ସମ୍ବଲପୁରୀ ଆଲବମ ତାରକା ସୀମରନ ମୃତ୍ୟୁ ମାମଲା ! ଅଟକ ସ୍ୱାମୀ ରଂଜୁ ସୁନାକୁ ହେପାଜତକୁ ନେଲା ଝାରସୁଗୁଡା ପୋଲିସ
ଅଧିକ ତଦନ୍ତ ପାଇଁ କରିବ ଜେରା
କନକ ବ୍ୟୁରୋ : ସମ୍ବଲପୁରୀ ଆଲବମ ଅଭିନେତ୍ରୀ ସିମରନଙ୍କ ମୃତ୍ୟୁ ଘଟଣାରେ ସ୍ୱାମୀ ରଞ୍ଜୁ ସୁନାକୁ ପୋଲିସ ଉଠାଇ ନେଇ ଅଟକ ରଖିଛି । ରଞ୍ଜୁକୁ ଅଟକ ରଖି ପୁଲିସ ତଦନ୍ତ ଜୋରଦାର କରିଛି । ରଂଜୁଙ୍କୁ ଝାରସୁଗୁଡା ପୋଲିସ ଅଧିକ ତଦନ୍ତ ପାଇଁ ନିଜ ହେପାଜତକୁ ନେଇଛି । ତାଙ୍କୁ ବେଳପଡା ପୋଲିସ ଅଟକ ରଖିଥିଲା । ସିମରନ ମୃତ୍ୟୁ ଘଟଣାରେ ତାଙ୍କ କୌଣସି ଭୂମିକା ନାହିଁ ବୋଲି ରଂଜୁ ସୁନା କହିଛନ୍ତିି । ସିମରନଙ୍କ ପରିବାର ଲୋକେ ଆଣିଥିବା ଅଭିଯୋଗ ବି ସତ ନୁହେଁ ବୋଲି କହିଛନ୍ତି ରଞ୍ଜୁ ।
Kanak News is now on WhatsApp
Join and get latest news updates delivered to you via WhatsApp
ସୋନପୁରରେ ଗୋଟିଏ ମଂଚରେ ପୋଗ୍ରାମ କରୁଥିବା ସମୟରେ ପ୍ରେମରେ ପଡିଯାଇଥିଲେ ସୋଲଫି ବେବୋ ସିମରନ ଏବଂ ରଞ୍ଜୁ ସୁନା । ସମ୍ପର୍କ ଦିନକୁ ଦିନ ଯେତିକି ନିବିଡ ହେଉଥିଲା ଉଭୟଙ୍କ ମଧ୍ୟରେ ତିକ୍ତତା ମଧ୍ୟ ଲାଗିରହୁଥିଲା । ଅନ୍ୟ କାହା ସହ ଯାଇ ବାହାରେ କାର୍ୟ୍ୟକ୍ରମ କରିବାକୁ ପସନ୍ଦ କରୁନଥିଲେ ରଞ୍ଜୁ ସୁନା । ଏସବୁ ଭିତରେ ସମ୍ବଲପୁରର ମହାନଦୀ ବ୍ରିଜ ତଳୁ ମିଳିଥିଲା ସିମରନଙ୍କ ମୃତଦେହ । ଏବେ ନଜର ଘଟଣା ଆଗକୁ କି ମୋଡ ନେଉଛି । ଗୁରୁବାର ସମ୍ବଲପୁରର ମହାନଦୀ ବ୍ରିଜ ତଳେ ସିମରନଙ୍କ ମୃତଦେହ ମିଳିଥିଲା । ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବା ବେଳେ ପୋଲିସ ଅଧିକ ତନାଘନା କରୁଛି ।