୧୫ ବର୍ଷ ପରେ ପୁଣି ଜୁନିୟର ହକି ୱାର୍ଲଡ କପ ଜିଣିଛି ଭାରତ: ବେଲଜିଅମକୁ ୨-୧ ଗୋଲରେ ପରାସ୍ତ କରି ଟିମ୍ ଇଣ୍ଡିଆ ଚାଂପିଅନ
କନକ ବ୍ୟୁରୋ : ଭାରତୀୟ ହକି ଟିମ ୧୫ ବର୍ଷ ପରେ ପୁଣି ଜୁନିୟର ହକି ୱାର୍ଲଡ କପ ଜିଣିଛି । ଲକ୍ଷ୍ନୈାର ମେଜର ଧ୍ୟାନଚାନ୍ଦ ଷ୍ଟାଡିୟମେର ଖେଳାଯାଇଥିବା ଫାଇନାଲ ମୁକାବିଲାରେ ବେଲଜିଅମକୁ ୨-୧ ଗୋଲରେ ପରାସ୍ତ କରି ଚାଂପିଅନ ହୋଇଛି ଟିମ୍ ଇଣ୍ଡିଆ । ଭାରତ ତରଫରୁ ପ୍ରଥମ ଗୋଲ ଗୁରଜଟ ସିଂହ କରିଥିବା ବେଳେ ଦ୍ୱିତୀୟ ଗୋଲ କରିଥିଲେ ସିମରନଜିତ ସିଂହ । ପ୍ରଥମାର୍ଦ୍ଧରେ ହିଁ ଭାରତ ୨-୦ରେ ଅଗ୍ରଣୀ ରହିଥିଲା । ଏହି ବିଜୟ ସହ ଏହି ଟୁର୍ଣ୍ଣାମେଂଟରେ ଅପରାଜେୟ ରହିଲା ଭାରତୀୟ ଜୁନିଅର ହକି ଦଳ । ପୂର୍ବରୁ ୨୦୦୧ରେ ଗଗନ ଅଜିତ ସିଂଙ୍କ ନେତୃତ୍ୱରେ ପ୍ରଥମ ଥର ପାଇଁ ଜୁନିଅର ହକି ବିଶ୍ୱକପ୍ ଚମ୍ପିଅନ ହୋଇଥିଲା ଭାରତ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ନିଜ ଘରୋଇ ପଡିଆରେ ଭାରତ ପ୍ରଥମ ଥର ପାଇଁ ଜୁନିଅର ବିଶ୍ୱ କପ୍ ଜିତିବାର ରେକର୍ଡ ସୃଷ୍ଟି କରିଛି । ଏହି ବିଜୟ ପରେ ବିଭିନ୍ନ ମହଲରୁ ହକି ଦଳକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ସେପଟେ ବିଜୟୀ ଦଳର ସମସ୍ତ ଖେଳାଳିଙ୍କୁ ୩ ଲକ୍ଷ ଟଙ୍କା ଲେଖାଏଁ ପୁରସ୍କାର ଘୋଷଣା କରିଛନ୍ତି କେନ୍ଦ୍ର କ୍ରୀଡା ମନ୍ତ୍ରୀ ବିଜୟ ଗୋଏଲ । ଅନ୍ୟପଟେ ଟିମର ଓଡିଆ ଖେଳାଳିଙ୍କୁ ରାଜ୍ୟ ସରକାର ସ୍ୱତନ୍ତ୍ର ପୁରସ୍କାର ପ୍ରଦାନ କରିବେ ବୋଲି ରାଜ୍ୟ କ୍ରିଡା ମନ୍ତ୍ରୀ ସୁଦାମ ମାରାଣ୍ଡି ସୂଚନା ଦେଇଛନ୍ତି ।