ଅଟକି ଗଲେ ମୋଦି ! ୪ ବର୍ଷର ଝିଅ ପାଇଁ ଅଧାରେ ରହିଲା ରାଲି
ଭାରତର ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ରାଷ୍ଟ୍ରପତିଙ୍କ ସୁରକ୍ଷା ପ୍ରଟୋକଲ ଭାଙ୍ଗି ତାଙ୍କ ପାଖକୁ ଯିବା ଏତେ ସହଜ ନୁହଁ । ଏକଥା ସମସ୍ତେ ଜାଣନ୍ତି । ଅନେକ ଲୋକ ଏପରି କିଛି କରିଛନ୍ତି ଓ ଫଳସ୍ୱରୂପ ସେମାନଙ୍କୁ ଲମ୍ବା ସମୟ ପର୍ୟ୍ୟନ୍ତ ଏସପିଜି ଯାଞ୍ଚର ସାମ୍ନା କରିବାକୁ ପଡିଛି । କିନ୍ତୁ ମୁଖ୍ୟମନ୍ତ୍ରୀଙ୍କ ସୁରଟ ଗସ୍ତରେ ସମସ୍ତ ପ୍ରଟୋକଲକୁ ବେଖାତିର କରି ମୋଦିଙ୍କୁ ଭେଟିଛି ଗୋଟିଏ ଛୋଟ ଝିଅ । ସୁରକ୍ଷା ଘେର ଭାଙ୍ଗି ପ୍ରଧାନମନ୍ତ୍ରୀଙ୍କ ପାଖରେ ପହଞ୍ଚିଥିଲା ଏକ ଛୋଟ ଝିଅ ।
Kanak News is now on WhatsApp
Join and get latest news updates delivered to you via WhatsApp
ସେହି ସମୟରେ ଅନେକ କାର୍ଯ୍ୟକ୍ରମରେ ଯୋଗ ଦେବା ସହ ପ୍ରଧାନମନ୍ତ୍ରୀ ମୋଦିଙ୍କର ରୋଡ ସୋ ମଧ୍ୟ ଆରମ୍ଭ ହୋଇଥିଲା । କଡା ସୁରକ୍ଷା ବଳୟ ଭିତରେ ଯାଉଥିଲେ ମୋଦି । ରାସ୍ତାରେ ହଜାର ହଜାର ଲୋକଙ୍କ ଭିଡ । ଏତେ କଡା ସୁରକ୍ଷା ମଧ୍ୟରେ ଏକ ୪ ବର୍ଷର ଛୋଟ ଝିଅ ନାନ୍ସି ନିଜର ପରିବାର ସହ ରାସ୍ତା କଡରେ ଛିଡା ହୋଇଥିଲା । ଅଚାନକ ସୁରକ୍ଷା ଘେରା ଟପି ସେ ପ୍ରଧାନମନ୍ତ୍ରୀଙ୍କ ପାଖରେ ପହଞ୍ଚିଥିଲା । ଏହା ଦେଖି ପୋଲିସ ଛୋଟ ଝିଅଟିକୁ ହଟାଇବାରେ ପାଇଁ ଚେଷ୍ଟା କରିଥିଲେ ।
କିନ୍ତୁ ଯେତେବେଳେ ପର୍ଯ୍ୟନ୍ତ ଯବାନ ଓ ପୋଲିସ ସେହି ଛୋଟ ଝିଅକୁ ହଟାଇ ପାରିଥାଆନ୍ତେ ମୋଦି ନାନ୍ସିକୁ ଦେଖି ନେଇଥିଲେ । ତା’ପରେ ପୁରା ଦୃଶ୍ୟ ବଦଳି ଯାଇଥିଲା । ସେହି ଛୋଟ ଝିଅକୁ ପାଖକୁ ଆଣିବା ପାଇଁ ସୁରକ୍ଷା ଯବାନଙ୍କୁ ଆଦେଶ ଦେଇଥିଲେ ମୋଦି । ସେ ଝିଅକୁ ଡାକି ତାକୁ ଗେହ୍ଲା କରିବା ସହ କିଛି ସମୟ କଥା ମଧ୍ୟ ହୋଇଥିଲେ । ଏବେ ଏହି ଛୋଟ ଝିଅଟି ତାରକା ପାଲଟି ଯାଇଛି । ସବୁ ଟିଭି ଚ୍ୟାନେଲ ଓ ମିଡିଆରେ ଚର୍ଚ୍ଚାର ବିଷୟ ପାଲଟିଛି ନାନ୍ସି ।
ସୌଜନ୍ୟ – ଏନଡିଟିଭି