ତେଜିଲା ମେୟରଙ୍କ ଇସ୍ତଫା ଓ ଗିରଫ ଦାବି: ଆଜି ରାଜ୍ୟର ସବୁ ଏନଏସି ଓ ମ୍ୟୁନିସିପାଲଟିରେ ବିଜେପିର ଦୁଇ ଘଂଟିଆ ଚକାଜାମ
କନକ ବ୍ୟୁରୋ : ଭୁବନେଶ୍ୱର ମେୟର ଅନନ୍ତ ନାରାୟଣ ଜେନାଙ୍କ ବିରୋଧରେ ଆସିଥିବା ସେକ୍ସ ସିଡି ଅଭିଯୋଗ ପ୍ରସଙ୍ଗରେ ଥମିବାର ନାଁ ଧରୁନାହିଁ ରାଜନୀତି । ଆଜି ସମସ୍ତ ବିିଜ୍ଞାପିତ ଅଂଚଳ ପରିଷଦ ଓ ମ୍ୟୁନିସିପାଲଟିରେ ସକାଳ ୧୦ଟାରୁ ୧୨ଟା ପର୍ଯ୍ୟନ୍ତ ଚକାଜାମ୍ ଆନ୍ଦୋଳନ କରାଯିବ ବୋଲି ବିଜେପି ଘୋଷଣା କରିଛି । ପୋଲିସ ଉପରେ ଭରସା ନଥିବାରୁ କେନ୍ଦ୍ରୀୟ ସଂସ୍ଥା ସିବିଆଇ ଦ୍ୱାରା ପୁରା ମାମଲାର ତଦନ୍ତ ଦାବି କରୁଛି ବିଜେପି । ଏହି ଘଟଣାରେ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଦାବି କରିବା ସହ ଆଜି ଚକାଜାମ୍ ଡାକରା ଦେଇଛି ବିଜେପି । ଗତକାଲି ଆନ୍ଦୋଳନକୁ ବ୍ୟାପକ କରିଥିଲା ରାଜ୍ୟ ବିଜେପିର ଯୁବମୋର୍ଚ୍ଚା । ମେୟରଙ୍କ ଇସ୍ତଫା ଦାବି କରି ଏକ ବିଶାଳ ବାଇକ ରାଲି କରିଥିଲା ଦଳ ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ରାମ ମନ୍ଦିର ଛଳରୁ ବିଜେପି ଯୁବ ମୋର୍ଚ୍ଚାର ଶତାଧିକ କର୍ମୀ ଏକ ବାଇକ ରାଲିରେ ମେୟରଙ୍କ ବାସଭବନ ଘେରାଉ କରିବାକୁ ଆସିଥିଲେ । ତେବେ ପହଂଚିବା ପୂର୍ବରୁ ଏମାନଙ୍କୁ ପୋଲିସ ଅଟକାଇବାରୁ ମୁହାଁମୁହିଁ ପରିସ୍ଥିତି ଉପୁଜିଥିଲା । ପୋଲିସ ପଦକ୍ଷେପ ପ୍ରତିବାଦରେ ଟାୟାର ଜାଳି ରାସ୍ତାରୋକ ମଧ୍ୟ କରିଥିଲେ ବିଜେପି କର୍ମୀ । ମେୟରଙ୍କ ବିରୋଧରେ ଆସିଥିବା ଯୌନ କେଳେଙ୍କାରୀ ପ୍ରସଙ୍ଗରେ ତାଙ୍କ ଇସ୍ତଫା ଦାବି କରିବା ସହ ବିବାଦୀୟ ସେକ୍ସ ସିଡିର ରୁଶି ମୃତ୍ୟୁ ସହ କଣ କନେକ୍ସନ ରହିଛି ତାର ତଦନ୍ତ ଦାବି କରୁଛି ରାଜ୍ୟ ବିଜେପି । ସେହିପରି ଅନ୍ୟ ପକ୍ଷରେ କଂଗ୍ରେସ ମଧ୍ୟ ଅଂଟା ଭିଡିଛି । ଆଉ ତୀବ୍ର ଆନ୍ଦୋଳନର ଧମକ ଦେଇଛି ।
ଦେଖନ୍ତୁ ଏହି ଭିଡିଓ :