ନରପିଶାଚଙ୍କୁ ଏନକାଉଂଟର ପରେ ସାରା ଦେଶରେ ଖୁସିର ପରିବେଶ :ପୁଲିସ କାର୍ଯ୍ୟକୁ ସାଲ୍ୟୁଟ୍ କଲେ ମହିଳା . . . . ଓଡ଼ିଶାରେ ବି ଜନସାଧାରଣଙ୍କ ପ୍ରତିକ୍ରିୟା, ଠିକ୍ କରିଛି ହାଇଦ୍ରାବାଦ ପୋଲିସ
କନକ ବ୍ୟୁରୋ : ଦଣ୍ଡ ପାଇଲେ ନରପିଶାଚ । ଡାକ୍ତରାଣୀଙ୍କୁ ଦୁଷ୍କର୍ମ କରି ଯେଉଁଠି ମାରିଥିଲେ ସେହିଠାରେ ନିହତ ହେଲେ ଅଭିଯୁକ୍ତ ଦୁଷ୍କର୍ମକାରୀ । ଅଭିଯୁକ୍ତଙ୍କ ଏନକାଉଂଟର ପରେ ସାରା ଦେଶରେ ଖୁସିର ପରିବେଶ ଦେଖାଦେଇଛି । ପୁଲିସ କାର୍ଯ୍ୟକୁ ସାଲ୍ୟୁଟ୍ କରିଛନ୍ତି ମହିଳା । ଏପରିକି ଘଟଣାସ୍ଥଳରେ ଫୁଲ ବର୍ଷା କରିଛନ୍ତି ଜନତା । ଓଡ଼ିଶାରେ ଜନସାଧାରଣ ମଧ୍ୟ ପୋଲିସକୁ ସାବାସୀ ଦେବାସହ କହିଛନ୍ତି, ଠିକ୍ କରିଛି ହାଇଦ୍ରାବାଦ ପୋଲିସ । ହାଇଦ୍ରାବାଦ ମହିଳା ଡାକ୍ତରଙ୍କ ୪ ଗଣଦୁଷ୍କର୍ମ ଓ ହତ୍ୟାକାରୀ ମହମ୍ମଦ ଆରିଫ୍, ଜୋଲୁ ନବୀନ, ଜୋଲୁ ଶିବା ଓ ଚିନ୍ତାକୁଟା ସାଭୁଲୁଙ୍କୁ ଏନକାଉଂଟର କରିଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ମିଳିଥିବା ସୂଚନା ଅନୁସାରେ, ଅଭିଯୁକ୍ତମାନେ ପୁଲିସ କବଳରୁ ଖସି ପଳାଉଥିବା ବେଳେ ପୁଲିସ ତାଙ୍କୁ ଏନକାଉଂଟର କରିଛି । ତେବେ ହାଇଦ୍ରାବାଦ ୪୪ ନମ୍ବର ଜାତୀୟ ରାଜପଥରେ ଗତକାଲି ରାତି ୩ଟାରେ ଏଭଳି ଘଟଣା ଘଟିଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ତଦନ୍ତ ପାଇଁ ଅଭିଯୁକ୍ତଙ୍କୁ ଘଟଣାସ୍ଥଳକୁ ନେଇଥିଲା ପୁଲିସ । ସେହି ସମୟରେ ଅଭିଯୁକ୍ତମାନେ ପୁଲିସ କବଳରୁ ଖସି ପଳାଇବାକୁ ଉଦ୍ୟମ କରିଥିଲେ । ପୁଲିସ ସେମାନଙ୍କୁ ଧରିବା ପାଇଁ ଚେଷ୍ଟା କରୁଥିବା ବେଳେ ଦୁଷ୍କର୍ମକାରୀମାନେ ପୁଲିସ ଉପରକୁ ପଥର ମାଡ କରିଥିଲେ ।
ତେଣୁ ବାଧ୍ୟ ହୋଇ ଚେତନାପାଲୀର ଓଭରବ୍ରିଜ ପାଖରେ ପୁଲିସ ସେମାନଙ୍କୁ ଏନକାଉଂଟର କରିଛି । ତେବେ ଅଭିଯୁକ୍ତଙ୍କ ମୃତ୍ୟୁ ନେଇଉ ସ୍ପଷ୍ଟ କରିଛନ୍ତି ତେଲେଙ୍ଗାନା ପୁଲିସ କମିଶନର । ଗତ ସପ୍ତାହରେ ଡାକ୍ତରାଣୀ ଘରକୁ ଫେରୁଥିବା ବେଳେ ତାଙ୍କୁ ଯୋଜନବଦ୍ଧ ଭାବେ ଅଭିଯୁକ୍ତମାନେ ଗଣଦୁଷ୍କର୍ମ କରିଥିଲେ । ଦୁଷ୍କର୍ମକାରୀ ଯୁବତୀଙ୍କୁ ଜୋରଜବରଦସ୍ତ ମଦ ପିଆଇ ତାଙ୍କ ସହ ଦୁଷ୍କର୍ମ କରିବା ପରେ ଏକ ଟ୍ରକରେ ନେଇ ଅନ୍ୟଏକ ସ୍ଥାନରେ ପୋଡି ଦେଇଥିଲେ ।