ମରିଗଲାଣି ମାନବିକତା ! ଦୁର୍ଘଟଣାରେ ଛଟପଟ ହେଉଥିଲେ ଇଞ୍ଜିନିୟର, ଆଉ ଫଟୋ ଉଠାଉଥିଲେ ଲୋକେ
ସତରେ କ’ଣ ମରିଗଲାଣି ମାନବିକତା । ବିଜ୍ଞାନ ଯେତିକି ଆଗଉଛି, ଲୋକେ ସେତେ ଅସହିଷ୍ଣୁ ହେଉଛନ୍ତି । କେହି ବିପଦରେ ପଡ଼ିଲେ ତା’କୁ ସାହାଯ୍ୟ କରିବା ପରିବର୍ତ୍ତେ ସମସ୍ତେ ଘଟଣାର ଫାଇଦା ଉଠାଉଛନ୍ତି । ଆଜିକା ତାରିଖରେ ବିଜ୍ଞାନ ଏତେ ଶୀର୍ଷରେ ପହଞ୍ଚିଗଲାଣି ଯେ ଛୋଟ ଠାରୁ ବଡ଼ ସମସ୍ତଙ୍କ ହାତରେ ବିଳାସପୂର୍ଣ୍ଣ ଗ୍ୟାଜେଟ୍ । କିନ୍ତୁ ବିଜ୍ଞାନର ଏହି ଆଶିର୍ବାଦକୁ ଆମେ ଉଚିତ ଦିଗରେ ନଲଗାଇ ତା’ର କୁବ୍ୟହାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ନାଥିଲା ଏତେ ସୁବିଧା, ନାଥିଲା ଆଧୁନିକତା କିନ୍ତୁ ମଣିଷ ମନରେ ଥିଲା ମଣିଷପଣିଆ, ଯାହା ଏବେ ହଜିଯିବାକୁ ବସିଲାଣି । ନିକଟରେ ଏକ ହୃଦୟବିଦାରକ ଘଟଣା ଘଟିଛି ପୁନେର ଇନ୍ଦ୍ରୟାନିନଗରରେ ।ଦୁର୍ଘଟଣାଗ୍ରସ୍ତ ହୋଇ ଛଟପଟ ହେଉଥିଲେ ଜଣେ ସପ୍ଟୱେର ଇଞ୍ଜିନିୟର ଆଉ ଲୋକେ ତାଙ୍କୁ ମେଡ଼ିକାଲ ନେବା ପରିବର୍ତ୍ତେ ଫୋନରେ ଫଟୋ ଉଠାଉଥିଲେ । ଆଛ କିଛି ଲୋକ ଦୁର୍ଘଟଣାର ଭିଡ଼ିଓ ତିଆରି କରୁଥିଲେ । ଠିକ ସମୟରେ ମେଡ଼ିକାଲ ନନେବାରୁ ଉକ୍ତ ଇଞ୍ଜିନିୟର ଜଣକ ମୃତ୍ୟୁ ବରଣ କରିଥିଲେ ।
ସେହି ରାସ୍ତା ଦେଇ ଯାଉଥିବା ଜଣେ ଦନ୍ତଚିକିତ୍ସକ କିର୍ତ୍ତୀରାଜ କାଟେ ଦୁର୍ଘଟଣାରେ ଛଟପଟ ହେଉଥିବା ଇଞ୍ଜିନିୟରଙ୍କୁ ଦେଖି ଅଟକି ଥିଲେ ଓ ସେ ତାଙ୍କୁ ମେଡ଼ିକାଲ ନେଇକି ଯାଇଥିଲେ । କିନ୍ତୁ ସେତେବେଳକୁ ବହୁତ ବିଳମ୍ବ ହୋଇଯାଇଥିଲା । ଡାକ୍ତର ତାଙ୍କୁ ମୃତ ଘୋଷଣା କଲେ । କିର୍ତ୍ତୀରାଜ କହିଛନ୍ତି ବୁଧବାର ଦିନ ପ୍ରାୟ ୬.୩୦ରେ ଇନ୍ଦ୍ରୟାନିନଗରରେ ପ୍ରବଳ ଭିଡ଼ ଦେଖିବା ପାଇଁ ମଳିଥିଲା । ମୁଁ ସେଠାକୁ ଯାଇ ଦେଖିଲା ବେଳକୁ ଉକ୍ତ ଇଞ୍ଜିନିୟର ଜଣକ ଦୁର୍ଘଟଣାରେ ଛଟପଟ ହେଉଛନ୍ତିି । ଆଉ ଲୋକମାନେ ତାଙ୍କର ଭିଡ଼ିଓ ତିଆରି କରୁଥିବା ସେ କହିଛନ୍ତି ।