କନକ ବ୍ୟୁରୋ : ଗାଁ ମଠ ପରିସରରେ କଂଗାରୁ କୋର୍ଟ । ମାତ୍ର କିଛି ଶହ ଟଙ୍କାଚୋରି ଅଭିଯୋଗରେ ୨ ଜଣ ଯୁବକଙ୍କୁ ହାତଗୋଡ ବାନ୍ଧି ନିସ୍ତୁକ ମାଡ ମରାଯାଇଥିବାର ଅଭିଯୋଗ ହୋଇଛି । ତେବେ କଥା ଏତିକିରେ ସରିନଥିଲା । ନିର୍ଯାତନାର ସବୁ ସୀମା ଟପିଯାଇ ଏମାନଙ୍କୁ ବିଦ୍ୟୁତ ସକ୍ ଦିଆଯାଇଥିବା ଅଭିଯୋଗ ହୋଇଛି । ବ୍ରହ୍ମପୁରର ଆର୍ଯ୍ୟପଲି ଥାନାଠାରୁ ମାତ୍ର ୫୦ ମିଟର ଦୂରରେ ଏଭଳି ଥାର୍ଡ ଡିଗ୍ରୀ ଚାଲିଥିବାବେଳେ ପୋଲିସ ପାଖରେ କିଛି ଖବର ନଥିଲା ।

Advertisment

ତେବେ ପୋଲିସ ବିଶ୍ୱସ୍ତ ସୁତ୍ରରୁ ଖବର ପାଇ ପୋଲିସ ତତ୍ପରତା ଦେଖାଇ ନିର୍ଯାତନାରେ ଆହତ ହୋଇଥିବା ଯୁବକଙ୍କୁ ଉଦ୍ଧାର କରି ମେଡିକାଲରେ ଭର୍ତି କରିଥିଲା । ଏହି ଘଟଣାରେ ପୋଲିସ ୪ ଜଣଙ୍କ ନାମରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଅଭିଯୋଗ ମୁତାବକ ଏହି ଅଂଚଳର ଏ ନାରାୟଣ ଓ ଚିନା ଉଭୟ ମିଶି ୯ ତାରିଖ ଦିନ ଆର କାଳିଆଙ୍କ ଘରୁ କିଛି ଟଙ୍କା ଚୋରିି କରିଥିଲେ । ଯାହାଫଳରେ କାଳିଆ, ମଠ ମହନ୍ତ ଓ ତାଙ୍କର କିଛି ସହଯୋଗୀ ମିଶି ଏହି ଯୁବକଙ୍କୁ ନିର୍ଯାତନା ଦେଇଥିଲେ । ଏପରିକି କାହାରିକୁ କହିଲେ ଜୀବନରେ ମାରିଦେବାକୁ ମଧ୍ୟ ଧମକ ଦେଇଥିଲେ ।