ଝାଡଖଣ୍ଡରେ ବହୁମତ ପାଖାପାଖି ଜେଏମଏମ ମେଣ୍ଟ : ବାଣ ଫୁଟାଇ , ମିଠା ବାଣ୍ଟି ଉତ୍ସବ ମନାଉଛନ୍ତି ହେମନ୍ତ ସୋରେନଙ୍କ ସମର୍ଥକ
କନକ ବ୍ୟୁରୋ : ଝାଡ଼ଖଣ୍ଡରେ ବିଧାନସଭା ନିର୍ବାଚନରେ ପରାଜୟ ଆଡକୁ ମୁହାଁଉଛି ବିଜେପି । ସଂଖ୍ୟା ଗଣିତରେ ବହୁମତ ଆଡକୁ ଅଗ୍ରସର ହେଉଛି ଝାଡଖଣ୍ଡ ମୁକ୍ତିମୋର୍ଚ୍ଚା ଏବଂ ତାର ସହ ଯୋଗୀ ମେଣ୍ଟ ଦଳ । ୮୧ ଆସନ ବିଶିଷ୍ଟ ଝାଡଖଣ୍ଡ ବିଧାନସଭାରେ ସରକରା ଗଢିବା ପାଇଁ ଆବଶ୍ୟକ ସଂଖ୍ୟା ରହିଛି ୪୧ । ଭୋଟ୍ ଗଣତିରେ ଜେଏମଏମ୍ ମହାମେଂଟକୁ ୪୧ ଆସନ ମିଳିବା ଏକ ପ୍ରକାର ସମ୍ଭାବନା ଦେଖାଦେଇଛି । କଂଗ୍ରେସ-ଜେଏମଏମ ଓ ଆରଜେଡି ମେଂଟ ୪୧ ଆସନରେ ଆଗୁଆ ରହିଛନ୍ତି । ସେପଟେ ବିଜେପି ୨୮ ଅସନରେ ଆଗୁଆ ରହିଛି ।
Kanak News is now on WhatsApp
Join and get latest news updates delivered to you via WhatsApp
ମହାମେଂଟକୁ ବହୁମତ ପାଖାପାଖି ରହିଥିବାରୁ ଜେଏମଏମ ମେଂଟ ସରକାର ଗଢିବା ଆଶା ଏକ ପ୍ରକାର ଚୂଡାନ୍ତ ବୋଲି କୁହାଯାଉଛି । ଯଦି ଏପରି ହୁଏ ତେବେ ହେମନ୍ତ ସୋରେନ ମୁଖ୍ୟମନ୍ତ୍ରୀ ହେବା ସମ୍ଭାବନା ଅଧିକ ରହିଛି । ବିଜେପି ନିର୍ବାଚନରେ ଏକାକୀ ଓହ୍ଲାଇଥିବା ବେଳେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ଓ ରାଷ୍ଟ୍ରୀୟ ଜନତା ଦ ସହ ହାତ ମିଳାଇଥିଲା କଂଗ୍ରେସ । ୨୪ ଟି ଜିଲ୍ଲା ମୁଖ୍ୟ କାର୍ଯ୍ୟାଳୟରେ ୮୧ ବିଧାନସଭା ଆସନ ପାଇଁ ଗଣତି ଚାଲିଛି । ଜେଏମଏମ ମେଂଟ ବହୁମତ ପାଖାପାଖି ଥିବା ବେଳେ ଖୁସିର ମାହୋଲ ଦେଖାଦେଇଛି । ବାଣ ଫୁଟାଇ , ମିଠା ବାଂଟି କର୍ମୀ ଉତ୍ସବ ମନାଉଛନ୍ତି ।
ଝାଡଖଣ୍ଡ ଭୋଟ ଗଣତି ସମୟ ଆଗେଇବା ସହ ଜେଏମଏମ ମେଂଟ ସରକାର ଗଢିବା ନେଇ ସମ୍ଭାବନା ଦେଖାଦେଇଛି । ଏହାରି ମଧ୍ୟରେ ବିଜେପି ମଧ୍ୟ ସରକାର ଗଢିବା ନେଇ ଆଶା ହରାଇନଥିବା ପ୍ରତିକ୍ରିୟା ରଖିଛନ୍ତି ମୁଖ୍ୟମନ୍ତ୍ରୀ ରଘୁବର ଦାସ ।