ରାଷ୍ଟ୍ରପତି ନିର୍ବାଚନ ! ୟୁପିଏର ପ୍ରାର୍ଥୀ ମୀରା କୁମାରଙ୍କୁ ସମର୍ଥନ କରିବ ଆପ୍
କନକ ବ୍ୟୁରୋ : ଆଗାମୀ ରାଷ୍ଟ୍ରପତି ନିର୍ବାଚନରେ ୟୁପିଏର ପ୍ରାର୍ଥୀ ମୀରା କୁମାରଙ୍କୁ ସମର୍ଥନ କରିବ ଆମ ଆଦମୀ ପାର୍ଟି(ଆପ୍) । ଆପ୍ ଘୋଷଣା କରିଛି ଯେ, ରାଷ୍ଟ୍ରପତି ନିର୍ବାଚନରେ ବିରୋଧି ଦଳ ପକ୍ଷରୁ ପ୍ରତିଦ୍ୱନ୍ଦିତା କରୁଥିବା ମୀରା କୁମାରଙ୍କୁ ସମର୍ଥନ କରିବ । ଆପର ପିଏସି ବୈଠକରେ ରାଷ୍ଟ୍ରପତି ନିର୍ବାଚନକୁ ନେଇ ହୋଇଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି । ନିଷ୍ପତ୍ତି ପରେ ଆପ ସାମ୍ବାଦିକ ସମ୍ମିଳନୀରେ ମୀରା କୁମାରଙ୍କୁ ସମର୍ଥନ ଦେବା ପାଇଁ ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ଆମ ଆଦମୀ ପାର୍ଟିର ବରିଷ୍ଠ ନେତା ସଞ୍ଜୟ ସିଂହ କହିଛନ୍ତି, ପାର୍ଟି ରାଷ୍ଟ୍ରପତି ନିର୍ବାଚନରେ ବିରୋଧି ଦଳର ପ୍ରାର୍ଥୀ ମୀରା କୁମାରଙ୍କୁ ସମର୍ଥନ ଦେବ । ସଞ୍ଜୟ ସିଂହ କହିଛନ୍ତି ରାଷ୍ଟ୍ରପତି ନିର୍ବାଚନରେ ଦଳଗତ ରାଜନୀତି ଠାରୁ ଦୂରରେ ରହିବା ଉଚିତ । ସେ କହିଛନ୍ତି ଏହି ପଦ ପାଇଁ ଭୋଟ ଦେବା ପରଂପରା ଠିକ ନୁହେଁ ।
ଏହି ପଦ ପାଇଁ ଆପୋଷ ବୁଝାମଣା ଆଧାରରେ ସମସ୍ତ ଦଳକୁ ଏକାଠି ହୋଇ ଜଣେ ଉପଯୁକ୍ତ ବ୍ୟକ୍ତିଙ୍କୁ ଚୟନ କରାଯିବା ଦରକାର । ରାଷ୍ଟ୍ରପତି ପଦ ପାଇଁ ଏବେ ନିର୍ବାଚନ ହେଉଛି । ଆମ ଆଦମୀ ପାର୍ଟି ପକ୍ଷରୁ ମୀରା କୁମାରଙ୍କୁ ସମର୍ଥନ ଦେବା ପାଇଁ ନିଷ୍ପତ୍ତି ନେଇଛି ବୋଲି ସଞ୍ଜୟ କହିଛନ୍ତି । ସୂଚନାଯୋଗ୍ୟ, ମୀରା କୁମାର ଟେଲିଫୋନ ମାଧ୍ୟମରେ ଆମ ଆଦମୀ ପାର୍ଟିର ସଂଯୋଜକ ଅରବିନ୍ଦ କେଜରିୱାଲଙ୍କୁ ସମର୍ଥନ ମାଗିଥିଲେ ।