ରାମ ମନ୍ଦିରକୁ ନେଇ ପୁଣି ତେଜିଲା ରାଜନୀତି : ଅଯୋଧ୍ୟାରେ ଶିବସେନା ମୁଖ୍ୟ ଉଦ୍ଧବ ଠାକରେ,ମନ୍ଦିର ନିର୍ମାଣ ନେଇ କେନ୍ଦ୍ର ଉପରେ ବଢିବ ରାଜନୈତିକ ଚାପ
କନକ ବ୍ୟୁରୋ : ଅଯୋଧ୍ୟା ରାମ ମନ୍ଦିରକୁ ନେଇ ପୁଣି ତେଜିଲା ରାଜନୀତି । ଶିବସେନାର ମୁଖ୍ୟ ଉଦ୍ଧବ ଠାକରେ ଆଜି ୧୮ ଜଣ ସାଂସଦକୁ ନେଇ ଅଯୋଧ୍ୟାରେ ପହଂଚିଛନ୍ତି । ମନ୍ଦିରରେ ପୂଜାର୍ଚ୍ଚନା କରିବା ପରେ ଶିବସେନା ସାଂସଦ ମାନେ ମୁମ୍ବାଇ ଫେରିଆସିବେ । ତାଙ୍କର ଏହି ପ୍ରୟାସ ରାମ ମନ୍ଦିର ନିର୍ମାଣ ପାଇଁ ମୋଦି ସରକାର ରାଜନୀତିରେ ବଡ଼ ଚାପ ପକାଇବ । ଲୋକସଭା ନିର୍ବାଚନ ପୂର୍ବରୁ ଉଦ୍ଧବ ଠାକରେ ତାଙ୍କ ପରିବାର ସହ ଅଯୋଧ୍ୟା ଗସ୍ତ କରିଥିଲେ । ରାମ ମନ୍ଦିର ପ୍ରସଙ୍ଗକୁ ନେଇ କେନ୍ଦ୍ର ଉପରେ ଖୁବ ବର୍ଷିଥିଲେ ଉଦ୍ଧବ । ଏହି ଗସ୍ତରେ ଉଦ୍ଧବଙ୍କ ସହ ଆଦିତ୍ୟ ଠାକରେ ମଧ୍ୟ ଅଯୋଧ୍ୟରେ ପହଂଚିଛନ୍ତି । ଯାହାର ସୂଚନା ସେ ତାଙ୍କ ଟ୍ୱିଟର ଆକାଉଂଟରେ ସେୟାର କରିଛନ୍ତିି । ଟ୍ୱିଟରେ ଜୟ ଶ୍ରୀରାମ ଲେଖିବା ସହ ଗସ୍ତର ଏକ ଫଟୋ ସେୟାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ମଧ୍ୟ ରାମମନ୍ଦିର ପ୍ରସଙ୍ଗକୁ ନେଇ ମୋଦି ସରକାର ଏବଂ ଯୋଗୀ ସରକାରଙ୍କ ଉପରେ ସାଧୁସନ୍ଥଙ୍କ ଚାପ ରହିଛି । ସେମାନଙ୍କ ମତରେ ମୋଦି ସରକାର ପୁଣି ଥରେ ରାମ ମନ୍ଦିର ମୁଦ୍ଦା ନେଇ ବିପୁଳ ବହୁମତରେ ସରକାର ଗଢ଼ିଛନ୍ତି । ଆଉ ଏବେ କେନ୍ଦ୍ରରେ ମୋଦି ସରକାର ଓ ଉତ୍ତରପ୍ରଦେଶ ଯୋଗୀ ସରକାର ମନ୍ଦିର ନିର୍ମାଣ ଦିଗରେ ତତ୍ପର ହେବା ଉଚିତ୍ । ରାମ ମନ୍ଦିର ନିର୍ମାଣରେ ବିଳମ୍ବ କରିବାର କୌଣସି ଯଥାର୍ଥତା ନାହିଁ । ଲୋକସଭା ନିର୍ବାଚନ ପୂର୍ବରୁ ମନ୍ଦିର ନିର୍ମାଣ ପାଇଁ ଅଧ୍ୟାଦେଶ ଆଣିବା ପାଇଁ ଦାବି ମଧ୍ୟ କରିଥିଲେ । ସନ୍ଥ ସମାଜ ସହ ଶିବସେନା ପରି ସହଯୋଗୀ ଦଳ ଗୁଡ଼ିକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରାଳୟ ଉପରେ ଆଶା ରଖିଛନ୍ତି ।