ବିବାଦୀୟ ବାବାଙ୍କ ସମସ୍ତ ଗୁମର ଖୋଲିବ ହାର୍ଡଡିସ୍କ ! ୫୦୦୦ ସିସିଟଭି କ୍ୟାମେରାର ସମସ୍ତ ରେକଡିଂ ମହଜୁଦ୍
କନକ ବ୍ୟୁରୋ : ଦୁଷ୍କର୍ମ ମାମଲାରେ ବାବା ରାମ ରହିମ ଦୋଷୀ ସାବ୍ୟସ୍ତ ହୋଇ ୨୦ ବର୍ଷ କାଳ ଜେଲ ଦଣ୍ଡ ଭୋଗୁଛନ୍ତି । ବିବାଦୀୟ ବାବା ଗୁରମିତ ରାମ ରହିମଙ୍କୁ ଦଣ୍ଡାଦେଶ ହେବା ପରେ ଡେରା ସଚ୍ଚା ସୌଦାରେ ପ୍ରତିଦିନ ନୂଆ ନୂଆ ଖୁୁଲାସା ହେଉଛି । ଡେରା ସଚ୍ଚା ସୋ÷ଦାର ମୁଖ୍ୟ ଆଶ୍ରମର ସର୍ଚ୍ଚ ଅପରେସନ ପରେ କମ୍ପୁଟରର ଡାଟାକୁ ଟ୍ୟାମ୍ପରିଙ୍ଗ କରିବା ଓ ହାର୍ଡ ଡିସ୍କକୁ ବଦଳାଇବା ଅଭିଯୋଗରେ ଆଇଟି ହେଡଙ୍କୁ ଗିରଫ କରାଯାଇଛି । ଡେରାର ଆଇଟି ବିଭାଗର ମୁଖ୍ୟଙ୍କ ପ୍ରକୃତ ଘର ଫରୀଦାବାଦରେ ।
Kanak News is now on WhatsApp
Join and get latest news updates delivered to you via WhatsApp
ସେ ଡେରାରେ ରହି ବାବାଙ୍କ ଆଟି ବିଭାଗର ମୁଖ୍ୟ ହୋଇ ଦାୟିତ୍ୱ ସମ୍ଭାଳିବା ସହ ବାବାଙ୍କୁ ଅନେକ କୁକାର୍ଯ୍ୟରେ ମଧ୍ୟ ସାହାଯ୍ୟ କରିଥିବା ସୂଚନା । ସେହିଭଳି ରାମରହିମଙ୍କ ଏସୟୁଭି ଗାଡିର ଡ୍ରାଇଭରଙ୍କୁ ଗିରଫ କରିଛି ତଦନ୍ତକାରୀ ଦଳ । ଆଶ୍ରମରେ ସର୍ଚ୍ଚ ଅପରେସନ ଚଳାଇଥିବା ତଦନ୍ତକାରୀ ଦଳ ହାତରେ ଲାଗିଛି ବଡ ଧରଣର ପ୍ରମାଣ । ତେବେ ଗିରଫ ହୋଇଥିବା ଆଇଟି ମୁଖ୍ୟ ମିଲ୍କ ପ୍ଲାଂଟ ଓ ଶାହପୁର ବିଜୁଳୀ ଘରେ ନିଅାଁ ଲଗାଇବାରେ ସାମିଲ ଥିଲା ।
ଆଶ୍ରମ ପରିସରରେ ଲାଗିଥିବା ୫ ହଜାର ସିସିଟିଭି ଦୃଶ୍ୟ ରେକର୍ଡ ହୋଇଥିବା ହାର୍ଡଡିସ୍କକୁ ଜବତ କରିଛି ପୁଲିସ । ଆଶ୍ରମରେ ଥିବା ଏକ ପରିତ୍ୟକ୍ତ ଟଏଲେଟରୁ ମିଳିଛି ଏହି ହାର୍ଡଡିସ୍କ । ଏହି ହାର୍ଡଡିସ୍କରେ ପାଖାପାଖି ୭୦୦ ଏକର ବିଶିଷ୍ଟ ଡେରା ଓ ୯୧ ଏକରରେ ତିଆରି ହୋଇଥିବା ଡେରା ମୁଖ୍ୟ ଗୁରମିତ ରାମ ରହିଙ୍କ ମହଲର ସିସିଟିଭି ରେକର୍ଡ଼ିଙ୍ଗ ରହିଛି । ଯେଉଁଥିରେ ବାବାଙ୍କ ଅନେକ କଳା କାରନାମା କଏଦ୍ ହୋଇଥିବା ପୁଲିସ ଅନୁମାନ କରୁଛି । ପୂର୍ବରୁ ଆଶ୍ରମରୁ ଏକେ ୪୭ ରାଇଫଲ, ବିସ୍ଫୋରକ ସାମଗ୍ରୀ, ବିଭିନ୍ନ ପ୍ରକାର ଔଷଧ, କମ୍ପ୍ୟୁଟର, ଲାପଟପ ଓ ନମ୍ବର ବିହୀନ ଦାମି ଗାଡି ଜବତ କରିଥିଲା ପୁଲିସ ।
ଏହା ବ୍ୟତୀତ ବାବାଙ୍କ ବେଆଇନ୍ ବାଣ କାରଖାନା ଓ ଗର୍ଭପାତ କ୍ଲିନିକର ମଧ୍ୟ ପର୍ଦ୍ଦାଫାଶ କରିଥିଲା ପୁଲିସ । ପୁଲିସର ଖାନତଲାସି ଏବେ ମଧ୍ୟ ଜାରି ରହିଥିବା ବେଳେ ଆଗକୁ ରାମରହିମଙ୍କ ମୁଖା ଖୋଲିବା ସ୍ପଷ୍ଟ ହୋଇ ଯାଇଛି । କିଛି ଦିନ ପୂର୍ବରୁ ଡେରା ମୁଖ୍ୟାଳୟରେ ସର୍ଚ୍ଚ ଅପରେସନ ଚାଲିଥିଲା । ଏହାପରେ ବିଭିନ୍ନ ଖୁଲାସା ହୋଇଥିଲା । ତେବେ ବିଭିନ୍ନ ଖୁଲାସା ଭିତରେ ଗୋଟିଏ ପଟେ ସନ୍ଦେହ ହେଉଛି ଡ଼େରାରେ ମନୁଷ୍ୟଙ୍କ ଅଙ୍ଗ ପ୍ରତ୍ୟେଙ୍ଗର ତସ୍କରୀ ହେଉଥିଲା କି ? ଏହାସହ ଜଣାପଡ଼ିଥିଲା ଗୁରମିତଙ୍କ ଗୁମ୍ପାରୁ ସାଧ୍ୱୀଙ୍କ କକ୍ଷକୁ ଯିବା ପାଇଁ ଏକ ସୁରଙ୍ଗ ଯାଉଥିଲା ।
ମିଡ଼ିଆ ରିପୋର୍ଟ ଅନୁସାରେ ପ୍ରତିବର୍ଷ ଡେରା ମୁଖ୍ୟାଳୟକୁ ୧୦୦୦ କୋଟି ଟଙ୍କା ଆସୁଥିଲା । ଭକ୍ତଙ୍କ ଟଙ୍କାରେ ରାମ ରହିମ ଅୟସ ଆରାମ କରୁଥିଲେ । ତେବେ ଡେରାରେ ରହୁଥିବ ସାଧ୍ୱୀଙ୍କୁ ନେଇ ଏବେ ଚାଞ୍ଚଲକର ଖୁଲାସା ହୋଇଛି । ତେବେ ବହୁତ ଅଳ୍ପ ଲୋକ ଜାଣନ୍ତି ଏମାନଙ୍କ ମଧ୍ୟରେ ଥାଆନ୍ତି କିଛି ବିଷକନ୍ୟା । ସେମାନେ ବାବା ରାମ ରହିଙ୍କ ପାଇଁ ଅଣାଯାଉଥିବା ଝିଅଙ୍କୁ ପ୍ରସ୍ତୁତ କରିବାର କାମ କରନ୍ତି । ପ୍ରକୃତକଥା ହେଲା ଏହି ମହିଳାମାନେ ନିଜେ ଅଳ୍ପ ବୟସରୁ ବାବାଙ୍କ କାମନାର ଶିକାର ହୋଇସାରିଥାଆନ୍ତି । ତେବେ ବିଷକନ୍ୟାମାନେ ହିଁ ବାବାଙ୍କୁ ସୁନ୍ଦର ଝିଅ ଯୋଗାଇବା ଓ ଗୁୁମ୍ଫା ପର୍ଯ୍ୟନ୍ତ ପଠାଇବାର କାମ କରନ୍ତି ।
ସୂଚନା ଅନୁସାରେ ଡେରାକୁ ଆସୁଥିବା ସମସ୍ତ ଝିଅଙ୍କ ଉପରେ ବିଷକନ୍ୟାମାନେ କଡ଼ା ନଜର ରଖନ୍ତି । ଗୋଟିଏ ପଟେ ପାଠପଢ଼ି ନଥିବା ଝିଅଙ୍କୁ ବିଷକନ୍ୟାମାନେ ଖାଦ୍ୟ ପ୍ରସ୍ତୁତ କରିବାରେ ଲଗାଇ ଦିଅନ୍ତି । ଅନ୍ୟପଟେ ସୁନ୍ଦର ଦେଖା ଯାଉଥିବା ଝିଅଙ୍କୁ ଡେରାରେ ଥିବା ସ୍କୁଲରେ ପାଠ ପମାଇବା ଓ ଅନ୍ୟ ଭଲ କାମରେ ଲଗାଇ ଦେଉଥିଲେ । ସୁନ୍ଦର ଝିଅଙ୍କୁ ମନରେ ପରିବର୍ତ୍ତନ ଆଣିବା ପାଇଁ ବାରମ୍ବାର ପ୍ରୟାସ କରନ୍ତି ବିଷକନ୍ୟାମାନେ । ବାବାଙ୍କ ସହ ରାତି କଟାଇବା ପାଇଁ ବିଷକନ୍ୟାମାନେ ସୁନ୍ଦରୀ ଝିଅଙ୍କୁ ଉସକାଉଥିଲେ । ବିଷକନ୍ୟାମାନେ ସୁନ୍ଦର ଝିଅଙ୍କ ଏପରି ହୋଷ୍ଟେଲରେ ରଖୁଥିଲେ, ଯେଉଁଠାକୁ ବାବାଙ୍କ ଗୁମ୍ଫାରେ ସୁନଙ୍ଗ ରାସ୍ତା ଯୋଡ଼ି ହେଉଥିଲା । ରାତି ସମୟରେ ଉକ୍ତ ଗୁପ୍ତ ସୁନଙ୍ଗ ଜରିଆରେ ବାବାଙ୍କ ଗୁମ୍ଫା ପର୍ଯ୍ୟନ୍ତ ପହଞ୍ଚାଉଥିଲେ ବିଷକନ୍ୟା ।