ପୁରୀ : ଭଙ୍ଗା କୁଡିଆରେ ଚାଲିଛି ସ୍କୁଲ ଆଉ ରାସ୍ତାରେ ଦିଆହେଉଛି ମଧ୍ୟାହ୍ନ ଭୋଜନ
କନକ ବ୍ୟୁରୋ : ଭଙ୍ଗା କୁଡିଆରେ ସ୍କୁଲ, ରାସ୍ତାରେ ମଧ୍ୟାହ୍ନ ଭୋଜନ । ୨୦୧୦ ମସିହାରୁ ସ୍ଥାପିତ ହୋଇଥିବା ପୁରୀ ଜିଲ୍ଲା ଗୋପ ବ୍ଲକର କୁଲଙ୍ଗ ପ୍ରାଥମିକ ବିଦ୍ୟାଳୟ ଭଙ୍ଗା ଝାଟି ମାଟିର କୁଡିଆରେ ଚାଲିଛି । ପାଂଚ ଶ୍ରେଣୀ ବିଶିଷ୍ଟ ଏହି ସ୍କୁଲ ପାଇଁ ଘର ନାହିଁ । ଗୋଟିଏ କୁଡିଆ ଭିତରେ ପିଲାଏ ପାଠ ପଢୁଥିବା ବେଳେ ସେହିଠାରେ ହିଁ ମଧ୍ୟାହ୍ନ ଭୋଜନ ରୋଷେଇ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ମଧ୍ୟାହ୍ନ ଭୋଜନ ଖାଇ ଅନେକ ସ୍ଥାନରେ ଛାତ୍ରଛାତ୍ରୀ ଗୁରୁତର ହେବାର ଖବର ଆସିବା ପରେ ମଧ୍ୟାହ୍ନ ଭୋଜନ ରୋଷେଇ ଉପରେ ଗୁରୁତ୍ୱ ଦେଇଛନ୍ତି । ହେଲେ ଏଠାରେ ସ୍କୁଲ କୁଡିଆ ଭିତରେ ଚାଲିଥିବା ବେଳେ ରାସ୍ତାରେ ମଧ୍ୟାହ୍ନ ଭୋଜନ ଖାଉଛନ୍ତି ଛାତ୍ରଛାତ୍ରୀ । ସର୍ବଶିକ୍ଷା ପକ୍ଷରୁ ୨୦୧୪-୧୫ ଆର୍ଥିକ ବର୍ଷରେ ବିଦ୍ୟାଳୟର ନୁତନ ଗୃହ, ଶୌଚାଳୟ , ରୋଷ ଘର ପାଇଁ ଆସିଛି ୧୪ ଲକ୍ଷ ଟଙ୍କାର ଅନୁଦାନ । ଘର ନିର୍ମାଣ ହୋଇଛି ହେଲେ ଅଧାରେ ପଡିଛି । ଫଳରେ ବିପଦ ସଂକୁଳ ଝାଟିମାଟି ଘରେ ଚାଲିଛି ପାଠପଢା ।