ପ୍ରସବ ପରେ ହେବନି ପ୍ରସୂତିଙ୍କ ମୃତ୍ୟୁ : ବାହାରିଲା ନୂତନ ଔଷଧ
ସରକାର ଆନୁଷ୍ଠାନିକ ପ୍ରସବକୁ ପ୍ରାଥମିକତା ଦେବା ପାଇଁ ଯୋଜନା ପରେ ଯୋଜନା କରୁଛନ୍ତି । କିନ୍ତୁ ମାତୃ ମୃତ୍ୟୁହାର କମିବାର ନାଁ ନେଉନାହିଁ । କିନ୍ତୁ ପ୍ରସବ ପୂର୍ବ ଓ ପ୍ରସବୋତ୍ତର ସ୍ୱାସ୍ଥ୍ୟରକ୍ଷା ଦିଗରେ ସଠିକ ମାର୍ଗଦର୍ଶନ ଅଭାବରୁ ରାଜ୍ୟରେ ମାତୃମୃତ୍ୟୁହାରକୁ ରୋକି ହେଉନାହିଁ । ତେବେ ଆଗକୁ ଏପରି ଅସୁବିଧା ହେବ ନାହିଁ । ଆଉ ମୃତ୍ୟୁମୁଖରେ ପଡ଼ିବେନି ପ୍ରସୂତି । ଧୀରେ ଧୀରେ କମିବ ମାତୃ ମୃତ୍ୟୁ ହାର । ପ୍ରସବ ପରେ ଅଧିକ ରକ୍ତସ୍ରାବ ରୋକିବା ପାଇଁ ପ୍ରଭାବୀ ହେବ ନୂଆ ଔଷଧ । ଆସିଯାଇଛି ଏପରି ଔଷଧ । ଯଦ୍ୱାରା ଅନେକ ମା’ଙ୍କର ଜୀବନ ବଂଚିଯିବ । ବିଶ୍ୱ ସ୍ୱାସ୍ଥ୍ୟ ସଂଗଠନ ୧୦ଟି ଦେଶରେ ପରୀକ୍ଷଣ କରି ଏପରି ତଥ୍ୟ ସାମ୍ନାକୁ ଆସିଛି । ଆଉ ଏହି ଦେଶ ଗୁଡ଼ିକରେ ଭାରତ ମଧ୍ୟ ସାମିଲ ରହିଛି ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଡବ୍ଲୁଏଚଓ ପିଲା ଜନ୍ମ ପରେ ଅତ୍ୟଧିକ ରକ୍ତସ୍ରାବ ରୋକିବା ପାଇଁ ସାଧାରଣତଃ ଅକ୍ସିଟୋସିନ ପାଇଁ ପରାମର୍ଶ ଦେଉଛନ୍ତି । ତେବେ ଅକ୍ସିଟୋସିନକୁ ୨ରୁ ୮ ଡିଗ୍ରି ସେଲସିୟସରେ ଷ୍ଟୋର କରାଯିବା ସହ ନେବା ଆଣିବା କରିବା ଦରକାର । ଏପରି କରିବା ବହୁତ ଦେଶ ପାଇଁ ମୁସ୍କିଲ ଅଟେ । ଏପରି କରିବା ଦ୍ୱାରା ଅନେକ ମହିଳାଙ୍କ ପାଖକୁ ଏହି ଜୀବନରକ୍ଷକ ପହଞ୍ଚିପାରେ ନାହିଁ । ଏହି ଔଷଧ ଗରମ ଜଳାବାୟୁ ସଂଷ୍ପର୍ଶରେ ଆସିଲେ ଏହାର ପ୍ରଭାବ କମ ହୋଇଯାଏ । ଯଦ୍ୱାରା ପ୍ରସୂତି ମୃତ୍ୟୁମୁଖରେ ପଡ଼ନ୍ତି ।
ନ୍ୟୁ ଇଂଲଣ୍ଡ ଜର୍ଣ୍ଣଲ ଅଫ ମେଡ଼ିସିନରେ ଏହି ଔଷଧ ବିଷୟରେ ଗବେଷଣା ହୋଇଥିଲା । ଏଥିରୁ ଜଣାପଡ଼ୁଛି କାର୍ବେଟୋସିନର ଗରମ ପ୍ରିତିରୋଧକ ଫର୍ମୁଲା ଅକ୍ସିଟୋସିନ ପରି ପ୍ରସବ ପରେ ରକ୍ତସ୍ରାବ ରୋକିବାରେ ସଫଳ ହୋଇଥାଏ । କାର୍ବେଟୋସିର ନୂଆ ସୂତ୍ରକୁ ଥଣ୍ଡା ରଖିବା ଦରକାର ନାହିଁ । ଏହାର ପ୍ରଭାବ ପ୍ରାୟ ୩ ୧ବର୍ଷ ପର୍ଯ୍ୟନ୍ତ ୩୦ ଡିଗ୍ରୀ ସେଲସିୟସ ଏବଂ ୭୫ ପ୍ରତିଶତ ସାପେକ୍ଷ ଆର୍ଦ୍ରତାରେ ମଧ୍ୟ ପ୍ରଭାବୀ ରହିବ ।