ଶେଷରେ ପାକ୍ ମନ୍ତ୍ରୀ ବି ମାନିଲେ, ସାରା ବିଶ୍ୱରେ ପାକିସ୍ତାନ ଅପେକ୍ଷା ଭାରତର ଦବଦବା ଅଧିକ ଦେଶ ବିଦେଶନ୍ୟୁଜ୍ By Pranjna Parimita Behera On Sep 12, 2019 - 12:11 PM Last updated Sep 12, 2019 - 12:12 PM 4,776 Share କନକ ବ୍ୟୁରୋ : ଜମ୍ମୁ-କାଶ୍ମୀର ମାମଲାରେ ଅଯଥା ମୁଣ୍ଡ ପୁରାଇ ଏବେ ଏକଘରକିଆ ପାକିସ୍ତାନ । ଇମ୍ରାନ ସରକାର ବାରମ୍ବାର ଭାରତ ବିରୋଧୀ ଷଡ଼ଯନ୍ତ୍ର ଜାରି କରିଛନ୍ତି, ହେଲେ ସାରା ବିଶ୍ୱରେ ଭାରତର ଦବଦବାକୁ ସ୍ୱୀକାର କରିଛନ୍ତି ପାକ୍ ମନ୍ତ୍ରୀ । ବିଶ୍ୱ ସମୁଦାୟରେ ପାକିସ୍ତାନର ଯୁକ୍ତି ଶୁଣିବାକୁ ସମେସ୍ତ ଅମଙ୍ଗ । ଦୁନିଆ ଆମ କଥା ନୁହଁ, ଭାରତ କଥାକୁ ଗ୍ରହଣ କରିଥାଏ । କାଶ୍ମୀରକୁ ନେଇ ଏଭଳି କିଛି ବୟାନ୍ ରଖିଛନ୍ତି ପାକିସ୍ତାନର ଗୃହମନ୍ତ୍ରୀ ବ୍ରିଗେଡିୟର ଏଜାଜ୍ ଅହମ୍ମଦ । ପାକିସ୍ତାନର ଏକ ଟିଭି ଚ୍ୟାନେଲରେ ଆଲୋଚନା ବେଳେ ଏଜାଜ୍ ଅହମ୍ମଦଙ୍କ ଏହି ବୟାନ୍ ଏବେ କାଶ୍ମୀରକୁ ନେଇ ବିଶ୍ୱ ମଂଚରେ ବାରମ୍ୱାର ମିଛ ଅପପ୍ରଚାର ଚଳାଇଥିବା ପାକିସ୍ତାନର ପୋଲ୍ ଖୋଲି ଦେଇଛି । Kanak News is now on WhatsApp Join and get latest news updates delivered to you via WhatsApp Join Now ଖୋଦ୍ ପାକିସ୍ତାନର ମନ୍ତ୍ରୀ ଏଜାଜ୍ ଅହମ୍ମଦ ଏକ ଟିଭି ଆଲୋଚନାରେ କହିଛନ୍ତି, ପାକିସ୍ତାନ ବାରମ୍ୱାର କହି ଆସୁଛି ଭାରତ ଜାମ୍ମୁକାଶ୍ମୀରରେ କର୍ଫ୍ୟୁ ଲଗାଇଛି । ଲୋକଙ୍କୁ ନିର୍ଯାତନା ଦିଆଯାଉଛି । ହେଲେ ପାକିସ୍ତାନର ଏହି କଥାକୁ ବିଶ୍ୱ ଗ୍ରହଣ କରୁନିି । ପାକିସ୍ତାନ କଥାକୁ ଯିଏ ବି ଶୁଣୁଛି ବିଶ୍ୱାସ କରୁନି । କାଶ୍ମୀର ପ୍ରସଙ୍ଗକୁ ନେଇ ପୁରା ବିଶ୍ୱ ଭାରତ କଥାକୁ ଗ୍ରହଣ କରୁଛି । କାଶ୍ମୀର ପ୍ରସଙ୍ଗକୁ ନେଇ ପାକିସ୍ତାନ ଏକ ଘରିକିଆ ହୋଇଯାଇଥିବା ବେଳେ , ପାକ୍ ମନ୍ତ୍ରୀ ଏଜାଜ୍ ଅହମ୍ମଦଙ୍କ ଏଭଳି ବୟାନ୍ , ପାକିସ୍ତାନରେ ଇମ୍ରାନଙ୍କ ପ୍ରତି କାଶ୍ମୀର ପ୍ରସଙ୍ଗରେ ରହିଥିବା ସମର୍ଥନର ବି ମୁଖା ଖୋଲିଦେଇଛି । ସିଧାସଳଖ କହିବାକୁ ଗଲେ ଇମ୍ରାନ୍ ଖାନଙ୍କୁ ତାଙ୍କ ମନ୍ତ୍ରୀ ବି ସମର୍ଥନ ଦେଉନାହାନ୍ତି । ଏହାସହ ଟିଭି ଆଲୋଚନାରେ ଏଜାଜ୍ ଅହମ୍ମଦ କହିଛନ୍ତି, କାଶ୍ମୀର ସମସ୍ୟା ପାଇଁ ଜେନେରାଲ୍ ଜିଆ ଉଲହକ୍, ପରଭେଜ ମୁସାରଙ୍କ ଠାରୁ ଆରମ୍ଭ କରି ଇମ୍ରାନ୍ ଖାନଙ୍କ ଯାଏ ଯିଏ ବି କ୍ଷମତାରେ ରହିଛି ସିଏ ଦାୟୀ । କେବଳ ଏତିକି ନୁହଁ ଏଜାଜ୍ କହିଛନ୍ତି ଇମ୍ରାନ୍ ଖାନ୍ ମୋଷ୍ଟୱାଂଟେଡ୍ ଆତଙ୍କବାଦୀ ହାଫିଜ୍ ସୟିଦକୁ ସାହେବ କହୁଛନ୍ତି । କେବଳ ଲଢେଇ ପାଇଁ ପାକିସ୍ତାନରେ ହାଫିଜକୁ ଠିଆ କରାଯାଇଛି । କିନ୍ତୁ ତାକୁ ନିୟନ୍ତ୍ରଣରେ ରଖିବା ଆବଶ୍ୟକ ବୋଲି କହିଛନ୍ତି ଏଜାଜ୍ ଅହମ୍ମଦ । ଗୋଟିଏ ପଟେ ମିଳିତ ଜାତିସଂଘରେ ପାକିସ୍ତାନ , କାଶ୍ମୀରରେ ମାନବାଧିକାର ଉଲଂଘନ ଅଭିଯୋଗ ଉଠାଇ ବଡ ଝଟକା ଖାଇଛି । ଏହା ପରେ ପରେ ପାକିସ୍ତାନ ଗୃହମନ୍ତ୍ରୀଙ୍କ ଏହି ବୟାନ୍ ଆସିଛି । ବୟାନରେ ଏଜାଜ୍ କହିଛନ୍ତି ପାକିସ୍ତାନ ଯେଉଁଠି ବି କାଶ୍ମୀରକୁ ନେଇ ଅଭିଯୋଗ ଆଣିଛି, ଭାରତ ଠୋସ୍ ପ୍ରମାଣ ସହିତ ଏହାର ଜବାବ୍ ଦେଇଛି । ଏମିତିରେ ମିଳିତ ଜାତିସଂଘ ମାନବାଧିକାର କମିଶନ ବୈଠକ ପରେ ପାକ୍ ବିଦେଶ ମନ୍ତ୍ରୀ ଶାହା ମହମ୍ମଦ କ୍ୟୁରେସୀଙ୍କ ପାଟିରୁ ବି ବାହାରିଥିଲା ଭାରତୀୟ ରାଜ୍ୟ ଜାମ୍ମୁକାଶ୍ମୀର । ଯାହା ସତକୁ ପଦାକୁ ଆଣିଥିଲା । ଏବେ ପାକ୍ ଗୃହମନ୍ତ୍ରୀଙ୍କ ବୟାନ ପାକିସ୍ତାନର ମୁଖାକୁ ଆଉ ଟିକିଏ ଖୋଲି ଦେଇଛି । 4,776 Share FacebookTwitterGoogle+WhatsAppTelegramEmailPrint