ଆଜି ବିଜେପି ଜାତୀୟ କାର୍ଯ୍ୟକାରିଣୀରେ ଦଳୀୟ ନେତା ଓ କର୍ମୀଙ୍କୁ ମନ୍ତ୍ର ଦେବେ ମୋଦି ! ବୈଠକରେ ଦ୍ୱିତୀୟ ଦିନରେ ପ୍ରସ୍ତୁତ ହୋଇପାରେ ୨୦୧୯ର ଖସଡା
କନକ ବ୍ୟୁରୋ : ବିଜେପି ଜାତୀୟ ପରିଷଦ ବୈଠକରେ ଦଳୀୟ ନେତା ଓ କର୍ମୀଙ୍କୁ ଆଜି ମନ୍ତ୍ର ଦେବେ ମୋଦି । ତିନୋଟି ବିଜେପି ଶାସିତ ରାଜ୍ୟ ହାତରୁ ଖସିବା ପରେ କିଭଳି ନିର୍ବାଚନରେ ପୁଣି ଦଳ ଭଲ ପ୍ରଦର୍ଶନ କରିବ ତାଉପରେ ସମସ୍ତେ ଜୋର ଦେବାକୁ ମୋଦି ଆଜି ଦଳୀୟ ନେତାଙ୍କୁ ପରାମର୍ଶ ଦେବେ । ବୈଠକରେ ଦ୍ୱିତୀୟ ଦିନରେ ଆଜି ୨୦୧୯ ସାଧାରଣ ନିର୍ବାଚନ ପାଇଁ ରଣନୀତ ପ୍ରସ୍ତୁତ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଳୀର ରାମଲୀଳା ମଇଦାନରେ ଚାଲିଥିବା ଏହି ବୈଠକରେ ଗତକାଲି ଉଦବୋଧନ ଦେଇ ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା କହିଥିଲେ ୨୦୧୯ ସାଧାରଣ ନିର୍ବାଚନରେ ବିଚାରଧାରାକୁ ନେଇ ଲଢ଼େଇ ହେବ । ଦୁଇଟି ବିଚାରଧାରା ମଧ୍ୟ ଏହି ଲଢ଼େଇରେ ଜନସାଧାରଣ ନିଜ ପ୍ରତିନିଧି ଚୟନ କରିବେ ।
ରାମ ମନ୍ଦିର ପ୍ରସଙ୍ଗରେ ଶାହା କହିଥିଲେ ଯେଉଁଠି ପ୍ରଭୁ ଶ୍ରୀରାମ ଜନ୍ମ ନେଇଥିଲେ ସେହି ସ୍ଥାନରେ ହିଁ ଭବ୍ୟ ମନ୍ଦିର ନିର୍ମାଣ ହେବ । ବିଜେପି ଚାହୁଁଛି ରାମ ମନ୍ଦିର ଶୀଘ୍ର ହେଉ ମାତ୍ର ଏଥିରେ କଂଗ୍ରେସ ବାଧା ଦେଉଛି । ଅନ୍ୟପଟରେ ମାମଲା ସୁପ୍ରିମକୋର୍ଟରେ ବିଚାରଧୀନ ଥିବାରୁ ପ୍ରକ୍ରିୟା ଆଗକୁ ବଢ଼ି ପାରୁ ନାହିଁ । ଉତ୍ତର ପ୍ରଦେଶ ସଂପର୍କରେ ଦୃଢ଼ୋକ୍ତି ପ୍ରକାଶ କରି ଶାହ କହିଛନ୍ତି ଯେ ବିଜେପି ୟୁପିରେ ୭୩ରୁ ୭୪ ଆସନରେ ବିଜୟୀ ହେବ । ୨୦୧୪ରେ ଆମେ ୭୨ ଆସନ ଦଖଲ କରିଥିଲୁ ଏବଂ ୨୦୧୯ରେ ଏହା ୭୪ ହେବ ବୋଲି ସେ କହିଛନ୍ତି ।