କନକ ବ୍ୟୁରୋ : ପୁରୀ ଅଠରନଳା ଗୋପିନାଥପୁରରେ ପ୍ରକାଶ ସାହୁ ଗୁଳିକାଣ୍ଡ ମାମଲାରେ ଅଭିଯୁକ୍ତ ଗୋରା ମଲ୍ଲିକଙ୍କୁ ଡେଲାଙ୍ଗ ପୁଲିସର ଏନକାଉଂଟର । ଗତକାଲି ବିଳମ୍ବିତ ରାତିରେ ପୁଲିସର ଏକ ସ୍ୱତନ୍ତ୍ର ଟିମ୍ ଡେଲାଙ୍ଗ ବେଗୁନିଆପଡା ରାସ୍ତା ମଝିରେ ଗୋରା ମଲ୍ଲିକକୁ ଧରିବା ପାଇଁ ଯୋଜନା କରିଥିଲା । ଏହି ସମୟରେ ପୁଲିସ ଉପରକୁ ଗୋରା ମଲ୍ଲିକ ଦୁଇ ରାଉଣ୍ଡ ଫାୟାରିଂ କରିଥିବାବେଳେ ଏହାର ଜବାବରେ ପୁଲିସ ଏନକାଉଂଟର କରିଛି ।
Kanak News is now on WhatsApp
Join and get latest news updates delivered to you via WhatsApp
ଗୋରା ମଲ୍ଲିକର ଡାହାଣ ଗୋଡରେ ଗୁଳି ବାଜିଥିବାରୁ ପ୍ରଥମେ ଡେଲାଙ୍ଗ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା କରାଯିବା ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଗୋରା ସହ ଥିବା ତାର ସହଯୋଗୀ ଖଣ୍ଡିଆବନ୍ଧର ବେନୁଆ ରାଉତ ଘଟଣାସ୍ଥଳରୁ ଫେରାର ହୋଇଯାଇଛି । ପୁଲିସ ଏକ ବାଇକ, ୪ରାଉଣ୍ଡ ଗୁଳି, ଗନ ପାଉଡର ଓ କିଛି ଡବା ବମ୍ ଜବତ କରିଛି । ଗୋରା ନାଁରେ ଡକାୟତି, ଛିନତାଇ ଓ ହତ୍ୟା ଅଭିଯୋଗରେ ୧୪ଟି ମାମଲା ରହିଛି ।
ଏପ୍ରିଲ ୮ରେ ଗୋପିନାଥପୁର ଛକରେ ବୋମାମାଡ ଘଟଣା ପରଠାରୁ ଆଜି ପର୍ଯ୍ୟନ୍ତ ଆଉ ୩ଟି ମାମଲା ସେ ସମ୍ପୃକ୍ତ ଥିବା ପୁଲିସ କହିଛି । ଦାଦାବଟି ଓ ପୂର୍ବ ଶତ୍ରୁତାକୁ କେନ୍ଦ୍ର କରି ଗୋପିନାଥପୁର ବୋମାମାଡ ଘଟଣା ଘଟିଥିବା ବେଳେ ପୂର୍ବରୁ ଗୋରାର ଭାଇ କାଳିଆକୁ ପୁଲିସ ପୂର୍ବରୁ ଗିରଫ କରି କୋର୍ଟ ଚାଲାଣ କରିଛି । ତାର ସମସ୍ତ ସହଯୋଗୀଙ୍କୁ ମଧ୍ୟ ପୁଲିସ ଗିରଫ କରିଛି ।