ସାବଧାନ ! ଚେଞ୍ଜିଂ ରୁମରେ ଲାଗିଥିବା ହେଙ୍ଗରରେ ହୋଇପାରେ ଗୁପ୍ତ କ୍ୟାମେରା, ଜାଣନ୍ତୁ କିପରି ଚିହ୍ନିବେ
ଚେଞ୍ଜିଂ ରୁମରେ କ୍ୟାମେରା ଲାଗିିବା କଥା ଅନେକ ଥର ସାମ୍ନାକୁ ଆସିଛି । ଏଥିପାଇଁ ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟି ଓ ବଡ ବଡ ନେତା ମାନେ ମଧ୍ୟ ଏହାର ଶିକାର ହୋଇଛନ୍ତି । ଆପଣ ଯେତେବେଳେ ଚେଞ୍ଜିଂ ରୁମରେ କପଡା ବଦଳାଇବା ପାଇଁ ଯାଉଛନ୍ତି, ପ୍ରଥମେ ପରୀକ୍ଷା କରିନିଅନ୍ତୁ କି ରୁମରେ କୌଣସି କ୍ୟାମେରା ତ ଲାଗିନି । ଆପଣ ଏନେଇ ଚେଞ୍ଜିଂ ରୁମରେ ଲଗା ଯାଇଥିବା ଆଇନାରେ ଆଙ୍ଗୁଳି ରଖି ଦୁଇ ପଟକୁ ଦେଖି ଯାଞ୍ଚ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏବେ ଆମେ ଆପଣଙ୍କୁ ଏମିତି କ୍ୟାମେରା ବିଷୟରେ ଜଣାଇବୁ ଯାହାକୁ ଦେଖି ଆପଣ କ୍ୟାମେରା ବୋଲି ଚିନ୍ତା କରିପାରିବେ ନାହିଁ । ଗୋଟିଏ ପଟେ କହିବାକୁ ଗଲେ ଆପଣ ଉକ୍ତ ଜିନିଷ ଉପରେ କ୍ୟାମେରା ଥିବା ନେଇ ସନ୍ଦେହ କରିବେ ନାହିଁ । ଏବେ ବଜାରରେ ଏମିତି କ୍ୟାମେରା ଆସି ଯାଇଛି ଯାହା ଦେଖିବା ପାଇଁ ବିଲକୁଲ ହେଙ୍ଗର ପରି । ବହୁତ ଶସ୍ତା ହୋଇଥିବା ଯୋଗୁଁ ଛୋଟ ଛୋଟ ଦୋକାନରେ ମଧ୍ୟ ଏହି କ୍ୟାମେରା ଲଗାଯାଉଛି ।
ପ୍ରଥମେ ଦେଖିଲେ ଆପଣଙ୍କୁ ଏହା କପଡା ଟାଙ୍ଗିବା ପାଇଁ ବ୍ୟବହୃତ ହେଉଥିବା ହୁକ ପରି ଲାଗିବ । କିନ୍ତୁ ଆପଣ ଏହାର ପାଖକୁ ଗଲେ ଏଥିରେ ଏକ ଛୋଟ କଣା ନଜର ଆସିବ । ଯାହା କ୍ୟାମେରାର ଲେନ୍ସ ଅଟେ । ଅନଲାଇନ ବଜାରରେ ବହୁତ ଶସ୍ତାରେ ମିଳୁଛି ଏହି କ୍ୟାମେରା । ସର୍ବସାଧାରଣ ଟଏଲେଟରେ ଏପରି କ୍ୟାମେରା ମିଳିବା ପରେ ପୋଲିସ ଏନେଇ ସତର୍କ ରହିବା ପାଇଁ ସୂଚନା ଦେଇଛନ୍ତି । ଏପରିସ୍ଥଳେ ଆପଣ ଯେଉଁଠିକୁ ବି ଯାଉଛନ୍ତି ଏପରି କଛି ଦେଖିଲେ ନିଜେ ସଚେତନ ରହିବା ଜରୁରୀ ।
( ସୌଜନ୍ୟ – ଆଜତକ )