ଭୁବନେଶ୍ୱର ଟଙ୍କପାଣି ରୋଡରେ ଫୁଟିଲା ଗୁଳି ! କଲ୍ୟାଣ ମଣ୍ଡପର ସିକ୍ୟୁରିଟି ଗାର୍ଡଙ୍କ ଉପରେ ଗୁଳିମାଡ, କାରଣ ଖୋଜୁଛି ପୁଲିସ
କନକ ବ୍ୟୁରୋ : ଭୁବନେଶ୍ୱରରେ ଗୁଳିକାଣ୍ଡ । ଟଙ୍କପାଣି ଅଂଚଳରେ ଥିବା କଲ୍ୟାଣମଣ୍ଡପ ସିକ୍ୟୁରିଟି ଗାର୍ଡଙ୍କୁ ଗୁଳିମାଡ ହୋଇଛି । ୨ଜଣ ଦୁର୍ବୃତ୍ତ ପାଣି ପିଇବାକୁ ମାଗି ତାଙ୍କ ଉପରକୁ ଫାୟାରିଙ୍ଗ କରିଥିବା ଅଭିଯୋଗ ହୋଇଛି । ସିକ୍ୟୁରିଟି ଗାର୍ଡଙ୍କ ପିଠିରେ ଗୁଳି ବାଜିଛି । ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଟଙ୍କପାଣି ରୋଡ୍ ଅନ୍ତର୍ଗତ ଏକ କଲ୍ୟାଣ ମଣ୍ଡପର ଜଣେ ସିକ୍ୟୁରିଟି ଗାର୍ଡ ଦୁଇ ଜଣ ଅଜ୍ଞାତ ଦୁର୍ବୃତ୍ତଙ୍କ ଗୁଳି ଚୋଟ ଖାଇ ଗରୁତର ଆହତ ହୋଇଛନ୍ତି । ଚିକିତ୍ସା ନିମନ୍ତେ ଜ୍ଞାନେନ୍ଦ୍ର ମଲ୍ଲିକ ନାମକ ସେ ସିକ୍ୟୁରିଟି ଗାର୍ଡଙ୍କୁ ସଙ୍କଟଜନକ ଅବସ୍ଥାରେ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଛି । ଦୁଇ ଜଣ ଦୁର୍ବୃତ୍ତ କଲ୍ୟାଣ ମଣ୍ଡପକୁ ଆସି ମଣ୍ଡପର ମାଲିକଙ୍କ ସମ୍ବନ୍ଧରେ ଅନୁସନ୍ଧାନ କରିଥିଲେ । ପରେ ସେମାନେ ସିକ୍ୟୁରିଟି ଗାର୍ଡଙ୍କୁ ପାଣି ମାଗିଥିଲେ। ସେ ପାଣି ବୋତଲ ଦେବା ପରେ ସେମାନଙ୍କ ମଧ୍ୟରୁ ଜଣେ ତାଙ୍କ ଉପରକୁ ଗୁଳି ଚଳାଇଥିଲେ ଓ ଉଭୟ ଘଟଣାସ୍ଥଳରୁ ଖସି ଯାଇଥିଲେ ।