ସାମରିକ ଘାଟି ନିର୍ମାଣ ଘଟଣା ସମ୍ପୂର୍ଣ୍ଣ ମିଛ : କହିଲା ଚୀନ୍
କନକ ବ୍ୟୁରୋ : ପାକିସ୍ତାନର ବେଲୁଚିସ୍ତାନ ପ୍ରଦେଶର ଜିଓ୍ଵାନିରେ ଚୀନ୍ ଏହାର ସାମରିକ ଘାଟି ନିର୍ମାଣ କରିବାର ଯୋଜନା ପ୍ରସ୍ତୁତ କରୁଛି ବୋଲି ଯେଉଁ ରିପୋର୍ଟ ପ୍ରକାଶ ପାଇଥିଲା ତାହାକୁ ଚୀନ୍ ଖଣ୍ଡନ କରିଛି । ଗ୍ଵାଦର ବନ୍ଦର ନିକଟରେ ପାକିସ୍ତାନର ଜିଓ୍ଵାନିରେ ଚୀନ୍ ସାମରିକ ଘାଟି ନିର୍ମାଣ କରିବା ଯୋଜନା କରୁଥିବା ଏବଂ ପାକିସ୍ତାନ ମଧ୍ୟ ଚୀନକୁ ଏହି ନିର୍ମାଣ ପାଇଁ ଅନୁମତି ପ୍ରଦାନ କରିଛି ବୋଲି ଓ୍ଵାସିଂଟନ୍ ଟାଇମ୍ସରେ ଏକ ରିପୋର୍ଟ ପ୍ରକାଶ ପାଇଥିଲ।
Kanak News is now on WhatsApp
Join and get latest news updates delivered to you via WhatsApp
ଆଜି ଚୀନ୍ ବିଦେଶ ମନ୍ତ୍ରାଳୟ ମୁଖପାତ୍ର ଲୁ କାଙ୍ଗ୍ ଏହାକୁ ଖଣ୍ଡନ କରି କହିଛନ୍ତି ଯେ ପାକିସ୍ତାନରେ କେବଳ ସିପିଇସି ସଂପର୍କିତ ନିର୍ମାଣ ଚାଲିଛି ଏବଂ ସାମରିକ ଘାଟି ସ୍ଥାପନ ନେଇ କୌଣସି ଯୋଜନା ନାହିଁ । ଆତଙ୍କବାଦ ପ୍ରସଙ୍ଗରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ପାକିସ୍ତାନ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିବା ପରେ ପାକିସ୍ତାନ-ଚୀନ୍ ସମ୍ପର୍କ ଅଧିକ ନିବିଡ଼ ହେବାରେ ଲାଗିଛି । ପାକିସ୍ତାନ ଚୀନକୁ ସାମରିକ ଘାଟି ନିର୍ମାଣ ପାଇଁ ସବୁ ସହାୟତା ଦେବାକୁ ପ୍ରସ୍ତୁତ ରହିଥିବା ନେଇ କୂଟନୈତିକ ମହଲରେ ମଧ୍ୟ ଚର୍ଚ୍ଚା ଜୋର୍ ଧରିଛି ।