ଚିଲିକା ନିକଟ ସମୁଦ୍ରରେ ବୁଡି ବୁଡି ଯାଉଛି ମାଲେସିଆ ଜାହାଜ : ଲିକ୍ ହୋଇଯାଇପାରେ ୩୩ ହଜାର ଲିଟର ଡିଜେଲ ଓ ଲୁବ୍ରିକାଂଟ, ପ୍ରଭାବିତ ହୋଇପାରେ ଚିଲିକା
କନକ ବ୍ୟୁରୋ : ସମୁଦ୍ରରେ ଲାଗିଥିବା ମାଲେସିଆ ଜାହାଜ ଖୁବଜୋରରେ ଦୋହଲୁଛି । ପ୍ରବଳ ଢେଉରେ ଏହା ଓଲଟି ପଡିବାର ଆଶଙ୍କା ସୃଷ୍ଟି ହୋଇଛି । ଜାହାଜଟି ଓଲଟି ପଡିଲେ ଏଥିରେ ମହଜୁଦ ଥିବା ପ୍ରାୟ ୩୩ ଜହାର ଲିଟର ତେଲ ଚିଲିକା ପ୍ରତି ବଡ ବିପଦ ଆଣିଦେବ । ସେହିପରି ଗତ ୭ ତାରିଖରୁ କାର୍ଗୋ ଜାହାଜଟି ଲାଗି ରହିଥିବାବେଳେ, ଭାସିଭାସି ଜାହାଜଠାରୁ ଅଲଗା ହୋଇଯାଇଛି କଂଟେନର । ଏହା ଚିଲିକା ମୂହାଣକୁ ସଂକୀର୍ଣ୍ଣ କରିଦେବାର ମଧ୍ୟ ଆଶଙ୍କା ଉପୁଜିଛି । ତେବେ ଦୁଇଦିନ ଭିତରେ ଜାହାଜରୁ ତେଲ ଖାଲି କରିବାକୁ ଯୋଜନା ରହିଛି । ଏବଂ ଜାହାଜର ମାଲିକ ଏହାକୁ ନେଇଯିବା ପାଇଁ ମଧ୍ୟ ପ୍ରସ୍ତୁତି କରୁଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଜାହାଜରେ ଥିବା ୩୩ ହଜାର ଲିଟର ତେଲ ଲିକ ହେବାର ସମ୍ଭାବନା ଥିବାରୁ ଏହା ସବୁଠାରୁ ଚିନ୍ତାର କାରଣ ହୋଇଛି । ମାଲେସିଆରୁ ବାଂଲାଦେଶ ଯାଉଥିବା ଜାହାଜଟି ଗୋପାଳପୁର ସମୁଦ୍ର ଭିତରେ ଯାନ୍ତ୍ରିକ ତ୍ରୁଟି କାରଣରୁ ଅଚଳ ହୋଇପଡିଥିଲା । ଆଉ ଭାସିଭାସି ଆସି ଲାଗିଥିଲା ଚିଲିକା ନିକଟରେ । ଜାହାଜ କଂଟେନରରେ ରହିଥିବା ଏକ ବିରାଟ ଫାଟ, ଏହା ଦୁର୍ଘଟଣାଗ୍ରସ୍ତ ହୋଇଥିବା ନେଇ ସନ୍ଦେହ ବଢାଉଛି । ଅଗଷ୍ଟ ୭ ତାରିଖରୁ ଚିଲିକା ନିଟକ ସମୁଦ୍ରରେ ଲାଗିଥିଲା ମାଲେସିଆର ଜିନ୍ ହକ ଜାହାଜଟି ଅତି ବିପଦସଂକୁଳ ଅବସ୍ଥାରେ ରହିଛି । ଏହାକୁ ଜଗି ରହିଛନ୍ତି ସ୍ଥାନୀୟ ଖିରିସାହି ଗାଁ ଲୋକେ ।
ପାଣିରେ ଭାଷୁଛି ୫୦ କୋଟି । କୁହାଯାଉଛି ପ୍ରାୟ ୫୦ କୋଟି ଟଙ୍କା ମୂଲ୍ୟର ଜାହାଜ ଓ ଏଥିରେ ମହଜୁଦ ଥିବା ତେଲକୁ ଛାଡିବାକୁ ଚାହିଁବେନି ମାଲେସିଆ ଜାହାଜ କମ୍ପାନି ମାଲିକ । ସେଥିପାଇଁ ଦୁଇଦିନ ଭିତରେ ତେଲ ଖାଲି କରିବାକୁ ପ୍ରୟାସ ଆରମ୍ଭ ହେବ ବୋଲି ଜଣାପଡିଛି ।
ମାଲେସିଆରୁ ଆସିଥିବା ଜାହାଜରେ ଥିଲେ ୧୦ଜଣ । ସେମାନଙ୍କୁ ପୋଲିସ କଷ୍ଟୋଡିରେ ସ୍ଥାନୀୟ ଖିରିସାହିରେ ଏକ ବାତ୍ୟା ଆଶ୍ରୟସ୍ଥଳରେ ରଖାଯାଇଛି । ଆଗକୁ ଜାହାଜର କଣ ହେବ, ସେମାନେ କେବେ ଘରକୁ ଫେରିବେ ସେକଥା ସେମାନଙ୍କୁ ମଧ୍ୟ ଜଣାନାହିଁ । ହେଲେ ଆଶ୍ୱସ୍ତର କଥା ହେଉଛି ଯେ, ଜାହାଜ ମାଲିକ ଖୁବଶୀଘ୍ର ଜାହାଜଟିକୁ ନେଇଯିବା ପାଇଁ ପ୍ରୟାସ ଆରମ୍ଭ କରିଛନ୍ତି ।