କନକ ବ୍ୟୁରୋ : ପ୍ରଦୂଷଣ ରୋକିବାକୁ ବିଏମସିର ନିଆରା ଉଦ୍ୟମ । ସାଇକେଲରେ ଅଫିସ ଆସିଲେ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ । ସପ୍ତାହର ଗୋଟିଏ ଦିନ ସାଇକେଲରେ ଆସିବାକୁ ଗତକାଲି ଅପିଲ କରିଥିଲେ ବିଏମସି କମିଶନର । କମିଶନରଙ୍କ ଅପିଲକୁ ପାଳନ କରି ବିଡିଏ,ବିଏମସି ଓ ବିଏସସିଏଲର କର୍ମଚାରୀମାନେ ମଧ୍ୟ ସାଇକେଲରେ କାର୍ଯ୍ୟାଳୟକୁ ଆସିଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ବାୟୁ ପ୍ରଦୂଷଣ ଏବେ ସମସ୍ତଙ୍କ ପାଇଁ ଚିନ୍ତାର କାରଣ ପାଲଟଥିବାବେଳେ ଉଦାହରଣ ସୃଷ୍ଟି କରିଛି ଭୁବନେଶ୍ୱରରେ ଥିବା ୩ଟି ସରକାରୀ ଅନୁଷ୍ଠାନ । ରାଜ୍ୟରେ ଏଭଳି ପ୍ରୟାସ ପ୍ରଥମ । କର୍ମଚାରୀମାନେ ସାଇକେଲିଂ କଲେ କିମ୍ବା ଚାଲିଚାଲି ଆସିଲେ ଅଧିକ ଫିଟ ରହିବେ ଓ ବାୟୁ ପ୍ରଦୂଷଣ କିଛି ମାତ୍ରାରେ କମିବ ବୋଲି କମିଶନର କହିଛନ୍ତି ।
ବିଏମସି, ବିଡିଓ ଓ ଭୁବନେଶ୍ୱର ସ୍ମାର୍ଟ ସିଟି ଲିମିଟେଡରେ ପ୍ରାୟ ୮ ଶହ କର୍ମଚାରୀ କାମ କରୁଛନ୍ତି । ଗୋଟିଏ ଦିନ ଗାଡି ଚଳାଚଳ ବନ୍ଦ ରହିଲେ ଏହାର ପ୍ରଭାବ ରାଜଧାନୀ ଉପରେ ପଡିବ ବୋଲି ଆଶା କରାଯାଉଛି ।