ମହାରାଷ୍ଟ୍ରରୁ ମୋଦିଙ୍କ ଉପରେ ବର୍ଷିଲେ ରାହୁଲ ! ନିର୍ବାଚନ ପରେ ରାଫେଲ ଡିଲର ଯାଂଚ ହେବ, ଚୌକିଦାର ଭୋଗିବେ ଜେଲଦଣ୍ଡ
କନକ ବ୍ୟୁରୋ : ନିର୍ବାଚନୀ ବିଗୁଲ ବାଜି ସାରିଛି । ଭୋଟରଙ୍କୁ ଆକର୍ଷିତ କରିବା ପାଇଁ ପ୍ରାର୍ଥୀମାନଙ୍କ ସାଧାରଣ ସଭା, ରୋଡ଼ସୋ ଓ ରାଲି କରୁଛନ୍ତି ବଡ଼ ବଡ଼ ନେତା । ୨୦୧୯ ନିର୍ବାଚନ ପାଇଁ ଆରମ୍ଭ ହୋଇଯାଇଛି ଜୋରଦାର ପ୍ରଚାର । ପ୍ରଚାର ମୈଦାନରେ ବଡ଼ ବଡ଼ ନେତା । ନିର୍ବାଚନର ତାରିଖ ଯେେତେ ପାଖେଇ ଆସୁଛି ନେତାଙ୍କ ପ୍ରଚାର ସେତିକି ଜମିବାରେ ଲାଗିଛି । ମୁହାଁମୁହିଁ ମୁକାବିଲା ପାଇଁ ସବୁ ରାଜନୈତିକ ଦଳ ପ୍ରସ୍ତୁତ । ଏହି ପରିପେକ୍ଷୀରେ ଗତକାଲି ମହାରାଷ୍ଟ୍ରର ନାଗପୁରରେ ଏକ ବଡ଼ ଜନସଭାରେ ଯୋଗଦେଇ ପ୍ରଧାନମନ୍ତ୍ରୀଙ୍କ ଉପରେ ବର୍ଷିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଫେଲ ଡିଲ୍ ନେଇ ପ୍ରଧାନମନ୍ତ୍ରୀ ମୋଦିଙ୍କ ଉପରେ ଭ୍ରଷ୍ଟାଚାର ଅଭିଯୋଗ ଆଣୁଥିବା ରାହୁଲ ଗାନ୍ଧୀ ଏହି ସମ୍ମନ୍ଧରେ ଆମ ପାଦେ ଆଗେଇ ଏବ ବଡ଼ ବୟାନ ଦେଇଛନ୍ତି । କଂଗ୍ରେସ ଅଧ୍ୟକ୍ଷ କହିଛନ୍ତି, ନିର୍ବାଚନ ପରେ ରାଫେଲ ଡିଲର ଯାଂଚ ହେବ । ଚୌକିଦାର ଜେଲରେ ଯିବେ । ନିର୍ବାଚନ ପୂର୍ବରୁ ରାହୁଲ ଗାନ୍ଦୀଙ୍କ ଏହି ବୟାନ ଖୁବ ମହତ୍ୱପୂର୍ଣ୍ଣ କୁହାଯାଉଛି । ପୂର୍ବରୁ ବାରମ୍ବାର ‘ଚୌକିଦାର ଚୋର ହେ’ ଶବ୍ଦ ବ୍ୟବହାର କରି ମୋଦିଙ୍କ ଉପରେ ବର୍ଷୁଥିଲେ ରାହୁଲ । ଆଉ ଏବେ ଲୋକସଭା ନିର୍ବାଚନ ପୂର୍ବରୁ ଚୌକିଦାରଙ୍କୁ ଜେଲକୁ ପଠାଇବା କଥା କହିଛନ୍ତି ।
ଗତକାଲି ମହାରାଷ୍ଟ୍ର ନାଗପପୁରର ଏକ ନିର୍ବାଚନୀ ସଭାରେ ଯୋଗଦେଇ ଏପରି କହିଛନ୍ତି ରାହୁଲ । ୨୦୧୯ ନିର୍ବାଚନରେ କଂଗ୍ରେସ କ୍ଷମତାକୁ ଆସିଲେ ତାଙ୍କ ରାଫେଲ ଡିଲ ନେଇ ଯାଂଚ କରାଯିବ । ରାହୁଲ ଅଭିଯୋଗ କରିଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯୁଦ୍ଧ ବିମାନ ସଉଦାରେ ପରିବର୍ତ୍ତନ କରିଛନ୍ତି । ଆଉ ଏହାଦ୍ୱାରା ଯୁଦ୍ଧ ବିମାନର ମୂଲ୍ୟ ବୃଦ୍ଧି ହୋଇଯାଇଛି । ରାଫେଲ ବିମାନ ସଉଦାରେ ଭ୍ରଷ୍ଟାଚାର ହୋଇଛି । ସେ କହିଛନ୍ତି ରକ୍ଷା ମନ୍ତ୍ରାଳୟର ଦସ୍ତାବିଜ ଅନୁସାରେ ନରେନ୍ଦ୍ର ମୋଦି ମୂଳ ସଉଦାରେ ପରିବର୍ତ୍ତନ କରି ବିମାନ ୧୬୦୦ କୋଟି ଟଙ୍କାରେ କିଣିଛନ୍ତି । ମହଙ୍ଗା ବିମାନ କିଣିବା ଦ୍ୱାରା ଉଦ୍ୟୋଗପତି ଅନୀଲ ଆମ୍ବାନୀଙ୍କୁ ଫାଇଦା ହୋଇଛି ।