ଜିରୋ ନାଇଟ୍ ସେଲିବ୍ରେସନ ପାଇଁ ବିଭିନ୍ନ କ୍ଲବ ଓ ହୋଟେଲରେ ରଙ୍ଗାରଙ୍ଗ କାର୍ଯ୍ୟକ୍ରମ ପ୍ରସ୍ତୁତି ! ସୁରକ୍ଷାକୁ ନଜରରେ ରଖି ସ୍ଥିତି ପରଖିଲା ଅଗ୍ନିଶମ ବିଭାଗ
କନକ ବ୍ୟୁରୋ : ଜିରୋ ନାଇଟ୍ ସେଲିବ୍ରେସନ ପାଇଁ କାଉଂଟଡାଉନ ଆରମ୍ଭ । ବିଭିନ୍ନ କ୍ଲବ ଓ ହୋଟେଲରେ ରଙ୍ଗାରଙ୍ଗ କାର୍ଯ୍ୟକ୍ରମ ପ୍ରସ୍ତୁତି ଜୋରଦାର ହୋଇଛି ।ରାଜଧାନୀ ଭୁବନେଶ୍ୱରର ବଡ ବଡ ତାରକା ହୋଟେଲ ଏବଂ କ୍ଲବରେ ଜମିବ ରଙ୍ଗା ରଙ୍ଗ କାର୍ଯ୍ୟକ୍ରମ । ଓଲିଉଡ ଏବଂ ବଲିଉଡ ତାରକାଙ୍କ ଗହଣରେ ସ୍ୱାଗତ କରାଯିବ, ନୂଆ ବର୍ଷ । ଗ୍ରାହକଙ୍କୁ ଭରପୁର ମନୋରଂଜନ ଦେବା ପାଇଁ ହୋଟେଲ ଗୁଡ଼ିକ ପକ୍ଷରୁ ହୋଇଛି ବ୍ୟାପକ ବ୍ୟବସ୍ଥା ।
Kanak News is now on WhatsApp
Join and get latest news updates delivered to you via WhatsApp
କେବଳ ଭୁବନେଶ୍ୱର କାହିଁକି, କଟକ, ପୁରୀ, ବ୍ରହ୍ମପୁର ଏବଂ ବାଲେଶ୍ୱର ସହରରେ ବି ନୂଆବର୍ଷର ସ୍ୱାଗତ ଏବଂ ଜିରୋ ନାଇଟ୍ ସେଲିବ୍ରେସନ୍ ପାଇଁ ପ୍ରସ୍ତୁତ ରହିଛି ବିଭିନ୍ନ ହୋଟେଲ ଏବଂ କ୍ଲବ୍ । ଗ୍ରାହକ ଏବଂ ସଦସ୍ୟଙ୍କ ପାଇଁ ହୋଇଛି ମନୋରଂଜନର ବ୍ୟବସ୍ଥା । ଜିରୋ ନାଇଟର ସେଲିବ୍ରେସନକୁ ଦୃଷ୍ଟିରେ ରଖି ବିଭିନ୍ନ ପ୍ରକାର କାର୍ଯ୍ୟକ୍ରମ ହାତକୁ ନେଇଛନ୍ତି ହୋଟେଲ ଓ କ୍ଲବ । ତେବେ ଏହି ସବୁ ପ୍ରତିଷ୍ଠାନ ଗୁଡିକର ସୁରକ୍ଷା ସମ୍ପର୍କୀତ ଯାଂଚ କରୁଛି ଅଗ୍ନିଶମ ବିଭାଗ ।
ପୂର୍ବରୁ ଅନେକ ସମୟରେ ଜିରୋନାଇଟ୍ ସେଲିବ୍ରେସନ ସମୟରେ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିବାରୁ ସୁରକ୍ଷା ବ୍ୟବସ୍ଥାର ମଧ୍ୟ ଯାଂଚ କରିଛି କମିଶନରେଟ୍ ପୋଲିସ୍ । ନୂଆ ବର୍ଷକୁ ସ୍ୱାଗତ କରିବା ପାଇଁ ଜିରୋନାଇଟ୍ ସେଲିବ୍ରେସନରେ ରଙ୍ଗାରଙ୍ଗ କାର୍ଯ୍ୟକ୍ରମ ରଖାଯାଇଥାଏ । ନାଚଗୀତ ସାଂଗକୁ ଭରପୁର ମନୋରଞ୍ଜନ ବ୍ୟବସ୍ଥା ଥିବାରୁ ଜିରୋନାଇଟ୍ ପାଇଁ ବିଶେଷ ଉତ୍ସାହ ଦେଖିବାକୁ ମିଳିଥାଏ । ବିଶେଷକରି ଯୁବପୀଢ଼ି ଟଙ୍କା ଖର୍ଚ୍ଚ କରି ଏହି ରାତିର ମଜା ଉଠାଇଥାନ୍ତି ।