କନକ ବ୍ୟୁରୋ : ଆସନ୍ତା ୨୯ରେ ରାଜ୍ୟର ୬ଟି ଲୋକସଭା ପାଇଁ ହେବ ମତଦାନ । ଆଉ ତା’ପୂର୍ବରୁ ପ୍ରାର୍ଥୀଙ୍କ ତଥ୍ୟ ନେଇ ଆସିଲା ଏଡ଼ିଆର ରିପୋର୍ଟ । କେଉଁ ନେତା କେତେ ଧନୀ, କେଉଁ ଦଳରେ କେତେ ବାଗୀ ନେତା ଅଛନ୍ତି ତଥା କୋଟିପତି ନେତାଙ୍କ ତାଲିକା ଅଛନ୍ତି, ସେନେଇ ଆସିଛି ରିପୋର୍ଟ । ଲୋକସଭା ପ୍ରାର୍ଥୀଙ୍କ ମଧ୍ୟରୁ ନବଜ୍ୟୋତି, ରବୀନ୍ଦ୍ର ଓ ବୈଜୟନ୍ତ ପଣ୍ଡା ସବୁଠାରୁ ଧନୀ ପ୍ରାର୍ଥୀ । ରିପୋର୍ଟ ଅନୁସାରେ ନବଜ୍ୟୋତି ପଟ୍ଟନାୟକ ସବୁଠାରୁ ଧନୀ ଲୋକସଭା ପ୍ରାର୍ଥୀ । ରବୀନ୍ଦ୍ର ଜେନା ଦ୍ୱିତୀୟ ଓ ବୈଜୟନ୍ତ ପଣ୍ଡା ତୃତୀୟ ସ୍ଥାନରେ ଅଛନ୍ତି । ନବଜ୍ୟୋତିଙ୍କ ସମ୍ପତ୍ତି ୧୦୪ କୋଟିରୁ ଅଧିକ ଥିବାବେଳେ ରବୀନ୍ଦ୍ରଙ୍କ ୭୨ କୋଟିରୁ ଅଧିକ ଓ ବୈଜୟନ୍ତ ପଣ୍ଡାଙ୍କ ତ୍ତି ୫୭ କୋଟରିୁ ଅଧିକ ।
Kanak News is now on WhatsApp
Join and get latest news updates delivered to you via WhatsApp
ଧନୀ ଲୋକସଭା ପ୍ରାର୍ଥୀ
ନେତା ଦଳ ଆସନ ସଂପତ୍ତି
ନବଜ୍ୟୋତି ପଟ୍ଟନାୟକ କଂଗ୍ରେସ ବାଲେଶ୍ୱର ୧୦୪କୋଟି
ରବୀନ୍ଦ୍ର ଜେନା ବିଜେଡି ବାଲେଶ୍ୱର ୭୨ କୋଟି
ବୈଜୟନ୍ତ ପଣ୍ଡା ବିଜେପି କେନ୍ଦ୍ରାପଡ଼ା ୫୭ କୋଟି
ଏଡ଼ିଆର ରିପୋର୍ଟ ଅନୁସାରେ ବିଜେଡ଼ିର ୬ରୁ ୬ ଜଣ ଲୋକସଭା ପ୍ରାର୍ଥୀ କୋଟପତି । କଂଗ୍ରେସର ୪ ଜଣ ଓ ବିଜେପିର ୩ ଜଣ କୋଟିପତି ନେତା । ଅନ୍ୟ ପ୍ରାର୍ଥୀଙ୍କ ତଥ୍ୟ ମିଳିପାରିନାହିଁ । ୫୨ ଲୋକସଭା ପ୍ରାର୍ଥୀଙ୍କ ମଧ୍ୟରୁ ୧୭ ପ୍ରାର୍ଥୀ କୋଟିପତି ।
କେଉଁ ଦଳରେ କେତେ କୋଟିପତି?
ଦଳ କୋଟିପତି
ବିଜେଡି ୬ରୁ ୬
କଂଗ୍ରେସ ୫ରୁ ୪
ବିଜେପି ୩ରୁ ୩
କେଉଁ ଦଳରେ କେତେ ଦାଗୀ ନେତା?
୫୨ ଲୋକସଭା ପ୍ରାର୍ଥୀଙ୍କ ମଧ୍ୟରୁ ୭ଜଣ ଦାଗୀ ନେତା ଅଛନ୍ତି । ଅର୍ଥାତ ମୋଟ ପ୍ରାର୍ଥୀଙ୍କ ମଧ୍ୟରୁ ୧୩ ପ୍ରତିଶତ ଦାଗୀ ନେତା । ଏଡ଼ିଆର ତାଲିକା ଅନୁସାରେ ଏମାନଙ୍କ ମଧ୍ୟରୁ ୬ ଜଣଙ୍କ ପ୍ରାର୍ଥୀଙ୍କ ନାଁରେ ଜଘନ୍ୟ ଅପରାଧିକ ମାମଲା ରହିଛି ।