ସ୍କୁଲ ଯିବେ ‘ବେବିଡଲ’ ! ପୁଣିଥରେ ପାଠ ପଢିବା ପାଇଁ ନାମ ଲେଖାଇଲେ ଅଭିନେତ୍ରୀ ସନ୍ନି ଲିଓନି

ସିନେ ଦୁନିଆରୁ କିଛି ସମୟ ବାହର କରି ବଲିଉଡର ହଟ୍ ନାୟିକା ସନ୍ନି ଲିଓନି ପୁଣି ଥରେ ପାଠ ପଢିବା ପାଇଁ ମନ ବଳାଇଛନ୍ତି । ଏଥିଯୋଗୁଁ ସନ୍ନି ଲିଓନି ଆଉଥରେ ସ୍କୁଲରେ ନାମ ଲେଖାଇଛନ୍ତି । ଏବେ ସନ୍ନି ଆମେରିକାର ଲସ ଏଞ୍ଜିଲିସରେ ଅଛନ୍ତି, ଯେଉଠି ସେ ସ୍କ୍ରିପ୍ଟ ଲେଖା ଓ ଏଡିିଟିଙ୍ଗରେ ନାମ ଲେଖାଇଥିଲେ ।

ସନ୍ନି ଲିଓନି ବଲିଉଡରେ ଶେଷଥର ପାଇଁ ଶାହାରୁଖ ଖାନଙ୍କ ସିନେମା ‘ରଇସ’ରେ ‘ଲୈଲା ମେଁ ଲୈଲା’ ଆଇଟମ ନମ୍ବରରେ ନଜର ଆସିଥିଲେ । ସୂତ୍ର ଅନୁସାରେ ସନ୍ନି ଏବେ ସିନେମାରେ ପ୍ରତିଟି ଛୋଟ ଛୋଟ ଜିନିଷକୁ ଭଲରେ ଜାଣିବା ପାଇଁ ପଢିବା ପାଇଁ ଚାହୁଁଛନ୍ତି । ଏହାସହ ସେ ନିଜର ନୁଆ ପାଠ୍ୟକ୍ରମକୁ ନେଇ ଖୁବ ଉତ୍ସାହିତ ଅଛନ୍ତି ବୋଲି ପ୍ରକାଶ କରିଛନ୍ତି । ବହୁତ ଯଲଦି ସେ ସିନେମା ବିଷୟରେ ବହୁତ କିଛି ଶିଖି ଫେରିବେ ବୋଲି ସୂଚନା ମିଳିଛି ।