ଫେସବୁକରେ ପୋଷ୍ଟ କଲେ ‘ଅନ ଦ ୱେ ଟୁ ଉଜ୍ଜେନ୍’ ! ଫେରିଲା ବେଳକୁ ଘରେ ବୁଲି ସାରିଥିଲା କଳାକନା
ଆଜିକାଲି ଲୋକମାନେ ସୋସିଆଲ ମିଡ଼ିଆ ପ୍ରତି ଏତେ ଆସକ୍ତ ଯେ, ଦିନଚର୍ଯ୍ୟା ଠାରୁ ଆରମ୍ଭ କରି ନିଜ ସମସ୍ତ ବ୍ୟକ୍ତିଗତ ତଥ୍ୟ ହ୍ୱାଟସଆପ, ଟ୍ୱିଟର, ଫେସବୁକ, ଇନଷ୍ଟା ଆଦିରେ ପୋଷ୍ଟ କରିଦେଉଛନ୍ତି । କେଉଁଠିକୁ ଯାଉଛନ୍ତି ଆଉ କେବେ ଫେରିବେ ଆଦି ସସମସ୍ତ ତଥ୍ୟ ସୋସିଆଲ ମିଡ଼ିଆରେ ପୋଷ୍ଟ ହେଉଛି । କିଏ ଖୁସି ଅଛି ଆଉ ଦୁଃଖୀ କିମ୍ବା କିଏ କିପରି ଅନୁଭବ କରୁଛି ଏବେ ଆଉ କାହାକୁ ପଚାରିବା ପାଇଁ ପଡ଼ୁନି । ସବୁ କଥା ହ୍ୱାଟସଆପ ଓ ଫେସବୁକ ଷ୍ଟାଟସ୍ ଦେଖି ଆପଣ ଜାଣିଯିବେ । ବନ୍ଧୁ ଠାରୁ ଅତି ଘନିଷ୍ଠ ଓ ପରିବାର ଠାରୁ ମଧ୍ୟ ଅତି ନିଜର ହୋଇଯାଇଛି ସୋସିଆଲ ମିଡ଼ିଆ । ତେବେ ଏପରି କରିବା ଦ୍ୱାରା କ’ଣ ପରିସ୍ଥିିତି ସୃଷ୍ଟି ହୋଇପାରେ ସେନେଇ ସମସ୍ତେ ଅଜ୍ଞ ଥାଆନ୍ତି । ଆଉ ଏଥିପାଇଁ ଅନେକ ଲୋକ କ୍ଷତିରେ ମଧ୍ୟ ପଡ଼ୁଥିବାର ଅନେକ ନଜିର ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡ଼ିଆରେ ପୋଷ୍ଟ କରିଥିବା ଏକ ଷ୍ଟାଟସ୍ କିପରି ଭୟଙ୍କର ସାବ୍ୟସ୍ତ ହୋଇପାରେ ତାହା ନିକଟରେ ଦେଖିବା ପାଇଁ ମିଳିଛି । ଘଟଣା ବିଷୟରେ ଜାଣିଲେ ସୋସିଆଲ ମିଡ଼ିଆରେ ଅଭ୍ୟସ୍ତ ଥିବା ବ୍ୟକ୍ତି କିଛି ପୋଷ୍ଟ କରିବା ପୂର୍ବରୁ ନିଶ୍ଚୟ ଦୁଇ ଥର ଚିନ୍ତା କରିବେ । ଘଟଣାଟି ଛତିଶଗଡ଼ ସହରର କବର୍ଥା ଜିଲ୍ଲାର । ଏହି ଜିଲ୍ଲାର ଏକ ଖାଲି ଘରୁ ଦୁର୍ବୃତ୍ତ ୧୧.୬୦ ଲକ୍ଷ ଟଙ୍କାର କ୍ୟାସ୍ ସମେତ ସୁନାରୂପାର ଗହଣା ନେଇ ଫେରାର୍ ହୋଇଯାଇଛନ୍ତି । ମଙ୍ଗଳବାର ଦିନ ଘରକୁ ଫେରିବା ପରେ ଚୋରି ହୋଇଥିବା କଥା ଜଣାପଡ଼ିଥିଲା । ଏନେଇ ପରିବାର ଲୋକ ଥାନାରେ ଅଭିଯୋଗ ମଧ୍ୟ କରିଛନ୍ତି । ପୋଲିସ ଏବେ ଚୋରି ନେଇ ଛାନଭିନ୍ ଜାରି ରଖିଛି । ତେବେ ସୂଚନା ଅନୁସାରେ ପୀଡ଼ିତ ପରିବାର ଜଣେ ସଦସ୍ୟ ଫେସବୁକରେ ଷ୍ଟାଟସ ପୋଷ୍ଟ କରିଥିଲେ ‘ଅନ ଦ ୱେ ଟୁ ଉଜ୍ଜେନ’ ।
ତେବେ ଏହି ଷ୍ଟାଟସ୍ ଯୋଗୁଁ ଚୋରି ହୋଇଥାଇପାରେ ବୋଲି ସନ୍ଦେହ କରାଯାଇଛି । ଷ୍ଟାଟସ ଦେଖି ହିଁ ଚୋରମାନେ ଘରେ ପଶି ଖୁବ ସହଜରେ ଚୋରି କରିନେଇଥିବା ଜଣାପଡ଼ିଛଇ । ସୂଚନା ଅନୁସାରେ ପୀଡ଼ିତ ପରିବାର ୨ ଅଗଷ୍ଟ ଦିନ ଘର ତାଲା ଲଗାଇ ମହାବଳେଶ୍ୱର ଦର୍ଶନ ପାଇଁ ବାହାରି ଯାଇଥିଲେ । ସବୁ ଠିକ୍ ଥିଲା କିନ୍ତୁ ପରିବାରର ଜଣେ ସଦସ୍ୟଙ୍କ ପୋଷ୍ଟ ପାଇଁ ଆଜି ଘରେ କଳାକନା ବୁଲେଇ ଦେଇଛନ୍ତି ଚୋର । ଏହି ଘଟଣା ପରେ ସୋସିଆଲ ମିଡ଼ିଆରେ ସବୁବେଳେ ସକ୍ରିୟ ରହୁଥିବା ବ୍ୟକ୍ତି ନିଶ୍ଚୟ ଥରେ ଚିିନ୍ତା କରିବେ ।