ପୁଣି ଜଣେ ବିଜେପି ବିଧାୟକଙ୍କ ବିବାଦୀୟ ମନ୍ତବ୍ୟ ! ରାହୁଲଙ୍କୁ ‘ରାବଣ’ ଓ ପ୍ରିୟଙ୍କାଙ୍କୁ କହିଲେ ‘ସୂର୍ପଣଖା’
କନକ ବ୍ୟୁରୋ : ସକ୍ରିୟ ରାଜନୀତରେ ପ୍ରିୟଙ୍କା ଗାନ୍ଧୀଙ୍କ ପ୍ରବେଶ ପରେ ଜାତୀୟ ରାଜନୀତି ସରଗରମ ହୋଇଉଠିଛି । କଂଗ୍ରେସର ଏହି ପଦକ୍ଷେକୁ କେହି ସମାଲୋଚନା କରୁଛି ତ ଆଉ କିଏ ଉଚିତ ପଦକ୍ଷେପ ବୋଲି କହୁଛି । କଂଗ୍ରେସର ଦଳୀୟ ଦାୟିତ୍ୱ ନେବା ପରେ ପ୍ରିୟଙ୍କା ଗାନ୍ଧୀଙ୍କ ସକ୍ରିୟ ରାଜନୀତିରେ ପ୍ରବେଶକୁ ନେଇ ଯେମିତି ଚର୍ଚ୍ଚା ହୋଇଥିଲା, ତାହାଠାରୁ ଅଧିକ ଚର୍ଚ୍ଚା ହେଉଛି-ତାଙ୍କ ସଂପର୍କରେ ବିଜେପି ନେତା ରଖୁଥିବା ବୟାନକୁ ନେଇ । ତେବେ ପୁଣି ଥରେ ପ୍ରିୟଙ୍କା ଗାନ୍ଧୀଙ୍କ ଉପରେ ବିବାଦୀୟ ଟପ୍ପଣୀ ଦେଇଛନ୍ତି ଜଣେ ବିଜେପି ବିଧାୟକ ।
Kanak News is now on WhatsApp
Join and get latest news updates delivered to you via WhatsApp
Siyasat ki zubaan aisi bhi hai…Ballia se BJP MLA Surendra Singh ko suniye.. pic.twitter.com/sOr1AqzKEG
— Kamal khan (@kamalkh88221860) January 30, 2019
ଉତ୍ତରପ୍ରଦେଶ ବାଲିଆର ବିଜେପି ବିଧାୟକ ସୁରେନ୍ଦ୍ର ସିଂ, ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ରାମାୟଣର ସୂର୍ପଣଖା ସହ ତୁଳନା କରିଛନ୍ତି । ମଙ୍ଗଳବାର ଦିନ ବିଜେପି ବିଧାୟକ ସୁରେନ୍ଦ୍ର ସିଂ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ରାବଣ ଓ ତାଙ୍କ ଉଭୟଣୀଙ୍କୁ ସୂର୍ପଣଖା ବୋଲି ବୟାନ ଦେଇଥିଲେ । ସୂଚନାଯୋଗ୍ୟ ନିକଟରେ ପ୍ରିୟଙ୍କା ଗାନ୍ଧୀଙ୍କୁ ଦଳର ମହାସଚିବ କରାଯାଇଛି ଏବଂ ତାଙ୍କୁ ୟୁପିର କମାଣ ଦିଆଯାଇଛି ।
ବିଜେପି ବିଧାୟକ ସୁରେନ୍ଦ୍ର ସିଂ ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଲାବେଳେ କହିଛନ୍ତି କଂଗ୍ରେସ ଏକ ଭଙ୍ଗା ନାଆ । କେତେବେଳେ ଯେ ବୁଡ଼ିବ କିଛି ଠିକଣା ନାହିଁ । କେବଳ ଏସସି, ଏସସି ଆକ୍ଟ ବଳରେ ରାଜସ୍ଥାନ ଓ ମଧ୍ୟପ୍ରଦେଶରେ ବିଜୟ ହାସଲ କରିଛି କଂଗ୍ରେସ । ଆପଣ ସମସ୍ତ ଜାଣନ୍ତି ଯେତେବେଳ ରାମ ଓ ରାବଣ ଯୁଦ୍ଧ ହୋଇଥିଲା ପ୍ରଥମେ ରାବଣ ଭଉଣୀ ସୂର୍ପଣଖାକୁ ପଠାଇଥିଲା । ରାମଙ୍କ ଭୂମିକାରେ ମୋଦି, ରାବଣ ଭୂମିକାରେ ରାହୁଲ ଓ ପ୍ରିୟଙ୍କାଙ୍କୁ ସୂର୍ପଣଖା ସହ ତୁଳନା କରିଛନ୍ତି ।
ସୂଚନାଯୋଗ୍ୟ ଏହା ପୂର୍ବରୁ ମଧ୍ୟ ବିବାଦୀୟ ବୟାନ ଦେଇ ଚର୍ଚ୍ଚାରେ ଥିଲେ ସୁରେନ୍ଦ୍ର ସିଂ । ତେବେ ଏହା ପ୍ରଥମ ଥର ନୁହେଁ ପୂର୍ବରୁ ମଧ୍ୟ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ କରୀନା କପୁର, ଚକୋଲେଟ୍ ଚେହେରା ତ ପୁଣି କିଏ ମାନସିକ ରୋଗୀ ବୋଲି କହିସାରିଛନ୍ତିି ।