କୋରାପୁଟ ରାମଗଡ ପାହାଡି ମଣିଷର ଦୁଃଖ : ୪ କିଲୋମିଟର ପାହାଡ ଓହ୍ଲାଇ ତଳକୁ ଆସିଲେ ମିଳୁଛି ମୌଳିକ ସୁବିଧା, ସ୍ୱାସ୍ଥ୍ୟସେବା ପାଇଁ ଶିଶୁକୁ ଧରି ଚାଲୁଛନ୍ତି ମାଆ
କନକ ବ୍ୟୁରୋ : ପାହାଡ଼ି ମଣିଷର ଦୁଃଖ । ୪ କିଲୋମିଟର ପାହାଡ଼ ଓହ୍ଳାଇଲେ ମିଳିବ ମୌଳିକ ସୁବିଧା । ରୋଗୀଙ୍କୁ ମିଳିବ ସ୍ୱାସ୍ଥ୍ୟସେବା । ଯିବା ଆସିବାରେ ବିତି ଯାଉଛି ଗୋଟିଏ ଦିନ । ପ୍ରଶାସନର ନଜର ଆଢୁଆଳରେ ରହିଯାଇଛି କୋରାପୁଟର ରାମଗଡ ଗାଁ । ପାହାଡ଼ ଉପରେ ରହୁଥିବା ଆଦିବାସୀ ମଣିଷ ପାହାଡ-ଜଙ୍ଗଲ ଭିତରେ ୪ କିଲୋମିଟର ରାସ୍ତା ଚାଲି ରେଳ ଧାରଣା ପାରିହୋଇ ଚିକିତ୍ସା ପାଇଁ ସହରକୁ ଆସୁଛନ୍ତି । କୁନି କୁନି ଶିଶୁଙ୍କୁ କୋଳରେ ଧରି ମାଆଙ୍କୁ ଚାଲିବାକୁ ପଡୁଛି ପାହାଡି ରାସ୍ତା । କେବଳ ଏମାନେ ନୁହଁନ୍ତି ପ୍ରସବ ଯନ୍ତ୍ରଣାରେ ଛଟପଟ ହେଉଥିବା ମହିଳାଙ୍କୁ ଭାରରେ ବୋହି ଡାକ୍ତରଖାନା ଆଣିଥାନ୍ତି ସଂପର୍କୀୟ । ଏ ଦୁଃଖ ଆଜି କାଲିର ନୁହେଁ, ଏ ଦୁଃଖ ବହୁ ପୁରୁଣା ।
Kanak News is now on WhatsApp
Join and get latest news updates delivered to you via WhatsApp