ପଶୁଙ୍କ ହର୍ବାଲ ଚିକିତ୍ସା ପାଇଁ ଓଡ଼ିଆ ଡାକ୍ତର ବଲରାମ ସାହୁଙ୍କ ‘ପାଠେ ପାଠଶାଳା’ ! କମ ଖର୍ଚ୍ଚରେ ହୋଇପାରିବ ପଶୁଧନଙ୍କ ଚିକିତ୍ସା
ପ୍ରତି ବର୍ଷ ଏପ୍ରିଲ ମାସର ଶେଷ ଶନିବାରକୁ ବିଶ୍ୱ ଚିକିତ୍ସା ଦିବସ ରୂପେ ପାଳନ କରାଯାଏ । ବିଗତ ୯ ବର୍ଷ ଧରି ଲକ୍ଷ୍ନୌରେ ପଶୁପଳାନକମାନେ ଏଲୋପାଥିକ ନୁହେଁ ବରଂ ହର୍ବାଲ ଉପାୟରେ ପଶୁଙ୍କର ଚିକିତ୍ସା କରାଉଛନ୍ତି । ଆଉ ଏପରି ସମ୍ଭବ ହୋଇ ଡାକ୍ତର ବଳରାମ ସାହୁଙ୍କ ପାଇଁ । ଡଃ ବଲରାମ ସାହୁ ଲକ୍ଷ ଲକ୍ଷ ପଶୁପାଳକଙ୍କୁ ଆଂଟି ବାୟୋଟିକ ମେଡ଼ସିନ ପରିବର୍ତ୍ତେ ହର୍ବାଲ ଚିକିତ୍ସା କରାଇବା ପାଇଁ ସଚେତନ କରୁଛନ୍ତି । ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ ଡକ୍ଟର ବଲରାମ ସାହୁ ଏସବୁ ଆରମ୍ଭ କରିଥିଲେ ଓଡ଼ିଶାରୁ । ଓଡ଼ିଆ ଡାକ୍ତର ବଲରାମ ସାହୁ ଲୋକଙ୍କୁ ସଚେତନ କରିବା ପାଇଁ ୨୦୦୯ରେ ଆରମ୍ଭ କରିଥିଲେ ପାଠେ ପାଠଶାଳା । ଡ଼ଃ ବଲରାମ କହନ୍ତି, ଯେଉଁ ଅଂଚଳରେ ବୈଜ୍ଞାନିକମାନେ ପହଞ୍ଚି ପାରିନ୍ତି ନାହିଁ ବା ଯେଉଁଠି ପଶୁଙ୍କ ପାଇଁ ଉତ୍ତମ ଚିକିତ୍ସା ବ୍ୟବସ୍ଥା ନାହିଁ, ସେଠାରେ ସେ କାମ କରନ୍ତି । ପ୍ରତିଦିନ କୌଣସି ନା କୌଣସି ଗାଁକୁ ଯାଇ ସେଠାରେ ଥିବା ପଶୁପଳାକଙ୍କୁ ସାକ୍ଷାତ କରନ୍ତି । ଏବଂ ସେମାନଙ୍କୁ ହର୍ବାଲ ଔଷଧ ବ୍ୟବହାର କରିବା ପାଇଁ ସଚେତନ କରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ବ୍ୟତୀତ ଯେଉଁ ଅଂଚଳରେ ପାଠେ ପାଠଶାଳା ପହଞ୍ଚି ପାରୁ ନାହିଁଁ ସେ ଅଂଚଳ ପାଇଁ ଡ଼ଃ ଟେଲିବେଟ୍ କାର୍ଯ୍ୟକ୍ରମ ମଧ୍ୟ ଆରମ୍ଭ କରିଛନ୍ତି । ଏହି କାର୍ଯ୍ୟକ୍ରମ ଜରିଆରେ ପ୍ରତିଦିନ ସକାଳେ ୭ ଟାରୁ ଆରମ୍ଭ କରି ୯ ଟା ପର୍ଯ୍ୟନ୍ତ ଗ୍ରାମୀଣ ଅଂଚଳର ଲୋକମାନଙ୍କୁ ଫୋନରେ ଏନେଇ ଉପଦେଶ ଦିଅନ୍ତି । ଡ଼ଃ ବଲରାମ ସାହୁଙ୍କ ଅନୁସାରେ ଅନେକ ରୋଗ ପାଇଁ ଲୋକମାନେ ପଶଙ୍କୁ ଆଂଟିବାୟୋଟିକ ଦିଅନ୍ତି । ଯାହା ପଶୁମାନଙ୍କ ଶରୀର ପାଇଁ ଉପକାରୀ ନୁହେଁ । କେବଳ ଯେ ପଶୁମାଙ୍କ ପାଇଁ ତା’ନୁହେଁ ମଣିଷଙ୍କ ଉପରେ ମଧ୍ୟ ଖରାପ ପ୍ରଭାବ ପଡ଼େ । ସେ କହନ୍ତି, ଗ୍ରାମୀଣ ଅଂଚଳରେ ଏପରି ଅନେକ ଗଛଲତା ଅଛି, ଯାହାର ବ୍ୟବହାର ରକି ଅଳ୍ପ ଖର୍ଚ୍ଚରେ ପଶୁମାନଙ୍କୁ ଭଲ ଚିକିତ୍ସା ଦିଆଯାଇପାରିବ । ଭୁବନେଶ୍ୱରରେ ଡ଼ଃ ବଲରାମ ସାହୁ ଏବେ ପର୍ଯ୍ୟନ୍ତ ୩ ଲକ୍ଷ ପଶୁପାଳକଙ୍କ ସହ ଜଡ଼ିତ ଅଛନ୍ତି ।
ସୂଚନାଯୋଗ୍ୟ ଗତକାଲି ରାଜ୍ୟ ସରକାରଙ୍କ ମତ୍ସ୍ୟ ଓ ପ୍ରାଣୀ ସଂପଦ ବିକାଶ ବିଭାଗ ପକ୍ଷରୁ ବିଶ୍ୱ ପ୍ରାଣୀ ଚିକିତ୍ସା ଦିବସ ପାଳିତ ହୋଇଛି। ଏହି ଅବସରରେ ଜୟଦେବ ଭବନରେ ଆୟୋଜିତ ଏକ କର୍ମଶାଳାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍ଘାଟନ କରିଥିଲେ । ଜୀବିକା, ଖାଦ୍ୟ ନିରାପତ୍ତା ଓ ଖାଦ୍ୟ ସୁରକ୍ଷାର ଉନ୍ନତିରେ ପ୍ରାଣୀ ସଂପଦର ଭୂମିକା ଶୀର୍ଷକ ଏହି କର୍ମଶାଳାକୁ ଉଦ୍ଘାଟନ କରିବା ସହ ରାଜ୍ୟ ଖାଉଟିମାନଙ୍କ ପାଇଁ ଓମ୍ଫେଡ଼୍ ଆରମ୍ଭ କରିଥିବା ଭିଟାମିନ୍ ‘ଏ’ ଓ ‘ଡି’ ଯୁକ୍ତ ଉନ୍ନତମାନର ଦୁଗ୍ଧ ଉତ୍ପାଦନକୁ ମୁଖ୍ୟମନ୍ତ୍ରୀ ଶୁଭାରମ୍ଭ କରିଥିଲେ ।