ମହାକାଶରୁ ବି ଝଲସୁଛି ଷ୍ଟାଚ୍ୟୁ ଅଫ୍ ୟୁନିଟି ! ସାଟେଲାଇଟ ନେଟୱର୍କ ପ୍ଲାନେଟ୍ ଜାରି କଲା ଫଟୋ ।

କନକ ବ୍ୟୁରୋ : ଚର୍ଚ୍ଚାରେ ଲୌହ ପୁରୁଷ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ‘ଷ୍ଟାଚ୍ୟୁ ଅଫ୍ ୟୁନିଟି’ । ବ୍ୟବସାୟିକ ସ୍ୟାଟେଲାଇଟ ନେଟୱାର୍କ ‘ପ୍ଲାନେଟ୍’ ପକ୍ଷରୁ ଏପରି ଏକ ଫଟୋ ଜାରି କରାଯାଇଛି । ଯାହାକୁ ଗତ ନଭେମ୍ବର ୧୫ ତାରିଖରେ ମହାକାଶରୁ ଉତ୍ତୋଳିତ କରାଯାଇ ସେୟାର କରାଯାଇଛି ।  ବିଶ୍ୱର ସର୍ବୋଚ୍ଚ ୧୮୨ ମିଟର ବା ୫୯୭ ଫୁଟ ଉଚ୍ଚର ‘ଷ୍ଟାଚ୍ୟୁ ଅଫ୍ ୟୁନିଟି’ର ଏହି ଫଟୋକୁ ଲୋକ ବେଶ ପସନ୍ଦ କରିଛନ୍ତି ।

ଗତ ଅକ୍ଟୋବର ୩୧ ତାରିଖରେ ଲୌହ ପୁରୁଷ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ୧୪୩ ତମ ଜନ୍ମ ତିଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ଉଦଘାଟନ କରିଥିଲେ । ୨ ହଜାର ୯୮୯ କୋଟି ଟଙ୍କା ବ୍ୟୟରେ ନିର୍ମିତ ଏହି ବୋଞ୍ଜ ପ୍ରତିକୃତି ଆମେରିକାର ଷ୍ଟାଚ୍ୟୁ ଅଫ ଲିବର୍ଟି ଠାରୁ ୨ ଗୁଣ ଉଚ୍ଚ । ଷ୍ଟାଚ୍ୟୁ ଅଫ୍ ୟୁନିଟି  ବିଶ୍ୱର ସବୁଠାରୁ ଉଚ୍ଚ ପ୍ରତିମୂର୍ତ୍ତି ଅଟେ । ଏହାର ଉଚ୍ଚତା ୧୮୨ ମିଟର ତଥା ୫୯୭ ଫୁଟ ଅଟେ । ଏହି ଷ୍ଟାଚ୍ୟୁକୁ ଦେଖିବାକୁ ଦୂର ଦୂରାନ୍ତରରୁ ଲୋକମାନେ ଛୁଟି ଆସୁଛନ୍ତି ।