ସୁନୀଲ ଗ୍ରୋଭରଙ୍କ ସହ ଝଗଡା ପରେ ଲାଗୁଛି ଯେମିତି କପିଲ ଶର୍ମାଙ୍କ ସମୟ ଭଲ ଚାଲୁନାହିଁ । ଏହି ଝଗଡା ପାଇଁ ସୁନୀଲ ଗ୍ରୋଭର, ଅଲୀ ଅସଗର, ଚନ୍ଦନ ପ୍ରଭାକର ଆଦି କଳାକାର ‘ଦ କପିଲ ଶର୍ମା ସୋ’ ଛାଡିବା ପରେ ସୋ’ର ଟିଆରପି ଆଶାତୀତ ଭାବେ କମି ଯାଇଛି । ଏବେ ଖବର ଆସୁଛି ସୋନୀ ଏଣ୍ଟରଟେନମେଣ୍ଟ ଚ୍ୟାନେଲ ‘ଦ କପିଲ ଶର୍ମା ସୋ’କୁ ବନ୍ଦ କରିବା ପାଇଁ ନିଷ୍ପତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
କପିଲଙ୍କ ସୋ’ ବଦଳରେ ଏକ ନୂଆ ସୋ ଆରମ୍ଭ ହେବ, ଯାହାର ମୁଖ୍ୟ ଦାୟିତ୍ୱରେ ରହିବେ ସୁନୀଲ ଗ୍ରୋଭର । ଡିଏନଏର ଏକ ସୂତ୍ର ଅନୁସାରେ ଚ୍ୟାନେଲ ସୁନୀଲ ଓ କପିଲଙ୍କ ଝଗଡାକୁ ନେଇ ବହୁତ ନିରାଶ ଅଛି । ସେମାନେ ଯେତିକି ଭାବିଥିଲେ ତା’ ଠାରୁ ଢେର ଗୁଣା ଅଧିକ ସୋ’ର ରେଟିଂ କମି ଯାଇଛି । ଏମିତିରେ ସେମାନେ କପିଲଙ୍କୁ ବେଶୀ ଦିନ ରଖିପାରିବେ ନାହିଁ ।
ହୋଇପାରେ ଚ୍ୟାନେଲ କପିଲଙ୍କ ପୁରା ସୋ’ ବନ୍ଦ କରିପାରେ । ସୂଚନାରୁ ଜଣାପଡିଛି ଚ୍ୟାନେଲ ସୁନୀଲଙ୍କୁ ନେଇ ଏକ ନୂଆ ସୋ’ ତିଆରି କରିବା ପାଇଁ ଚାହୁୁଁଛିି । କପିଲ ଓ ସୁନୀଲଙ୍କ ଝଗଡା ପରେ ଚ୍ୟାନେଲ ସୁନୀଲଙ୍କୁ ନୂଆ ସୋ ପାଇଁ ଅଫର କରିଛି ଯାହାର ଜବାବ ଏଯାଏଁ ସୁନୀଲ ଦେଇନାହାନ୍ତି ।