ମାତ୍ର ୩୦ ସେକେଣ୍ଡରେ ବୁକ୍ ହେବ ତତ୍କାଳ ଟିକଟ ! ଜାଣନ୍ତୁ ଏହାର ଉପାୟ
ତତ୍କାଳ ଟିକଟ ବୁକ୍ କରିବା ପାଇଁ ଚାହୁଁଛନ୍ତି କି ? ଏବେ ଆପଣ ଘରେ ବସି ବସି ମାତ୍ର ୩୦ ସେକେଣ୍ଡରେ ବୁକ କିରପାରିବେ ତତ୍କାଳ ଟିକଟ । ତେବେ ଏଥିପାଇଁ ଭଲ ଇଣ୍ଟରନେଟ୍ ବେଗ ଓ ବୁକିଂ ଆରମ୍ଭ କରିବା ପୂର୍ବରୁ କିଛିି ପ୍ରସ୍ତୁତି କରନିଅନ୍ତୁ । ଯାହା ଆପଣଙ୍କ ପାଇଁ ସହଜ ହେବ ଏବଂ ସହଜରେ ଆପଣ ଟିକଟ ବୁକ କରିପାରିବେ । ତତ୍କାଳ ଟିକଟ ବୁକ୍ କରିବା ପାଇଁ ଓ ଆପଣଙ୍କ କାମକୁ ଅଧିକ ସରଳ କରିବା ପାଇଁ ବାୟହଟକେ ଡଟ୍ କମ ‘ତତ୍କାଳ ଫର ସିଓର’ ଏକ୍ସଟେନସନ ଆଣିଛି । ବାୟହଟକେର ସଂସ୍ଥାପକ ଓ ସିଇଓ ଗୌରବ ଦାହାକେ ଆଜତକ ସହ କଥାବାର୍ତ୍ତା ସମୟରେ ଏକଥା ଜଣାଇଛନ୍ତି । ସେ କହିଛନ୍ତି ଏହି ଏକ୍ସଟେନସନ ଜରିଆରେ କେହି ବି ମାତ୍ର ୩୦ ସେକେଣ୍ଡ ଭିତରେ ହିଁ ଟିକଟ ବୁକ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ମାତ୍ର ୩୫ ଦିନ ପୂର୍ବରୁ ଆସିଥିବା ଏହି ବ୍ରାଉଜର ଏକ୍ସଟେନସନ ସହ ଏବେ ପର୍ଯ୍ୟନ୍ତ ୧.୫ ଲକ୍ଷ ଗ୍ରାହକ ଯୋଡ଼ି ହୋଇସାରିଛନ୍ତି । ଏହାସହ ଜଣାପଡ଼ିଛି ଏକ୍ସଟେନସନ ଜରିଆରେ ପ୍ରାୟ ୮୫ ପ୍ରତିଶତ ସଫଳ ବୁକିଂ ହୋଇଛି । ଆସନ୍ତୁ ଜାଣିବା କିପିରି ଏହି ଏକ୍ସଟେନସନ ଆପଣଙ୍କୁ ତତ୍କାଳ ଟିକଟ ବୁକ କରିବାରେ ସାହଯ୍ୟ କରିବ । ‘ତତ୍କାଳ ଫର ସିଓର’ ଏକ ଇଂଟରନେଟ୍ ବ୍ରାଉଜର ଏକ୍ସଟେନସନ । ଏହାକୁ ଆପଣ ନିଜର କ୍ରୋମ୍ ଓ ମୋଜିଲା ଫାୟାରଫକ୍ସ ବ୍ରାଉଜରରେ ଆଡ଼ କରିବା ପାଇଁ ପଡ଼ିବ । ଥରେ ଯଦି ଆପଣ ଏକ୍ସଟେନସନକୁ ଆଡ଼ କରିଦିଅନ୍ତି , ଏହାପରେ ଆପଣ ଯେବେ ଚାହିଁବେ ତତ୍କାଳ ଟିକଟ ବୁକ କରିପାରିବେ ।
ସୂଚନାଯୋଗ୍ୟ ତତ୍କାଳ ଟିକଟ ବୁକ ଆରମ୍ଭ କରିବା ପୂର୍ବରୁ ପ୍ରଥମେ ଆପଣଙ୍କୁ ଏକ୍ସଟେନସନରେ ସମସ୍ତ ବିବରଣୀ ଦେବାକୁ ପଡ଼ିବ । ଯାହାଙ୍କ ପାଇଁ ଟିକଟ ବୁକ କରୁଛନ୍ତି ତାଙ୍କ ନାମ, କେଉଁଠାରୁ କେଉଁ ପର୍ଯ୍ୟନ୍ତ ଟିକଟ ବୁକ ହେବ ଆଦି ତଥ୍ୟ ପ୍ରଦାନ କରିବା ପାଇଁ ପଡ଼ିବ । ପେମେଂଟ ପାଇଁ ଡେବିଟ୍ କିମ୍ବା କ୍ରେଡିଟ କାର୍ଡ଼ର ବିବରଣୀ ସମେତ ଅନ୍ୟ ସମସ୍ତ ତଥ୍ୟ ପ୍ରଦାନ କରିବା ପାଇଁ ପଡ଼ିବ । ସକାଳ ୧୦ରେ ତତ୍କାଳ ଟିକଟ ବୁକିଂ ପୂର୍ବରୁ ସମସ୍ତ ବିବରଣୀକୁ ପ୍ରସ୍ତୁତ ରଖନ୍ତୁୁ । ଯେପିର ବୁକିଂ ଆରମ୍ଭ ହୋଇଯିବ ଆପଣଙ୍କୁ ଏକ୍ସଟେନସନରେ ‘ବୁକ୍ ନାଓ’ ଅପ୍ସନରେ କ୍ଲିକ୍ କରିିବା ପାଇଁ ପଡ଼ିବ ଏବଂ ଏହାପରେ ସମସ୍ତ କାମ ଆପେ ଆପେ ହୋଇଯିବ ।
ବୁକ ନାଓ ବିକଳ୍ପ ବାଛିବା ପରେ ଏକ୍ସଟେନସନ ଆପଣଙ୍କୁ ଆଇଆରସିଟିସର ୱେବସାଇଟକୁ ନେଇଯିବ । ଏଠାରେ ପହଞ୍ଚିଲା ପରେ ଆପଣଙ୍କୁ କେବଳ ଏକ କ୍ୟାପଚା 
ଏଂଟର କରିବା ପାଇଁ ପଡ଼ିବ । ଏହାସହ ଶେଷର ପେମେଣ୍ଟ ସମୟରେ ଆପଣଙ୍କୁ ଓଟିିପି ଏଂଟର କରିବା ପାଇଁ ପଡ଼ିବ ଏବଂ ଟିକଟ ବୁକ ହୋଇଯିବ । ଏହା ବ୍ୟତୀତ ଯଦି ଆପଣଙ୍କ ଇଂଟରନେଟ୍ ବେଗ ଭଲ ଅଛି ତେବେ ୩୦ରୁ ୩୫ ସେକେଣ୍ଡ ମଧ୍ୟରେ ଟିକଟ ବୁକ ହୋଇଯିବ । ତେବେ ସୂଚନା ଅନୁସାରେ ଏବେ ପର୍ଯ୍ୟନ୍ତ ଏହି ପ୍ରକ୍ରିୟା ଅନୁସାରେ ସର୍ବାଧିକ ୧ ମିନିନ ସମୟ ଲାଗିଛି ତତ୍କାଳ ଟିକଟ ବୁକିଂ ପାଇଁ ।
ସୂଚନା ଅନୁସାରେ ଏକ୍ସଟେନସନ ସମ୍ପୂର୍ଣ୍ଣ ମାଗଣା ଓ ଏହାକୁ ମୋବାଇଲ ଆପ୍ ଜରିଆରେ ବ୍ୟବହାର କରାଯାଇପାରିବ । ତେବେ ଏକ୍ସଟେନସନରେ ଯେଉଁ ବିବରଣୀ ଆପଣ ଦେଉଛନ୍ତି ତାହା କେବଳ ବ୍ରାଉଜରରେ ସେଭ ରହିବ । ଏକ୍ସଟେନନରେ ଦିଆଯାଇଥିବା ତଥ୍ୟ କମ୍ପାନୀର କୌଣସି ସର୍ଭରରରେ ସେଭ୍ ହେବ ନାହିଁ । ଏହାର ଅର୍ଥ ଏହି ପ୍ରକିୟା ପୁରାପୁରି ସୁରକ୍ଷିତ ।