ଟ୍ରେନ ଧକ୍କାରେ ହାତୀ ମୃତ୍ୟୁ ଘଟଣା : ଡ୍ରାଇଭର ନାଁରେ ଏତଲା ଦେଲା ବନବିଭାଗ
କନକ ବ୍ୟୁରୋ : ଟ୍ରେନ ଧକ୍କାରେ ହାତୀ ମୃତ୍ୟୁ ଘଟଣାରେ ଡ୍ରାଇଭର ନାଁରେ ଏତଲା ଦେଲା ବନବିଭାଗ । ଏନେଇ ସୂଚନା ଦେଇଛନ୍ତି କେନ୍ଦୁଝର ଡିଏଫଓ । ଏହା ସହିତ ବନବିଭାଗ ପକ୍ଷରୁ ତନାଘନା ଆରମ୍ଭ କରାଯାଇଛି । ବସନ୍ତପୁର ଓ କେନ୍ଦୁଝର ଷ୍ଟେସନ ମଝିରେ ଏହି ଦୁର୍ଘଟଣା ଘଟିଛି । କେନ୍ଦୁଝର ସଦର ବନାଂଚଳରେ ରେଳଧାରଣା ପାର ହେଉଥିବାବେଳେ ମାଲବାହୀ ଟ୍ରେନ ଧକ୍କାରେ ହାତୀର ହୋଇଥିଲା ମୃତ୍ୟୁ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦୁଝର ସଦର ବ୍ଲକ ନରଣପୁର ଷ୍ଟେସନ ନିକଟ ରାମଚନ୍ଦ୍ରପୁର ପ୍ଲାଂଟ ପାଖ ରେଳଧାରଣାରେ ଗତ ରାତି ପ୍ରାୟ ୧୦ଟାବେଳେ ଏକ ମାଲବାହୀ ଟ୍ରେନ ଧକ୍କାରେ ଗୋଟିଏ ମାଈ ହାତୀର ମୃତ୍ୟୁ ହୋଇଛି । ପ୍ରାୟ ୯ଟି ହାତୀ ରେଳ ଧାରଣା ପାର ହେଉଥିଲେ । ଗୋଟିଏ ହାତୀ ଟ୍ରେନ ଧକ୍କାରେ ପ୍ରାଣ ହରାଇଥିଲାବେଳେ ଅନ୍ୟଗୁଡିକ ଅଳ୍ପକେ ବର୍ତିଯାଇଥିବା ପ୍ରତ୍ୟକ୍ଷଦର୍ଶୀଙ୍କ କହିଛନ୍ତି । ଏହି ଅଂଚଳରେ ସାଧାରଣତଃ ଅନେକ ସମୟରେ ହାତୀ ବିଚରଣ କରିଥାନ୍ତି । ହାତୀପଲ ରେଳ ଧାରଣା ପାରି ହେଉଥିବାବେଳେ ମାଲବାହୀ ଟ୍ରେନ ଆଗରେ ପଡିଯାଇଥିଲେ । ତେବେ ଗୋଟିଏ ମାଈ ହାତୀ ଧାରଣାରେ ଥିବାରୁ କଟିଯାଇ ମୃତ୍ୟୁ ହୋଇଛି ।