ଟାଂଣ୍ଡ,ଷ୍ଟେସନ ଆଦି ଜନବହଳିପୂର୍ଣ୍ଣ ଅଂଚଳରେ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତା’ସହ ଯାଆସ କରୁଥିବା ଲୋକମାନଙ୍କ ସମ୍ପର୍କରେ ସଠିକ ତଥ୍ୟ ପୁଲିସ ରଖୁଥିବାବେଳେ ଗାଡିମୋଟର ତନ୍ନ ତନ୍ନ କରି ଯାଂଚ କରାଯାଉଛି । ଦୂରଦୂରାନ୍ତରୁ ଆସୁଥିବା ଲୋକଙ୍କ ମାନଙ୍କୁ ପରିଚୟ ପତ୍ର ମାଗୁଛି ପୁଲିସ । ସ୍ଥାନେ ସ୍ଥାନେ ସୁରକ୍ଷାବାହିନୀ ମୂତୟନ ହୋଇ ପରିସ୍ଥିତି ଉପରେ ନଜର ରଖିଛନ୍ତି । ଗୁଇନ୍ଦା ସୂଚନା ଅନୁସାରେ ରାଜ୍ୟର ଗୁରୁତ୍ୱପୂର୍ଣ୍ଣ ସୁରାକ୍ଷା କେନ୍ଦ୍ର, ପୂଜା କେନ୍ଦ୍ର, ପର୍ଯ୍ୟଟନ ସ୍ଥଳି ଏବଂ ବିଦେଶ ଦୂତାବାସ ଆତଙ୍କବାଦୀଙ୍କ ଟାର୍ଗେଟରେ ରହିଛି ।
ଅନୁପ୍ରବେଶର ସୂଚନା ମିଳିବା ପରେ ସବୁ ଜିଲ୍ଲା ଏବଂ ସମୁଦ୍ରକୂଳିଆ ଅଞ୍ଚଳରେ ସୁରକ୍ଷାକୁ କଡା କରାଯାଇଛି । ଅଧିକାରୀମାନେ ବିଭିନ୍ନ ବନ୍ଦର ଉପରେ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ଏହିି ୬ଆତଙ୍କବାଦୀଙ୍କ ମଧ୍ୟରୁ ଜଣେ ପାକିସ୍ତାନୀ ଆତଙ୍କବାଦୀ ଥିବାବେଳେ ଆଉ ଜଣେ ଶ୍ରୀଲଙ୍କାର ତାମିଲ ଆତଙ୍କବାଦୀ ରହିଥିବା ଗୁଇନ୍ଦା ସୂଚନା ମିଳିଛି ।